IND vs SL : భారత్తో తొలి టెస్టుకు శ్రీలంక జట్టు ఇదే.. ఏకంగా 16 మందికి చోటు..
ప్రపంచ టెస్టు ఛాంపియన్ షిప్ 2025-27లో భాగంగా ఆగస్టు 15 నుంచి భారత్, శ్రీలంక జట్ల మధ్య (IND vs SL) రెండు మ్యాచ్ల టెస్టు సిరీస్ ప్రారంభం కానుంది.
- Thota Vamshi Kumar
- Published on- August 12, 2026 / 03:50 PM IST
SRI LANKA ANNOUNCE SQUAD FOR FIRST TEST AGAINST INDIA
IND vs SL : ప్రపంచ టెస్టు ఛాంపియన్ షిప్ 2025-27లో భాగంగా ఆగస్టు 15 నుంచి భారత్, శ్రీలంక జట్ల మధ్య రెండు మ్యాచ్ల టెస్టు సిరీస్ ప్రారంభం కానుంది. తొలి టెస్టు మ్యాచ్కు గాలే ఆతిథ్యం ఇవ్వనుంది. కాగా.. ఈ టెస్టు సిరీస్లోని తొలి టెస్టు కోసం శ్రీలంక క్రికెట్ బోర్డు తాజాగా 16 మంది సభ్యులతో కూడిన జట్టును ప్రకటించింది. ధనంజయ డిసిల్వా నాయకత్వంలో లంక జట్టు బరిలోకి దిగనుంది. కమిందు మెండిస్ వైస్ కెప్టెన్గా ఎంపిక అయ్యాడు.
రెగ్యులర్ వికెట్ కీపర్ కుశాల్ మెండిస్ గాయం కారణంగా జట్టుకు దూరమవడంతో అతడి స్థానంలో నిరోషన్ డిక్వెల్లాను జట్టులోకి తీసుకున్నారు. డిక్వెల్లా చివరిసారిగా 2023లో న్యూజిలాండ్తో జరిగిన మ్యాచ్లో శ్రీలంక తరఫున ఈ ఫార్మాట్లో ఆడాడు. ఇటీవల మణికట్టుకు శస్త్రచికిత్స చేయించుకున్న పాతుమ్ నిస్సాంక పూర్తిగా కోలుకోకపోవడంతో అతడు కూడా ఈ సిరీస్కు అందుబాటులో లేకుండా పోయాడు.
ఇక దేశీయ క్రికెట్లో పరుగుల వరద పారిస్తున్న పసిందు సూరియబండార తొలిసారి జట్టులో చోటు దక్కించుకున్నాడు. అతడితో పాటు ఆఫ్-స్పిన్నర్ కేశర నువంత కూడా చోటు దక్కించుకున్నాడు.
2023లో పాకిస్థాన్తో జరిగిన మ్యాచ్లో తన ఏకైక టెస్టు ఆడిన ఎడమచేతి వాటం పేసర్ దిల్షాన్ మధుశంకను కూడా జట్టులోకి తిరిగి పిలిచారు. అతని పునరాగమనం శ్రీలంక పేస్ బౌలింగ్ విభాగానికి మరింత పటిష్టతను, వైవిధ్యాన్ని చేకూరుస్తుంది.
శ్రీలంక ప్రస్తుతం ఐసీసీ ప్రపంచ టెస్ట్ ఛాంపియన్షిప్ పట్టికలో 41.67 పాయింట్ల శాతంతో ఆరో స్థానంలో ఉంది. ఆ జట్టు నాలుగు మ్యాచ్లు ఆడి ఒక మ్యాచ్ గెలిచింది. భారత్ 48.15 పాయింట్ల శాతంతో ఐదో స్థానంలో, శ్రీలంక కంటే ఒక స్థానం పైన ఉంది. ఆ జట్టు తొమ్మిది టెస్టులు ఆడి నాలుగు విజయాలు సాధించింది.
టెస్టు సిరీస్ షెడ్యూల్ ఇదే..
* తొలి టెస్టు – ఆగస్టు 15 నుంచి 19 వరకు గాలే వేదికగా
* రెండో టెస్ట్ – ఆగస్టు 23 నుంచి 27 వరకు కొలంబో వేదికగా
భారత్తో తొలి టెస్టుకు శ్రీలంక జట్టు ఇదే..
ధనంజయ డిసిల్వా, లాహిరు ఉదానా, నిషాన్ మదుష్క, కమిందు మెండిస్, దినేష్ చండిమాల్, పసిందు సూర్యబండార, సోనాల్ దినుషా, నిరోషన్ డిక్వెల్లా, రమేష్ మెండిస్, ప్రబాత్ జయసూర్య, కేశర నువంత, మిలన్ రత్నాకే, అసిత ఫెర్నాండో, లహిరుక ఫెర్నాండో, లహిరుక ఫెర్నాండో,