IPL 2025 సీజన్లో మ్యాచ్ ఫిక్సింగ్ జరిగిందా? ప్లేయర్లకు హైదరాబాద్ వ్యాపారవేత్త ఖరీదైన గిఫ్ట్లు ఇచ్చాడా? అందుకే అన్ని ఫ్రాంచైజీలకు జాగ్రత్తగా ఉండాలని BCCI వార్నింగ్ ఇచ్చిందా? ఇంతకీ ఆ హైదరాబాద్ వ్యాపారవేత్త ఎవరు? బీసీసీఐ వార్నింగ్ ఇచ్చేంతగా అసలేం జరిగింది? వాచ్ దిస్ స్టోరీ.
IPLలో మ్యాచ్ఫిక్సింగ్జరిగిందంటూ వచ్చిన ఆరోపణలు ప్రకంపనలు రేపుతున్నాయి. ఈ సీజన్లో ఫిక్సింగ్కు ప్రయత్నాలు జరుగుతున్నట్లు సోషల్ మీడియాలో వార్తలు చక్కర్లు కొట్టడంతో బీసీసీఐ అలెర్ట్ అయింది. వెంటనే IPLలోని 10 ఫ్రాంచైజీలకు వార్నింగ్ నోటీసులు ఇచ్చింది.
హైదరాబాద్కు చెందిన ఓ వ్యాపారవేత్త జట్ల ఆటగాళ్లు, కోచ్లు, సపోర్ట్స్టాఫ్, కామెంటేటర్లనూ సైతం వదలకుండా ప్రలోభపెట్టడానికి ప్రయత్నిస్తున్నట్లు బీసీసీఐకి చెందిన యాంటీ కరప్షన్ సెక్యూరిటీ యూనిట్-ACSUకి కీలక సమాచారం అందింది. పుంటెర్స్, బుకీలతో అతడికి సంబంధం ఉన్నట్లు తెలిసింది. అతడు ఇప్పటికే పలు వివాదాస్పద కార్యకలాపాల్లో పాల్గొన్నట్లు రికార్డులు ఉన్నాయని సమాచారం. అలాంటి వ్యక్తి ఐపీఎల్టీంలతో సంబంధం ఉన్న వ్యక్తులను ప్రలోభపెట్టడానికి ప్రయత్నిస్తున్నట్లు ACSUకు తెలిపిందట. వ్యాపారవేత్తతో ఏవైనా సంభాషణలు జరిపితే తమకు నివేదించాలని ACSU కోరిందట.
ఆటగాళ్లు బస చేస్తోన్న హోటల్స్కు వెళ్లాడా?
హైదరాబాద్ కు చెందిన సదరు వ్యాపారవేత్త ఖరీదైన గిఫ్ట్లు, ఆభరణాలతో బుట్టలో పడేస్తాడని ACSU తెలిపింది. ఇప్పటికే ఆ వ్యాపారవేత్త కొంతమంది ప్లేయర్లకు, కోచ్లను కలిసి ఖరీదైన గిఫ్ట్లు కూడా ఇచ్చినట్లు వార్తలు చక్కర్లు కొడుతున్నాయి. అభిమానిని అని చెప్పుకుంటూ ఆటగాళ్లు బస చేస్తోన్న హోటల్స్కు వెళ్తాడంట. ఇప్పటికే అలా కొంతమందిని కలిశాడని, వారిని ప్రైవేటు పార్టీలకు కూడా ఆహ్వానించినట్లు తెలుస్తోంది.
ఆటగాళ్ల కుటుంబాలను కూడా కలిసి ఖరీదైన బహుమతులు ఇచ్చేందుకు ప్రయత్నిస్తున్నాడని సమాచారం. అంతేకాదు సదరు వ్యాపారవేత్త- ప్లేయర్లు, కోచ్‌లకు ఉన్న బంధువులను సోషల్ మీడియా ద్వారా కూడా సంప్రదించే ప్రయత్నాలు కూడా చేస్తున్నాడని వార్తలు విన్పిస్తున్నాయి. అందుకే సోషల్ మీడియాలో కూడా ఎవరైన వ్యక్తి సంప్రదిస్తే జాగ్రత్తగా ఉండాలని, వెంటనే తమకు ఫిర్యాదు చేయాలని బీసీసీఐ కోరింది. ఇలాంటి ఆన్లైన్ కాంటాక్ట్స్‌ ఫిక్సింగ్కు దారితీసే అవకాశం ఉందని ACSU కూడా ఆందోళన వ్యక్తం చేస్తోంది.
ఇండియన్ ప్రీమియల్ లీగ్-ఐపీఎల్కు ఉన్న క్రేజ్ అంతా ఇంతా కాదు. ప్రపంచ క్రికెట్లో ఈ పొట్టి ఫార్మాట్ లీగ్కు ప్రత్యేక స్థానం ఉంది. ఏడాదికోసారి జరిగే ఈ లీగ్ గురించి భారత్తో పాటు ప్రపంచవ్యాప్తంగా ఉన్న క్రికెట్ ప్రేమికులు దీని గురించే తెగ మాట్లాడుకుంటారు. ఐపీఎల్ సీజన్లో క్రికెట్ను ఎంజాయ్ చేసేవారు ఉన్నట్లే, లీగ్ వచ్చిందంటే బెట్టింగ్ మాఫియా కూడా రెచ్చిపోతుంది. అప్పుడప్పుడు ఇలాంటి ఫిక్సింగ్ ఆరోపణలు కూడా వినిపిస్తుంటాయి. ఇంతకీ ఐపీఎల్ ఆటగాళ్లకి గాలం వేసిన ఆ హైదరాబాద్ కు చెందిన ఆ వ్యాపారవేత్త ఎవరై ఉంటారని అంతా ఆరా తీస్తున్నారంట. అటు క్రికెట్ ప్రేమికులే కాదు…ఇటు రాజకీయవేత్తలు సైతం ఆయనెవరని తెలుసుకునే ప్రయత్నం చేస్తున్నారంట.
