Sikandar Raza : ఆ ఒక్క కార‌ణం వ‌ల్ల ఓడిపోయాం.. జింబాబ్వే కెప్టెన్ సికింద‌ర్ రజా కామెంట్లు..

Sikandar Raza key comments after Zimbabwe lost 1st T20 Match against India

Sikandar Raza : మూడు మ్యాచ్‌ల టీ20 సిరీస్‌లో జింబాబ్వేకు శుభారంభం ల‌భించ‌లేదు. గురువారం భార‌త్‌తో జరిగిన తొలి టీ20 మ్యాచ్‌లో 7 వికెట్ల తేడాతో ఓట‌మిని చ‌విచూసింది. తాము బ్యాటింగ్ చేసే స‌మ‌యంలో పిచ్ పై తేమ ఉంద‌ని, అదే టీమ్ఇండియా బ్యాటింగ్ చేసే స‌మ‌యంలో పిచ్ బ్యాటింగ్‌కు అనుకూలంగా ఉంద‌ని, అందుక‌నే తాము ఓడిపోయామ‌ని జింబాబ్వే కెప్టెన్ సికింద‌ర్ ర‌జా తెలిపాడు.

వెస్లీ మ‌ధెవెరె (39; 34 బంతుల్లో 3 ఫోర్లు, 1 సిక్స్‌) రాణించ‌గా, మిగిలిన వారు విఫ‌లం కావ‌డంతో తొలుత బ్యాటింగ్ చేసిన జింబాబ్వే 20 ఓవ‌ర్ల‌లో 7 వికెట్ల న‌ష్టానికి 125 ప‌రుగులు చేసింది. టీమ్ఇండియా బౌల‌ర్ల‌లో మ‌యాంక్ యాద‌వ్‌, ప్రిన్స్ యాద‌వ్‌లు చెరో రెండు, శివ‌మ్ దూబె, ర‌విబిష్ణోయ్‌లు చెరో ఓ వికెట్ తీశారు.

Shreyas Iyer : వైభ‌వ్ సూర్య‌వంశీ ఒక్క‌డి వ‌ల్లే గెల‌వ‌లేదు.. మ‌రో హీరో కూడా ఉన్నాడు.. శ్రేయ‌స్ అయ్య‌ర్ కామెంట్స్‌..

ఆ త‌రువాత 126 ప‌రుగుల ల‌క్ష్యాన్ని భార‌త్‌ 13.2 ఓవ‌ర్ల‌లో 3 వికెట్లు కోల్పోయి ఛేదించింది. టీమ్ఇండియా బ్యాట‌ర్ల‌లో వైభ‌వ్ సూర్య‌వంశీ (50; 19 బంతుల్లో 4 ఫోర్లు, 4 సిక్స‌ర్లు) విధ్వంస‌క‌ర హాఫ్ సెంచ‌రీ బాదాడు. ఇషాన్ కిష‌న్ (35; 24 బంతుల్లో 3 ఫోర్లు, 2 సిక్స‌ర్లు), శ్రేయ‌స్ అయ్య‌ర్ (28 నాటౌట్; 24 బంతుల్లో 3 ఫోర్లు) లు రాణించ‌గా.. జింబాబ్వే బౌల‌ర్ల‌లో బ్లెస్సింగ్ ముజరబాని రెండు వికెట్లు ప‌డ‌గొట్టాడు.

మాకు బ్యాటింగ్ చేయ‌డం క‌ష్ట‌మైంది

మ్యాచ్ అనంత‌రం త‌మ జ‌ట్టు ఓట‌మిపై జింబాబ్వే కెప్టెన్ సికింద‌ర్ రజా స్పందించాడు. ఈ పిచ్ ప్ర‌మాణాల‌కు అనుగుణంగా లేదన్నాడు. ఉద‌యం పూట పిచ్ పై తేమ ఎక్కువ‌గా ఉందని, అదే మ్యాచ్ పై ప్ర‌భావం చూపించిందన్నాడు. దీంతో బ్యాటింగ్ చేయ‌డం చాలా క‌ష్టంగా మారింద‌న్నాడు. ప‌వ‌ర్ ప్లేలో దూకుడుగా ఆడుతూ ఎక్క‌వ బౌండ‌రీలు కొట్ట‌లేక‌పోయామ‌ని దీంతో బంతి పాత బ‌డ‌లేద‌న్నాడు.

చాలా సేపు బంతి కొత్త‌గానే ఉండ‌డంతో సీమ‌ర్ల‌కు పిచ్ నుంచి మంచి మూమెంటం ల‌భించింద‌ని తెలిపాడు. బంగ్లాదేశ్‌తో గ‌త వ‌న్డే సిరీస్‌లో కూడా పిచ్ పై ఇలాగే తేమ ఉంద‌న్నాడు. అయితే.. అప్పుడు పిచ్ పై చాలా సేపు తేమ ఉంద‌న్నాడు. కానీ ఈ రోజు తొలి 8 నుంచి 12 ఓవ‌ర్ల వ‌ర‌కే ఉంద‌న్నాడు. ఆ త‌రువాత పిచ్ బ్యాటింగ్‌కు అనుకూలంగా మారింద‌న్నాడు. దీంతో భార‌త్ ఈజీగా ల‌క్ష్యాన్ని ఛేదించింద‌న్నాడు. రానున్న మ్యాచ్‌కు మంచి పిచ్ ఉంటుంద‌ని ఆశిస్తున్నాన్ని, అప్పుడు తాము టాస్ ఓడిపోయినా పెద్ద‌గా న‌ష్టం ఉండ‌ద‌న్నాడు.

Vaibhav Sooryavanshi : వైభ‌వ్ సూర్య‌వంశీ వ‌ర‌ల్డ్ రికార్డు.. బుడ్డోడా నువ్వు మామూలోడివి కాదురా..

ఇక ఈ మ్యాచ్‌లో తాము ఓడిపోయిన‌ప్ప‌టికి కూడా కొన్ని సానుకూల అంశాలు ఉన్నాయ‌న్నాడు. మరుమణి, మధెవెరె బ్యాటింగ్ త‌మ‌కు గౌర‌వ‌ప్ర‌ద‌మైన స్కోరును అందించింద‌న్నాడు. వారిద్ద‌రు చాలా బాగా బ్యాటింగ్ చేశారని అన్నాడు. మిగిలిన మ్యాచ్‌ల్లో ఆ ఇద్ద‌రితో పాటు మిగిలిన వారంతా రాణిస్తే మంచి స్కోరు సాధిస్తామ‌న్న ధీమాను వ్య‌క్తం చేశాడు.