Maharashtra : మ్యాచ్‌కి పిలవలేదని.. ట్రాక్టర్ తీసుకొచ్చి పిచ్ తవ్వేశాడు.. లైవ్‌లో.. వీడిమో వైరల్

Maharashtra

• మహారాష్ట్ర జలగావ్ జిల్లాలో విచిత్ర ఘటన
• క్రికెట్ మైదానంలో పిచ్‌ను ట్రాక్టర్‌తో దున్నిన వ్యక్తి
• సోషల్ మీడియాలో వీడియో వైరల్

Maharashtra : ప్రపంచ వ్యాప్తంగా క్రికెట్ క్రీడకు ఎంతో ఆదరణ ఉంది. ఇక ఇండియాలో అయితే చెప్పాల్సిన పనిలేదు. ప్రతీ గల్లీలో, పల్లె, పట్టణం అనే తేడాలేకుండా చిన్నవారి నుంచి యువత, పెద్దవారి వరకు క్రికెట్ ఆడుతుంటారు. ఈ క్రమంలో ప్రజాప్రతినిధులు, ప్రముఖులు స్థానికంగా క్రికెట్ టోర్నమెంట్‌లనుసైతం నిర్వహిస్తుంటారు. అయితే, మహారాష్ట్రలో క్రికెట్ టోర్నమెంట్ సందర్భంగా మ్యాచ్ ప్రారంభోత్సవానికి పిలవలేదని ఓ వ్యక్తి మ్యాచ్ జరుగుతున్న సమయంలో ట్రాక్టర్‌ను స్టేడియంలోకి తీసుకొచ్చి ఏకంగా పిచ్‌ను దున్నేశాడు.

Also Read : IPL  2026 : ఏం చేశావ్రా నాయనా..! నిమ్మకాయ చూపిస్తు మంత్రాలు.. దెబ్బకు దూబే వికెట్ పడింది.. వీడియో వైరల్.. నెటిజన్ల కామెంట్ల వర్షం.. 

మహారాష్ట్రలోని జలగావ్ జిల్లా ధారణ్ గాన్ ప్రాంతంలో ఓ రాజకీయ నాయకుడు సహకారంతో క్రికెట్ టోర్నమెంట్‌ను నిర్వహించారు. ఈ క్రికెట్ టోర్నమెంట్ ను కొంతమంది రాజకీయ ప్రముఖుల ఆధ్వర్యంలో ప్రారంభించారు. కానీ, స్థానికంగా ఉన్న ఓ రాజకీయ నేత అనుచరుడు టోర్నీ ప్రారంభోత్సవానికి తనను ఆహ్వానించలేదనే కోపంతో.. మ్యాచ్ జరుగుతున్న సమయంలో మైదానంలోకి ట్రాక్టర్‌తో వచ్చి పిచ్‌ను దున్నేసిన వీడియో సోషల్ మీడియాలో వైరల్ అవుతుంది. ఈ వీడియో చూసిన క్రికెట్ అభిమానులు ఆశ్చర్యం వ్యక్తం చేస్తూ కామెంట్లు చేస్తున్నారు.

మ్యాచ్‌ జరుగుతుండగా పిచ్ మొత్తం ట్రాక్టర్‌తో దున్నేసిన సంఘటనపై టోర్నమెంట్ నిర్వాహకులు పోలీసులకు ఫిర్యాదు చేశారు. దీంతో రంగంలోకి దిగిన పోలీసులు సదరు వ్యక్తిపై కేసు నమోదు చేసి అతన్ని అదుపులోకి తీసుకున్నట్లు తెలిసింది.