Apple launches its latest-generation smartwatch, Watch Series 9
Apple Watch Series 9 : ప్రపంచ ఐటీ దిగ్గజం ఆపిల్ వాచ్ సిరీస్ 9 రెడ్ వెర్షన్‌ను ప్రవేశపెట్టింది. ఈ కొత్త ఆపిల్ వాచ్ రెడ్ కలర్ ఆప్షన్లలో ఉంటుంది. ప్రపంచ ఎయిడ్స్ దినోత్సవాన్ని పురస్కరించుకుని ఆపిల్ వాచ్ సిరీస్ 9 (ప్రొడక్ట్) రెడ్ కొన్ని ప్రత్యేకమైన వాచ్ ఫేస్‌లతో ప్రవేశపెట్టింది.
హెచ్ఐవీ/ఎయిడ్స్ ఎదుర్కోవడంలో గ్లోబల్ ఫండ్ చేస్తున్న ప్రయత్నాలకు మద్దతుగా ఆపిల్ (రెడ్)తో కలిసి పనిచేస్తోంది. ఇందులో భాగంగా (ప్రొడక్ట్) రెడ్ ఉత్పత్తుల విక్రయం ద్వారా వచ్చే ఆదాయంలో కొంత భాగాన్ని గ్లోబల్ ఫండ్‌కు విరాళంగా అందించారు. సబ్-సహారా ఆఫ్రికాలో హెచ్ఐవీ/ఎయిడ్స్ ప్రోగ్రామ్‌లకు ఆర్థిక సహాయం చేసేందుకు ఆపిల్ సహకారాన్ని అందిస్తుంది.
Read Also : Credit Card Payments : పేటీఎంలో యూపీఐ ద్వారా క్రెడిట్ కార్డు పేమెంట్లు చేయొచ్చు.. ఇదిగో సింపుల్ ప్రాసెస్..!
ప్రపంచ ఎయిడ్స్ దినోత్సవాన్ని పురస్కరించుకుని మెట్రోపాలిటన్, వరల్డ్ టైమ్, న్యూమరల్స్ మోనో, గ్రేడియంట్, స్ట్రిప్స్, టైపోగ్రాఫ్ వాచ్ ఫేస్‌లతో పాటు (watchOS 10)లో కొత్త ప్యాలెట్, సోలార్ అనలాగ్ వాచ్ ఫేస్‌లు ఇప్పుడు రెడ్ ఆప్షన్‌లను కూడా కలిగి ఉన్నాయి. ఆపిల్ వాచ్ సిరీస్ 9 (ప్రొడక్ట్) రెడ్ ఆపిల్ ఆన్‌లైన్ స్టోర్ రిటైల్ స్టోర్‌ల ద్వారా కొనుగోలుకు అందుబాటులో ఉంది. ఈ వాచ్ ధర (399 డాలర్లు) రూ. 41,900కు అందిస్తుంది.
ఆపిల్ వాచ్ సిరీస్ 9 కొత్త ఎస్9 చిప్ క్వాడ్-కోర్ న్యూరల్ ఇంజిన్‌ను కలిగి ఉంది. వేగవంతమైన ప్రాసెసింగ్ మెరుగైన పనితీరును అందిస్తుంది. 18-గంటల బ్యాటరీ లైఫ్ 25శాతం మెరుగైన డిక్టేషన్ కచ్చితత్వాన్ని కలిగి ఉంది. మునుపటి వాచ్ సిరీస్ 8 కన్నా 30శాతం వేగాన్ని కలిగి ఉంది. గరిష్ట ప్రకాశంతో 2వేల నిట్‌ల వరకు ఉంటుంది. సిరీస్ 8 కన్నా రెండింతలు పెద్దదిగానూ సిరీస్ 9 కొత్త రెట్టింపుతో వస్తుంది. ఈ స్క్రీన్‌ను టచ్ చేయకుండా వాచ్ ఫంక్షన్‌లను కంట్రోల్ చేసేందుకు ట్యాప్ సైన్ ఆప్షన్ కూడా కలిగి ఉంది.
Apple Watch Series 9 smartwatch
కొత్త ఆపిల్ వాచ్ సిరీస్ 9 (ప్రొడక్ట్) రెడ్ మోడల్ ఐఫోన్ 14, ఐఫోన్ 14 ప్లస్, ఐఫోన్ 13, ఐఫోన్ ఎస్ఈ ఇప్పటికే ఉన్న (ప్రొడక్ట్) రెడ్ వేరియంట్‌లలో చేరింది. డిసెంబర్ 4 వరకు ఆపిల్ స్టోర్ మూడు గేమ్‌ల ఎంపిక చేసిన ప్రత్యేకమైన యాప్‌లో కొనుగోళ్ల ద్వారా వచ్చే మొత్తం మొత్తాన్ని విరాళంగా ఇస్తుంది. అంతేకాకుండా, ఇప్పటి నుంచి డిసెంబర్ 8 వరకు, (Apple.com)లో ఆపిల్ పే ఉపయోగించి, ఆపిల్ స్టోర్ యాప్ ద్వారా లేదా ఏదైనా ఆపిల్ స్టోర్ లొకేషన్‌లో చేసిన ప్రతి కొనుగోలుకు ఒక డాలర్ విరాళంగా అందిస్తుంది.
కస్టమర్లు ఏదైనా ఆపిల్ ఉత్పత్తి లేదా అనుబంధాన్ని కొనుగోలు చేయవచ్చు. ప్రపంచవ్యాప్తంగా వందలాది ఆపిల్ స్టోర్ లొకేషన్లలో ఈవెంట్‌ సందర్భంగా కొత్త ప్రొడక్టులను ప్రదర్శిస్తాయి. ఆపిల్ గత 17 ఏళ్లలో కస్టమర్లు పావు బిలియన్ డాలర్లకు పైగా విరాళాలు అందించారని, మిలియన్ల మంది వ్యక్తులకు అవసరమైన యాంటీరెట్రోవైరల్ ట్రీట్‌మెంట్ హెచ్‌ఐవి పరీక్షలకు యాక్సెస్‌ను అందించారని చెప్పారు. ఈ చొరవతో హెచ్ఐవీ-పాజిటివ్ తల్లులు తమ బిడ్డలకు వైరస్ వ్యాప్తిని నిరోధించడంలో కూడా సాయపడింది.
