Rohit Sharma
Rohit Sharma : భారత్ వేదికగా జరుగుతున్న ఐసీసీ పురుషుల వన్డే వరల్డ్ కప్ 2023లో భాగంగా ఇండియా వర్సెస్ ఆప్గానిస్థాన్ మధ్య బుధవారం సాయంత్రం ఢిల్లీలో మ్యాచ్ జరిగింది. ఈ మ్యాచ్ లో టీమిండియా కెప్టెన్ రోహిత్ శర్మ చెలరేగిపోయాడు. బౌండరీల వర్షం కురిపించాడు. ఫలితంగా 131 పరుగులు చేశాడు. రోహిత్ శర్మ బ్యాట్ తో వీరవిహారం చేయడంతో టీమిండియా ఘన విజయం సాధించింది. మ్యాచ్ అనంతరం రోహిత్ కీలక విషయాలపై మాట్లాడారు. అప్గాన్ పై విజయంతో పాటు పాక్ తో మ్యాచ్ పైనా మాట్లాడాడు. అఫ్గాన్ పై మ్యాచ్ లో పిచ్ బ్యాటింగ్ కు అనుకూలంగా ఉంది.. ఎక్కువ సేపు క్రీజులో ఉంటే పరుగులు వస్తాయని భావించా. ఆ మేరకు మా ఇన్నింగ్స్ ముందుకు తీసుకెళ్లాం అని చెప్పాడు.
సెంచరీపై మాట్లాడుతూ.. ప్రపంచ కప్ లో సెంచరీ సాధించడం ఎప్పుడూ ప్రత్యేకమైందే. ముఖ్యంగా ఛేదన సమయంలో ఇలాంటి ఇన్నింగ్స్ లు ఆడటం నా బాధ్యత అని రోహిత్ చెప్పాడు. పాక్ తో మ్యాచ్ గురించి మాట్లాడుతూ.. ఎవరితోనైనా పోరాడేందుకు సిద్ధంగా ఉన్నాం. అది పాకిస్థాన్ అయినా ఇతర జట్లు అయినా మాకు ఒకటే. మా జట్టులో నాణ్యమైన ఆటగాళ్లు ఉన్నారు. అన్ని రకాల నైపుణ్యాలు వారి సొంతం అని రోహిత్ అన్నారు.
క్రికెట్లోని అన్ని ఫార్మాట్లలో కలిపి రోహిత్ శర్మ 556 సిక్సులు కొట్టి అగ్రస్థానంలోకి దూసుకెళ్లాడు. దీంతో క్రిస్ గేల్ (553) సిక్సుల రికార్డును బద్దలు కొట్టాడు. అయితే, విలేకరులు.. మీరు ఎవరి రికార్డును బద్దలు కొట్టారని ప్రశ్నించడంతో రోహిత్ ఆసక్తికర వ్యాఖ్యలు చేశారు. ‘నా మంచి పాత స్నేహితుడు క్రిస్ గేల్ సిక్సుల రికార్డు. యూనివర్స్ బాస్ యూనివర్స్ బాస్. అతను చాలా సిక్స్ కొట్టే మెషిన్, మేమిద్దరం నెం. 45 జెర్సీని ధరిస్తాము. కాబట్టి అతను కూడా సంతోషంగా ఉండాలి’ అంటూ రోహిత్ అన్నారు.
Question – whose record did you break?
Rohit Sharma – my good old friend, Chris Gayle's record of sixes. The Universe Boss is the Universe Boss. He's such a six hitting machine, we both wear No.45 jersey, so he must be happy too. pic.twitter.com/MLLX0BwM7v
— Mufaddal Vohra (@mufaddal_vohra) October 12, 2023