Honor Magic 9 : 8,000mAh బ్యాటరీ, 64MP కెమెరాతో హానర్ కొత్త ఫ్లాగ్‌షిప్ 5G ఫోన్ వచ్చేస్తోంది.. ఫీచర్లపై భారీ అంచనాలివే

Honor Magic 9

• హానర్ నుంచి సరికొత్త 5జీ ఫోన్ వచ్చేస్తోంది
• కొత్త మ్యాజిక్ 9 సిరీస్‌ లాంచ్ చేసేందుకు కంపెనీ రెడీ
• 8,000mAh బ్యాటరీ, 64MP కెమెరా ఫీచర్లు

Honor Magic 9 : హానర్ నుంచి సరికొత్త 5జీ ఫోన్ రాబోతుంది. ప్రస్తుతం కొత్త మ్యాజిక్ 9 సిరీస్‌ లాంచ్ చేసేందుకు కంపెనీ రెడీ అవుతోంది. ఈ ఫ్లాగ్‌షిప్ లైనప్‌లో మ్యాజిక్ 9, మ్యాజిక్ 9 ప్రో, మ్యాజిక్ 9 RSR అనే 3 మోడళ్లు ఉంటాయని భావిస్తున్నారు. ఈ నెల ప్రారంభంలోనే మ్యాజిక్ 9 సిరీస్ గురించి ఫస్ట్ టైమ్ రిపోర్టులు అందాయి. ఇప్పుడు స్టాండర్డ్ మ్యాజిక్ 9 గురించి మరిన్ని వివరాలను కంపెనీ వెల్లడించింది.

నివేదికల ప్రకారం.. రాబోయే ఈ హానర్ ఫోన్ గత మోడల్ హానర్ మ్యాజిక్ 8తో పోలిస్తే అనేక హార్డ్‌వేర్ అప్‌గ్రేడ్‌లతో వస్తుంది. కాంపాక్ట్ స్క్రీన్, పవర్‌ఫుల్ స్నాప్‌డ్రాగన్ చిప్‌సెట్‌తో వస్తుంది. స్టాండర్డ్ వేరియంట్ ఇతర ఫీచర్లు ఎలా ఉన్నాయో ఇప్పుడు వివరంగా చూద్దాం..

Read Also : Nothing Phone 4a Pro : ఫ్లిప్‌కార్ట్‌లో దిమ్మతిరిగే ఆఫర్.. రూ. 50వేల నథింగ్ 5G ఫోన్ జస్ట్ రూ. 40,374కే..!

హానర్ మ్యాజిక్ 9 స్పెసిఫికేషన్లు (అంచనా) :
టిప్‌స్టర్ డిజిటల్ చాట్ స్టేషన్ ఇటీవలే వీబో పోస్ట్‌లో ఈ కొత్త ఫోన్‌ ఫీచర్లను వెల్లడించింది. ఈ ఫోన్ అసలు పేరు రివీల్ చేయలేదు. కానీ, ఆ హ్యాండ్‌సెట్ పేరు హానర్ మ్యాజిక్ 9 అని స్పష్టంగా తెలుస్తోంది. ఈ ఫోన్‌లో 6.36-అంగుళాల డిస్‌ప్లే ఉంటుందని అంచనా. అలాగే, 3nm స్నాప్‌డ్రాగన్ 8 ఎలైట్ జెన్ 5 ప్రాసెసర్‌తో వస్తుందని భావిస్తున్నారు.

హానర్ మ్యాజిక్ 9 కెమెరా ఫీచర్లు (అంచనా) :
కెమెరా విషయానికి వస్తే.. హానర్ మ్యాజిక్ 9లో 64MP పెరిస్కోప్ కెమెరా, OV64D సెన్సార్‌ అమర్చవచ్చని అంచనా. హానర్ మ్యాజిక్ 8లో 3x ఆప్టికల్ జూమ్‌తో 64MP టెలిఫోటో సెన్సార్ ఉంది.
అయితే, అదనంగా, హానర్ మ్యాజిక్ 9 వైర్‌లెస్ ఛార్జింగ్ సపోర్ట్‌తో 8,000mAh బ్యాటరీని అందిస్తుందని అంచనా.

7,000mAh బ్యాటరీతో హానర్ మ్యాజిక్ 8తో పోలిస్తే కీలక అప్‌గ్రేడ్ అవుతుంది. ఇతర హానర్ ఫీచర్లలో 3డీ అల్ట్రాసోనిక్ ఫింగర్‌ప్రింట్ స్కానర్, IP68 + IP69 రేటింగ్‌ ఉన్నాయి. నివేదికల ప్రకారం.. హానర్ మ్యాజిక్ 9 ఈ ఏడాది అక్టోబర్‌లో మ్యాజిక్ 9 ప్రో, మ్యాజిక్ 9 ఆర్ఎస్ఆర్‌లతో పాటుగా లాంచ్ కావచ్చు.