Virat Kohli: గంభీర్‌తో గొడ‌వ.. మ‌రుస‌టి రోజు భార్య‌తో క‌లిసి విరాట్ ఏం చేశాడంటే..?

Virat Kohli Visits Temple

Virat Kohli: కింగ్ కోహ్లి మైదానంలో ఎంత దూకుడుగా ఉంటాడో అంద‌రికి తెలిసిందే. అయితే గ్రౌండ్ వెలుప‌ల మాత్రం ప్ర‌శాంతంగా ఉంటాడ‌ని అత‌డిని ద‌గ్గ‌ర నుంచి చూసిన వాళ్లు చెబుతుంటారు. ఆ సంగ‌తి కాస్త ప‌క్క‌న బెడితే విరాట్‌(Virat Kohli )కు ఆధ్మాత్మిక చింత‌న ఎక్కువ‌. ఎప్పుడు స‌మ‌యం దొరికినా స‌రే త‌న భార్య అనుష్క శ‌ర్మ‌(Anushka Sharma)తో క‌లిసి ఆల‌యాల‌కు వెలుతుంటాడు.

IPL 2023, SRH vs KKR: ఇటు హైద‌రాబాద్‌ అటు కోల్‌క‌తా.. రెండింటికి డూ ఆర్ డై.. వ‌రుణుడు ఏం చేస్తాడో..?

ఐపీఎల్‌లో విరాట్ కోహ్లి రాయ‌ల్ ఛాలెంజ‌ర్స్ బెంగ‌ళూరుకు ఆడుతున్నాడు. మే 1 సోమ‌వారం ల‌క్నోలో ల‌క్నో సూప‌ర్ జెయింట్స్‌తో ఆర్‌సీబీ మ్యాచ్ ఆడింది. ఈ మ్యాచ్ ఫ‌లితం ఎలా ఉన్న‌ప్ప‌టికీ గంభీర్‌, కోహ్లి ల‌ మ‌ధ్య వాగ్వాదం న‌డిచింది. ఈ విష‌యంపై సోష‌ల్ మీడియాలో పెద్ద చ‌ర్చే జ‌రిగింది. ఈ సంగ‌తుల‌ను కాస్త ప‌క్క‌న బెడితే గొడ‌వ జ‌రిగిన మ‌రుస‌టి రోజే అంటే మే 2 మంగ‌ళ‌వారం విరాట్ త‌న స‌తీమ‌ణి అనుష్కతో క‌లిసి స్థానికంగా ఉన్న ఓ గుడికి వెళ్లారు.

ఇందుకు సంబంధించిన వీడియో సోష‌ల్ మీడియాలో వైర‌ల్‌గా మారింది. ఆ వీడియోలో కోహ్లి ధోతి ధ‌రించి క‌నిపించ‌గా, అనుష్క పింక్ శారీలో గుడిలోకి వెళ్లింది. అంతకుముందు మార్చిలో విరుష్క దంప‌తులు మధ్యప్రదేశ్‌లోని ఉజ్జయినిలోని మహాకాళేశ్వర్ ఆలయాన్ని సందర్శించారు. శివ‌లింగానికి పాల‌భిషేకం చేసి ప్ర‌త్యేక పూజ‌లు నిర్వ‌హించారు.

Virat Kohli : గంభీర్‪తో గొడవపై స్పందించిన కోహ్లీ..

రాయ‌ల్ ఛాలెంజ‌ర్స్ బెంగ‌ళూరు ఈ సీజ‌న్‌లో తొమ్మిది మ్యాచ్‌లు ఆడ‌గా ఐదు మ్యాచుల్లో గెలిచి పాయింట్ల ప‌ట్టిక‌లో ఐదో స్థానంలో నిలిచింది. ఆర్‌సీబీ త‌న త‌దుప‌రి మ్యాచ్‌ను ఢిల్లీతో మే6న ఆడ‌నుంది.