Vihari : టీమ్ఇండియా టెస్టు ఆటగాడు, ఆంధ్రా మాజీ కెప్టెన్ హనుమ విహారి సంచలన నిర్ణయం తీసుకున్నాడు. ఇక పై తాను ఎప్పుడూ కూడా ఆంధ్రా జట్టు తరుపున ఆడనని చెప్పాడు. రంజీట్రోఫ్రీ 2023-24లో మధ్యప్రదేశ్తో జరిగిన క్వార్టర్ ఫైనల్ మ్యాచ్లో ఆంధ్రా నాలుగు పరుగుల తేడాతో ఓడిపోయింది. దీంతో ఈ సీజన్లో ఆంధ్రా ప్రయాణం ముగిసిన అనంతరం విహారి సంచలన విషయాలను బయటపెట్టాడు.
ఈ సీజన్లో మొదటి మ్యాచులో కెప్టెన్గా వ్యవహరించిన తాను ఎందుకు రాజీనామా చేశాను అన్న విషయాలను తెలియజేశాడు. ఓ రాజకీయ నాయకుడి కుమారుడి పై అరిచినందుకు తన కెప్టెన్సీని వదలుకోవాల్సి వచ్చిందన్నాడు.
Also Read : అయ్యో రోహిత్.. ఇలా ఔట్ అయిపోయావు.. కెప్టెనే ఇలా ఆడితే..
‘బెంగాల్తో జరిగిన మొదటి గేమ్లో నేను కెప్టెన్గా ఉన్నాను. ఆ గేమ్లో నేను 17వ ఆటగాడిపై అరిచాను. అతడు తన తండ్రికి ఫిర్యాదు చేశాడు. అతని తండ్రి ప్రతిగా నాపై చర్య తీసుకోవాలని అసోసియేషన్ను కోరారు. గతేడాది ఫైనల్కు చేరిన బెంగాల్
ఆటపై ఉన్న ప్రేమ, జట్టును గౌరవించడంతోనే ఈ సీజన్లో కొనసాగినట్లు వివరించాడు. ‘విచారకరమైన భాగం ఏమిటంటే ఆటగాళ్ళు తాము ఏది చెప్పినా వినాలని అసోసియేషన్ భావిస్తుంది. కానీ నేను ఈ రోజు వరకు దానిని బయటపెట్టలేదు. నా ఆత్మగౌరవాన్ని కోల్పోయాను. అందుకనే ఆంధ్రా తరఫున ఎప్పటికీ ఆడకూడదని నిర్ణయించుకున్నాను. నేను జట్టును ఎప్పటికీ ప్రేమిస్తాను.’అని విహారి అన్నాడు.
Hanuma Vihari’s Instagram post.
– This is very sad to see, he was asked to step down because he shouted at a player whose father is a politician. pic.twitter.com/TwNQolaaGM
— Mufaddal Vohra (@mufaddal_vohra) February 26, 2024
జట్టు సభ్యుడి పేరును విహారి వెల్లడించకపోగా.. వికెట్ కీపర్ బ్యాటర్ కెఎన్ పృధ్వీరాజ్ (Kuntrapakam Prudhviraj) సోషల్ మీడియాలో స్పందించాడు. “మీరు ఆ కామెంట్ బాక్స్లో వెతుకుతున్న వ్యక్తిని నేను. మీరు ఏది విన్నా అది పూర్తిగా అబద్ధం. ఆట కంటే ఎవ్వరూ గొప్పవారు కాదు. నా ఆత్మగౌరవం చాలా పెద్దది. వ్యక్తిగత దాడులు, అసభ్య పదజాలం ఏ వేదికలోనూ ఆమోదయోగ్యం కాదు. ఆ రోజు ఏం జరిగిందో టీమ్లోని అందరికీ తెలుసు. మీకు కావాలంటే ఈ సానుభూతి గేమ్లను ఆడండి.” అని పృధ్వీరాజ్ రాసుకొచ్చాడు. కాగా.. పృధ్వీరాజ్ ఇంకా ఫస్ట్-క్లాస్ అరంగేట్రం చేయలేదు.
Also Read: రాంచీ టెస్టులో ఘన విజయం.. ప్రపంచ టెస్ట్ ఛాంపియన్షిప్లో భారత స్థానం మరింత పదిలం
Response by Prudhvi Raj to Hanuma Vihari.
Andhra Cricket is turning into a box office. pic.twitter.com/F0TZMIKfbi
— Mufaddal Vohra (@mufaddal_vohra) February 26, 2024