T20 World Cup 2028 : టీ20 ప్ర‌పంచ‌ప్ 2028కి నేరుగా అర్హ‌త సాధించిన జ‌ట్లు ఇవే.. ప్ర‌క‌టించిన ఐసీసీ

First 12 spots for T20 World Cup 2028 decided after group stage play in 2026 edition

T20 World Cup 2028 : టీ20 ప్ర‌పంచ‌క‌ప్ 2026లో సూప‌ర్‌-8కి చేరుకునే జ‌ట్లు ఏవో తేలిపోయాయి. ఈ నేప‌థ్యంలో ఐసీసీ కీల‌క అప్‌డేట్ ఇచ్చింది. టీ20 ప్ర‌పంచ‌క‌ప్ 2028కి అర్హ‌త సాధించిన 12 జ‌ట్ల‌ను ప్ర‌క‌టించింది.

టీ20 ప్ర‌పంచ‌క‌ప్ 2026లో సూప‌ర్‌-8కి అర్హ‌త సాధించిన భార‌త్‌, ద‌క్షిణాఫ్రికా, జింబాబ్వే, వెస్టిండీస్, ఇంగ్లాండ్, పాకిస్థాన్, శ్రీలంక జ‌ట్ల‌ల‌తో పాటు ఆతిథ్య దేశాలుగా ఆస్ట్రేలియా, న్యూజిలాండ్ జ‌ట్లు టీ20 ప్ర‌పంచ‌క‌ప్ 2028కి నేరుగా అర్హ‌త సాధించాయ‌ని ఐసీసీ వెల్ల‌డించింది.

Abhishek Sharma : జెర్సీ కాదురా అయ్యా.. ముందు నీ మైండ్ సెట్ కాస్త మార్చుకో.. సునీల్ గ‌వాస్క‌ర్ స‌ల‌హాను ప‌ట్టించుకోవా..!

వీటితో పాటు బంగ్లాదేశ్, ఐర్లాండ్‌, అఫ్గానిస్థాన్‌లు కూడా టీ20 ర్యాంకింగ్స్ ఆధారంగా త‌మ స్థానాల‌ను ద‌క్కించుకున్నాయి. అయితే వీటిని టీ20 ప్ర‌పంచ‌క‌ప్ 2026 ఫైన‌ల్ ముగిసిన త‌రువాత అర్హ‌త సాధించిన‌ట్లుగా ఐసీసీ ప్ర‌క‌టించ‌నుంది.

ఎందుకంటే టీ20 ర్యాంకింగ్స్‌కు క‌టాఫ్ తేదీని టీ20 ప్ర‌పంచ‌క‌ప్ 2026 ఫైన‌ల్‌గా నిర్ణ‌యించారు. మార్చి 9 వ‌ర‌కు వీటి ర్యాంకింగ్స్‌ను ప్ర‌భావితం చేసే అంత‌ర్జాతీయ మ్యాచ్‌లు ఏవీ లేక‌పోవ‌డంతో ఈ మూడు జ‌ట్లు టీ20 ప్ర‌పంచ‌క‌ప్ 2028కి అర్హ‌త సాధించాయి.

Ishan Kishan : వాడికి పెళ్లి వ‌య‌సు రాలేదు.. ఇషాన్ కిష‌న్ త‌ల్లి సంచ‌ల‌న వ్యాఖ్య‌లు.. మోడ‌ల్ అదితి హుండియాతో డేటింగ్ పై ఏమ‌న్న‌దంటే?

టీ20 ప్ర‌పంచ‌క‌ప్ 2028లో కూడా 20 జ‌ట్లు పాల్గొంటాయ‌ని ఐసీసీ తెలిపింది. మిగిలిన 8 జ‌ట్ల‌ను రాబోయే రెండేళ్ల‌లో జ‌రిగే క్వాలిఫ‌య‌ర్స్ ఆధారంగా నిర్ణ‌యిస్తారు.

టీ20 ప్ర‌పంచ‌క‌ప్ 2028కి అర్హ‌త సాధించిన 12 జ‌ట్లు ఇవే..

* భార‌త్‌
* ఆస్ట్రేలియా
* న్యూజిలాండ్‌
* ద‌క్షిణాఫ్రికా
* జింబాబ్వే
* వెస్టిండీస్
* ఇంగ్లాండ్‌
* పాకిస్థాన్
* శ్రీలంక
* బంగ్లాదేశ్
* అఫ్గానిస్థాన్‌
* ఐర్లాండ్