IND vs PAK : వ‌న్డేల్లో రోహిత్ శ‌ర్మ వ‌ర‌ల్డ్ రికార్డు.. హిట్‌మ్యాన్‌ను మించిన ఓపెన‌ర్ లేడురా అయ్యా..

టీమ్ఇండియా కెప్టెన్ రోహిత్ శ‌ర్మ అరుదైన మైలురాయిని చేరుకున్నాడు. వ‌న్డేల్లో అత్యంత వేగంగా 9 వేల ప‌రుగులు సాధించిన ఓపెన‌ర్‌గా చ‌రిత్ర సృష్టించాడు. ఛాంపియ‌న్స్ ట్రోఫీలో భాగంగా పాకిస్తాన్‌తో జ‌రిగిన మ్యాచ్‌లో రోహిత్ శ‌ర్మ ఈ ఘ‌న‌త సాధించాడు. ఈ మ్యాచ్‌లో వ్య‌క్తిగ‌త స్కోరు ఒక్క ప‌రుగు వ‌ద్ద హిట్‌మ్యాన్ ఈ మైలురాయిని చేరుకున్నాడు. ఈ క్ర‌మంలో స‌చిన్ టెండూల్క‌ర్ రికార్డును బ్రేక్ చేశాడు.

197 ఇన్నింగ్స్‌ల్లో స‌చిన్ ఈ రికార్డు సాధించ‌గా రోహిత్ శ‌ర్మ కేవ‌లం 181 ఇన్నింగ్స్‌ల్లోనే అందుకోవ‌డం విశేషం. ఇక ఓవ‌రాల్‌గా తీసుకుంటే.. ఓపెన‌ర్‌గా వ‌న్డేల్లో 9 వేల‌కు ప‌రుగుల మైలురాయిని అందుకున్న ఆరో ప్లేయ‌ర్‌గా రికార్డుకు ఎక్కాడు రోహిత్‌.

Virat Kohli : చ‌రిత్ర సృష్టించిన విరాట్ కోహ్లీ.. స‌చిన్‌, సంగ‌క్క‌ర‌ల రికార్డులు బ్రేక్‌.. వ‌న్డేల్లో అత్యంత వేగంగా 14వేల ప‌రుగులు

See more

FASTEST TO COMPLETE 9000 RUNS AS AN OPENER IN ODIs:

Rohit Sharma – 181 innings

Sachin Tendulkar – 197 innings pic.twitter.com/XXx7yyvS9V

— Johns. (@CricCrazyJohns) February 23, 2025

ఇక పాకిస్తాన్‌తో మ్యాచ్‌లో రోహిత్ ‍శ‌ర్మ 15 బంతులు ఎదుర్కొన్నాడు. 3 ఫోర్లు, 1 సిక్స్ సాయంతో 20 ప‌రుగులు చేశాడు.

వన్డేల్లో అద్భుత‌మైన ట్రాక్ రికార్డు రోహిత్ శ‌ర్మ సొంతం. ఈ ఫార్మాట్‌లో మూడు డబుల్ సెంచరీల‌ను చేసిన ఏకైక ఆట‌గాడిగా రికార్డు రోహిత్ పేరిటే ఉంది. ఓవరాల్‌గా తన కెరీర్‌లో 270 వన్డేలు ఆడిన రోహిత్‌..48.89 సగటుతో 11049 పరుగులు చేశాడు. ఇందులో 32 శ‌త‌కాలు, 57 అర్థ‌శ‌త‌కాలు ఉన్నాయి.

Virat Kohli : క్యాచ్‌ల్లో విరాట్ కోహ్లీ రికార్డు.. అజారుద్దీన్ రికార్డు బ్రేక్‌..

వన్డేల్లో అత్యధిక పరుగులు చేసిన ఓపెనర్లు వీరే..

సచిన్ టెండూల్కర్ (భార‌త్) – 15,310 ప‌రుగులు
సనత్ జయసూర్య (శ్రీలంక‌) – 12,740 ప‌రుగులు
క్రిస్ గేల్ (వెస్టిండీస్‌) – 10,179 ప‌రుగులు
ఆడమ్ గిల్‌క్రిస్ట్ (ఆస్ట్రేలియా) – 9,200 ప‌రుగులు
సౌరవ్ గంగూలీ (భార‌త్‌) – 9,146 ప‌రుగులు
రోహిత్ శర్మ (భార‌త్‌) – 9,019 ప‌రుగులు