Mohammad Nabi : మీరు ఒకే ఓవ‌ర్‌లో ఐదు సిక్స‌ర్లు కొట్టిన బౌల‌ర్ తండ్రి చ‌నిపోయాడు అని చెప్ప‌గానే.. న‌బీ రియాక్ష‌న్ ఏంటంటే..?

Mohammad Nabi Stunned On Being Told Father Of Dunith Wellalage dead

Mohammad Nabi : ఆసియాక‌ప్ 2025లో అఫ్గానిస్తాన్ ప్ర‌యాణం ముగిసింది. సూప‌ర్ 4కి చేరుకోవాలంటే త‌ప్ప‌క‌గెల‌వాల్సిన మ్యాచ్‌లో శ్రీలంక చేతిలో 6 వికెట్ల తేడాతో ఓడిపోయింది. ఈ మ్యాచ్‌లో అఫ్గాన్ స్టార్ ఆల్‌రౌండ‌ర్ మ‌హ్మ‌ద్ న‌బీ (Mohammad Nabi)మెరుపులు మెరిపించాడు. కేవ‌లం 22 బంతుల్లో 3 ఫోర్లు, 6 సిక్స‌ర్లు బాది 60 ప‌రుగులు చేశాడు. ముఖ్యంగా లంక స్పిన్న‌ర్ దునిత్ వెల్లలాగే వేసిన ఇన్నింగ్స్ ఆఖ‌రి ఓవ‌ర్‌లో తొలి ఐదు బంతుల‌ను సిక్స‌ర్లుగా మ‌లిచి జ‌ట్టుకు పోరాడే స్కోరును అందించాడు.

విషాదం..

అయితే.. ఈ మ్యాచ్ జ‌రుగుతుండ‌గానే స్పిన్న‌ర్ దునిత్ వెల్లలాగే తండ్రి సురంగ వెల్లలాగే చ‌నిపోయాడు. ఈ విష‌యం ఇన్నింగ్స్ విరామ స‌మ‌యంలోనే శ్రీలంక జ‌ట్టు మేనేజ్‌మెంట్‌కు తెలిసింది. అయిన‌ప్ప‌టికి తండ్రి మృతి చెందిన విష‌యాన్ని వారు స్పిన్న‌ర్‌కు తెలియ‌నివ్వ‌లేదు. మ్యాచ్ ముగిసిన త‌రువాత హెడ్‌కోచ్ స‌నత్ జ‌య‌సూర్య ఈ విష‌యాన్ని స్వ‌యంగా దునిత్ వెల్లలాగేకే చెప్పాడు.

Dunith Wellalage : ఇలాంటి బాధ ఏ ఆట‌గాడికీ రాకూడ‌దు.. మ్యాచ్ గెలిచామ‌నే ఆనందంలో ఉండ‌గానే.. కోచ్ వ‌చ్చి షాకింగ్ విషయం..

22 ఏళ్ల స్పిన్న‌ర్ దుఖఃసాగ‌రంలో మునిగిపోగా అత‌డిని కోచ్ జ‌య‌సూర్య ఓదార్చాడు. ఇందుకు సంబంధించిన వీడియోలు సోష‌ల్ మీడియాలో వైర‌ల్ అవుతున్నాయి.

మ‌హ్మ‌ద్ న‌బీ ఈ విష‌యం చెప్ప‌గానే..

కాగా.. ఈ మ్యాచ్‌లో దునిత్ వెల్లలాగే బౌలింగ్‌లో ఆఖ‌రి ఓవ‌ర్‌లో వ‌రుస‌గా ఐదు సిక్స‌ర్లు బాదిన మ‌హ్మ‌ద్ న‌బీకి ఈ విష‌యాన్ని విలేక‌రులు తెలియ‌జేశారు. దునిత్ తండ్రి గుండెపోటుతో మ‌ర‌ణించాడ‌ని చెప్పారు. ఈ విష‌యం విన్న నబీ షాక్ అయ్యాడు.

Mohammad Nabi : న‌బీ సంచ‌ల‌న ఇన్నింగ్స్‌.. వ‌రుస‌గా 5 బంతుల్లో 5 సిక్స‌ర్లు.. తృటిలో యువీ రికార్డు మిస్‌..వీడియో

ఆ త‌రువాత సోష‌ల్ మీడియా వేదిక‌గా దునిత్ వెల్లలాగేకు ధైర్యం చెప్పాడు. దునిత్ తో పాటు అత‌డి కుటుంబానికి హృద‌య‌పూర్వ‌క సానుభూతిని తెలియ‌జేశాడు.