Smriti Mandhana : హర్మన్​తో విభేదాలంటూ ప్రచారం.. ఇన్‌స్టాలో స్మృతి మందాన ఆసక్తికర పోస్ట్!

Smriti Mandhana

Smriti Mandhana : భారత మహిళల క్రికెట్‌లో కీలక మార్పు చోటుచేసుకుంది. దాదాపు పదేళ్లపాటు జట్టుకు నాయకత్వం వహించిన హర్మన్‌ప్రీత్ కౌర్ కెప్టెన్సీ బాధ్యతల నుంచి తప్పుకోగా.. ఆమె స్థానంలో స్టార్ బ్యాటర్ స్మృతి మందాన కొత్త కెప్టెన్‌గా ఎంపికయ్యారు. అయితే, హర్మన్‌ప్రీత్ కౌర్, స్మృతి మందాన మధ్య విబేధాలు ఉన్నాయని, దీంతో జట్టు రెండు గ్రూపులుగా విడిపోయిందని మీడియాలో కథనాలు వచ్చాయి. ఈ నేపథ్యంలో స్మృతి మందాన సోషల్ మీడియాలో పెట్టిన పోస్టు ఆసక్తికరంగా మారింది.

Also Read : IND vs WI : భార‌త ప్లేయ‌ర్ల వీపుల‌పై క‌నిపించే ఈ న‌ల్ల‌టి ప‌రిక‌రం ఏంటి? దానిని ఎందుకు ఉప‌యోగిస్తారంటే?

హర్మన్‌ప్రీత్‌తో కలిసి ఇన్నేళ్లు ఆడటం ఎంతో సంతోషంగా ఉందని స్మృతి పేర్కొంది. ‘‘నీ నాయకత్వంలో పదేళ్లు ఆడటం ఎంతో గొప్ప అనుభవం. ఈ పదేళ్ల నీ నాయకత్వం అద్భుతంగా సాగింది. ఇకపై కూడా కలిసి దేశానికి మరిన్ని విజయాలు అందించేందుకు కృషి చేద్దాం’’ అంటూ స్మృతి తన ఇన్‌స్టాగ్రామ్‌ స్టోరీలో రాసింది. ఈ సందేశం ఇద్దరు క్రికెటర్ల మధ్య ఉన్న అనుబంధాన్ని చాటిచెప్పింది. మరోవైపు హర్మన్, స్మృతికి మధ్య విబేధాలంటూ వచ్చిన వార్తలకు చెక్ పెట్టినట్లయింది.

2016లో భారత మహిళల జట్టుకు కెప్టెన్‌గా హర్మన్ ప్రీత్ కౌర్ బాధ్యతలు చేపట్టారు. అప్పటి నుంచి ఆమె నాయకత్వంలో జట్టు ఎన్నో విజయాలను అందుకుంది. ముఖ్యంగా 2025 మహిళల వన్డే ప్రపంచకప్‌ను భారత్ గెలుచుకోవడం హర్మన్‌ప్రీత్ కెప్టెన్సీలో అతిపెద్ద ఘట్టంగా నిలిచింది. 2026 ఆసియా క్రీడల్లోనూ భారత్‌కు వరుసగా రెండోసారి స్వర్ణ పతకం అందించిన తర్వాత ఆమె కెప్టెన్సీకి వీడ్కోలు పలికింది.

స్మృతి మందానకు గతంలో భారత జట్టుకు కొన్ని మ్యాచ్‌లలో కెప్టెన్‌గా వ్యవహరించిన అనుభవం ఉంది. మహిళల ప్రీమియర్ లీగ్‌లో రాయల్ ఛాలెంజర్స్ బెంగళూరుకు రెండు టైటిళ్లు అందించింది. ఇప్పుడు భారత మహిళల జట్టును అన్ని ఫార్మాట్లలో ముందుకు నడిపించే బాధ్యత ఆమెపై పడింది. దీంతో భారత మహిళల క్రికెట్‌లో హర్మన్‌ప్రీత్ శకం ముగిసి.. స్మృతి మందాన నేతృత్వంలో కొత్త అధ్యాయం మొదలైంది.

జింబాబ్వేతో జరిగే సిరీస్‌ ద్వారా పూర్తిస్థాయి కెప్టెన్‌గా స్మృతి తన ప్రయాణం మొదలుపెట్టనుంది. జింబాబ్వే పర్యటనకు వెళ్లే వన్డే, టీ20 జట్లలో 37 ఏళ్ల హర్మన్‌కు చోటు దక్కింది.