Shubman Gill : టెస్టుల్లో శుభ్‌మ‌న్ గిల్ అరుదైన ఘ‌న‌త‌..

IND vs SL 2nd Test Shubman Gill joins Sachin and Sehwag in elite test list

Shubman Gill : టీమ్ఇండియా కెప్టెన్ శుభ్‌మ‌న్ గిల్ టెస్టుల్లో అరుదైన ఘ‌న‌త సాధించాడు. సుధీర్ఘ ఫార్మాట్‌లో 3వేల ప‌రుగుల మైలురాయిని చేరుకున్నాడు. ఆదివారం కొలంబో వేదిక‌గా శ్రీలంక‌తో ప్రారంభ‌మైన‌ రెండో టెస్టు మ్యాచ్ తొలి ఇన్నింగ్స్‌లో వ్య‌క్తిగ‌త స్కోరు 7 ప‌రుగుల వ‌ద్ద అత‌డు ఈ మైలురాయిని అందుకున్నాడు. సచిన్ టెండూల్కర్, వీరేంద్ర సెహ్వాగ్ వంటి దిగ్గజాల సరసన చేరాడు. ఈ మైలురాయిని సాధించిన అతి పిన్న వ‌యస్కుడైన నాలుగో భార‌త ఆట‌గాడిగానూ రికార్డుకు ఎక్కాడు,.

గిల్ ఈ ఘనతను 26 ఏళ్ల 349 రోజుల వయస్సులో సాధించాడు. సచిన్ టెండూల్కర్, వీరేంద్ర సెహ్వాగ్, దిలీప్ వెంగ్ స‌ర్కార్‌లు గిల్ కంటే త‌క్కువ వ‌య‌సులోనే టెస్టుల్లో 3 వేల ప‌రుగులు సాధించారు. ఈ జాబితాలో స‌చిన్ టెండూల్క‌ర్ అగ్ర‌స్థానంలో ఉన్నాడు. సచిన్ టెండూల్కర్ 23 ఏళ్ల 228 రోజుల వయస్సులో ఈ ఘ‌నత సాధించాడు.

అతి పిన్న వయస్సులో టెస్టుల్లో 3 వేల ప‌రుగులు చేసిన భార‌త ఆట‌గాళ్లు వీరే..

• సచిన్ టెండూల్కర్ – 23 ఏళ్ల‌ 228 రోజులు
• వీరేంద్ర సెహ్వాగ్ – 26 ఏళ్ల‌ 157 రోజులు
• దిలీప్ వెంగ్‌సర్కార్ – 26 ఏళ్ల‌ 263 రోజులు
• శుభ్‌మన్ గిల్ – 26 ఏళ్ల‌ 349 రోజులు
• కపిల్ దేవ్ – 26 సంవత్సరాల 356 రోజులు

🚨 Milestone Alert 🚨

3⃣0⃣0⃣0⃣ runs and counting in Test Cricket for Captain Shubman Gill!

Updates ▶️ https://t.co/r9FgXSdsMf#TeamIndia | #SLvIND pic.twitter.com/D4Xsx7putR

— BCCI (@BCCI) August 23, 2026

ఇదిలా ఉంటే.. ఈ మ్యాచ్ తొలి ఇన్నింగ్స్‌లో గిల్ 108 బంతుల్లో 6 ఫోర్ల సాయంతో 50 ప‌రుగులు చేసి అసితా ఫెర్నాండో బౌలింగ్‌లో ఔట్ అయ్యాడు.