Honor 90 5G With 200-Megapixel Camera, 6.7-Inch AMOLED Display Debuts in India_ Price, Specifications
Honor 90 5G : కొత్త 5G ఫోన్ కోసం చూస్తున్నారా? ప్రముఖ స్మార్ట్ఫోన్ మేకర్ హానర్ (Honor) టెక్ నుంచి హానర్ 90 5G (Honor 90 5G) భారత మార్కెట్లో లాంచ్ అయింది. ఈ 5G ఫోన్ Qualcomm Snapdragon 7 Gen 1 SoC ద్వారా పవర్ అందిస్తుంది. 66W వైర్డ్ సూపర్ఛార్జ్ టెక్నాలజీతో 5,000mAh బ్యాటరీని కలిగి ఉంది.
ఈ హ్యాండ్సెట్ 3 స్టోరేజ్ వేరియంట్లలో, 3 కలర్ ఆప్షన్లలో అందుబాటులో ఉంటుంది. 200MP ప్రైమరీ రియర్ సెన్సార్, 50MP ఫ్రంట్ కెమెరా సెన్సార్తో వస్తుంది. భారత్లో హానర్ 90 5G కోసం 2 సంవత్సరాల ఆండ్రాయిడ్ OS అప్డేట్లు, మూడేళ్ల సెక్యూరిటీ అప్డేట్లను అందిస్తుందని హానర్ టెక్ తెలిపింది.
భారత్లో హానర్ 90 5G ధర ఎంతంటే? :
హానర్ 90 5G రూ. 8GB + 256GB వేరియంట్ ప్రారంభ ధర 37,999 నిర్ణయించగా.. 12GB + 512GB స్టోరేజ్ వేరియంట్ ధర రూ. 39,999గా నిర్ణయించింది. కొంతమంది వినియోగదారులు వరుసగా రూ. 27,999, రూ. 29,999 ఎర్లీ-బర్డ్ ధరలకు ఫోన్ను కొనుగోలు చేయవచ్చని హానర్ పేర్కొంది. ఈ ఫోన్ దేశంలో సెప్టెంబర్ 18 నుంచి మధ్యాహ్నం 12 గంటల నుంచి అధికారిక హానర్ వెబ్సైట్, అమెజాన్ ద్వారా కొనుగోలుకు అందుబాటులో ఉంటుంది.
ఈ-కామర్స్ సైట్ రూ. 2వేలు ఎక్స్చేంజ్ తగ్గింపును అందిస్తోంది. కొనుగోలు సమయంలో ICICI, SBI కార్డ్లను ఉపయోగించే కస్టమర్లు రూ. 3వేలు అదనపు డిస్కౌంట్ పొందవచ్చు. కొనుగోలుదారులు కొనుగోలు చేసిన 30 రోజులలోపు అవసరమైతే హ్యాండ్సెట్ను కూడా మార్చుకోవచ్చు. హానర్ 90 5G డైమండ్ సిల్వర్, ఎమరాల్డ్ గ్రీన్, మిడ్నైట్ బ్లాక్ కలర్ ఆప్షన్లలో అందుబాటులో ఉంటుంది.
Honor 90 5G With 200-Megapixel Camera, 6.7-Inch AMOLED Display Debuts in India_ Price, Specifications
హానర్ 90 5G స్పెసిఫికేషన్లు, ఫీచర్లు :
1.5K (2664 x 1200 పిక్సెల్లు) రిజల్యూషన్తో 6.7-అంగుళాల AMOLED డిస్ప్లేను కలిగి ఉంది. హానర్ 90 5G డిస్ప్లే 120Hz వరకు రిఫ్రెష్ రేట్తో, 1,600 నిట్ల గరిష్ట ప్రకాశం స్థాయిని అందిస్తుంది. ఈ హ్యాండ్సెట్ Adreno 644 GPUతో Qualcomm Snapdragon 7 Gen 1 SoC ద్వారా పనిచేస్తుంది. 12GB వరకు LPDDR5 RAM 256GB వరకు UFS 3.1 ఇంటర్నల్ స్టోరేజీని అందిస్తుంది. సాఫ్ట్వేర్ పరంగా, ఫోన్ ఆండ్రాయిడ్ 13-ఆధారిత మ్యాజిక్ OS 7.1తో అందిస్తుంది.
హానర్ 90 5G ఫోన్ హానర్ ఇమేజ్ ఇంజిన్ సపోర్ట్తో 200MP ప్రైమరీ సెన్సార్, అల్ట్రా-వైడ్-యాంగిల్ లెన్స్తో 12MP సెన్సార్, LED ఫ్లాష్ యూనిట్తో పాటు మాక్రో లెన్స్తో 2MP సెన్సార్ను అందిస్తుంది. సెల్ఫీలు, వీడియో కాల్స్ కోసం, 50MP సెన్సార్ డిస్ప్లే పైభాగంలో హోల్-పంచ్ స్లాట్లో ఉంటుంది. Honor 90 5G ఫోన్ 66W వైర్డ్ ఫాస్ట్ ఛార్జింగ్ సపోర్ట్తో 5,000mAh బ్యాటరీని అందిస్తుంది.
సెక్యూరిటీ కోసం ఫోన్లో ఫింగర్ప్రింట్ సెన్సార్ను అమర్చారు. 5G, 4G LTE, డ్యూయల్-బ్యాండ్ Wi-Fi, బ్లూటూత్ 5.2, NFC, GPS, USB టైప్-C కనెక్టివిటీకి కూడా సపోర్టు ఇస్తుంది. ఈ హ్యాండ్సెట్ పరిమాణం 161.9mm x 74.1mm x 7.8mm, బరువు 183 గ్రాములు ఉంటుంది.