IPL 2026 : ఐపీఎల్ ఆరంభానికి ముందు గుజ‌రాత్ టైటాన్స్ కీల‌క నిర్ణ‌యం.. ఆసీస్ దిగ్గ‌జానికి కీల‌క బాధ్య‌త‌లు..

IPL 2026 Gujarat Titans Appoint Matthew Hayden As Batting Coach

• మార్చి 28 నుంచి ఐపీఎల్ 2026 ప్రారంభం
• కీల‌క నిర్ణ‌యం తీసుకున్న గుజ‌రాత్ టైటాన్స్‌
• బ్యాటింగ్ కోచ్‌గా ఆసీస్ దిగ్గ‌జ ఆట‌గాడు మాథ్యూ హేడెన్‌

IPL 2026 : ఇండియ‌న్ ప్రీమియ‌ర్ లీగ్ (ఐపీఎల్) 2026 సీజ‌న్ మార్చి 28 నుంచి ప్రారంభం కానుంది. ఈ మెగాటోర్నీ ప్రారంభానికి ముందు గుజ‌రాత్ టైటాన్స్ కీల‌క నిర్ణ‌యం తీసుకుంది. త‌మ జ‌ట్టు బ్యాటింగ్ కోచ్‌గా ఆస్ట్రేలియా మాజీ దిగ్గ‌జ ఆట‌గాడు మాథ్యూ హేడెన్ ను నియ‌మించింది. ఈ విష‌యాన్ని సోష‌ల్ మీడియా వేదిక‌గా వెల్ల‌డించింది.

ఈ నియామకం గురించి గుజరాత్ టైటాన్స్ క్రికెట్ డైరెక్టర్ విక్రమ్ సోలంకి మాట్లాడుతూ.. మా ప్ర‌యాణంలో మాథ్యూ హేడెన్ నియామ‌కం ఓ కీల‌కమైన ద‌శ‌. దీర్ఘ‌కాలికి ప్ర‌యోజ‌నాల‌ను దృష్టిలో ఉంచుకుని అత‌డిని బ్యాటింగ్ కోచ్‌గా నియ‌మించుకున్నాము. అత‌డికి అపార అనుభ‌వం ఉంది. యువ ఆట‌గాళ్ల‌కు అత‌డు స‌రైన దిశ‌లో మార్గ‌నిర్దేశ్యం చేస్తాడు. మా బ్యాటింగ్ బ‌లోపేతం చేయ‌డంలో అత‌డు కీల‌క పాత్ర పోషిస్తాడు అని అన్నాడు.

BCCI : టీమ్ఇండియాకు బీసీసీఐ భారీ న‌జ‌రానా.. ఎన్ని కోట్లో తెలిస్తే షాక్ అవ్వాల్సిందే.. రోహిత్ టీమ్ కంటే ఎంత ఎక్కువ అంటే?

ఇక తన నియామకం గురించి హేడెన్ మాట్లాడుతూ ఆనందాన్ని వ్య‌క్తం చేశాడు. బ్యాటింగ్ బ‌లోపేతానికి త‌న వంతు కృషి చేస్తాన‌ని అన్నాడు. హెడ్ కోచ్ ఆశిష్ నెహ్రా, పార్థివ్ ప‌టేల్‌తో క‌లిసి హేడెన్ ప‌నిచేయ‌నున్నాడు.

Mohammed Siraj : టీ20 ప్ర‌పంచ‌క‌ప్‌లో త‌న పాత్ర పై మ‌హ్మ‌ద్ సిరాజ్ షాకింగ్ స‌మాధానం.. నీళ్లు మోయ‌డం, బ్యాట్లు ప‌ట్టుకోవడం ఇంకా..

అన్ని ఫార్మాట్లలో కలిపి 273 అంతర్జాతీయ మ్యాచ్‌ల్లో ఆస్ట్రేలియాకు మాథ్యూ హేడెన్ ప్రాతినిథ్యం వ‌హించాడు. 15 వేల‌కు పైగా ప‌రుగులు సాధించాడు. ప‌లు ఐసీసీ టోర్నీ విజ‌యాల్లో ఆసీస్ విజ‌యం సాధించ‌డంలో కీల‌క పాత్ర పోషించాడు. ఇక అత‌డు ఐపీఎల్‌లో 32 మ్యాచ్‌లు ఆడాడు. సీఎస్‌కే కు ప్రాతినిథ్యం వ‌హించిన హేడెన్ 36.9 స‌గ‌టుతో 1107 ప‌రుగులు చేశాడు. ఇందులో 8 అర్థ‌శ‌త‌కాలు ఉన్నాయి. అత్య‌ధిక స్కోరు 93 ప‌రుగులు.