Honor Pad X8 With MediaTek Helio G80 SoC to Launch in India on June 22
Honor Pad X8 Launch : ప్రముఖ చైనా ఎలక్ట్రానిక్ తయారీ కంపెనీ హానర్ నుంచి కొత్త ప్యాడ్ వచ్చేస్తోంది. హానర్ ప్యాడ్ (Honor Pad X8) ట్యాబ్ ఈ నెల (జూన్ 22న) భారత మార్కెట్లో లాంచ్ కానుంది. ఈ టాబ్లెట్ గత ఏడాది సెప్టెంబర్‌లో చైనాలో లాంచ్ అయింది. ఆక్టా-కోర్ MediaTek Helio G80 SoC ద్వారా పవర్ అందిస్తుంది. 5,100mAh బ్యాటరీతో సపోర్టు అందిస్తుంది.
ఈ టాబ్లెట్ చైనా డాన్ బ్లూ, మింట్ కలర్ ఆప్షన్‌లలో అందుబాటులో ఉంది. 4GB + 128GB, 6GB + 128GB స్టోరేజ్ వేరియంట్‌లలో లభిస్తుంది. 5MP బ్యాక్ కెమెరా, 2MP ఫ్రంట్ కెమెరా సెన్సార్‌తో వస్తుంది. భారత మార్కెట్లో టాబ్లెట్ ధరను లాంచ్‌కు ముందే అమెజాన్‌లో వెల్లడించింది.
Read Also : WhatsApp Tips : మీ ఫోన్ స్టోరేజీ సేవ్ చేయాలా? వాట్సాప్‌లో ఫొటో వీడియో ఆటో డౌన్‌లోడ్ డిసేబుల్ చేయండిలా..!
భారత్‌లో హానర్ ప్యాడ్ X8 ధర ఎంతంటే? :
అమెజాన్ జాబితా ప్రకారం.. హానర్ ప్యాడ్ X8 3GB + 32GB వేరియంట్ భారత మార్కెట్లో రూ. 10,999గా ఉండనుంది. (GizmoChina) నివేదిక ప్రకారం.. 4GB + 64GB వేరియంట్ ధర రూ. 11,999గా ఉంది. అదే సమయంలో, భారత మార్కెట్లో టాబ్లెట్ బ్లూ అవర్ కలర్ ఆప్షన్‌లో అందించే అవకాశం ఉందని హానర్ ఇండియా వెబ్‌సైట్ ధృవీకరిస్తుంది. జూన్ 22న మధ్యాహ్నం 12 గంటల నుంచి ఈ హానర్టాబ్లెట్ కొనుగోలుకు అందుబాటులో ఉంటుంది.
Honor Pad X8 With MediaTek Helio G80 SoC to Launch in India on June 22
హానర్ ప్యాడ్ X8 స్పెసిఫికేషన్లు, ఫీచర్లు :
హానర్ ప్యాడ్ X8 మోడల్ 1,920 x 1,200 పిక్సెల్‌ల రిజల్యూషన్, 224ppi పిక్సెల్ సాంద్రతతో 10.1-అంగుళాల ఫుల్-HD IPS డిస్‌ప్లేను కలిగి ఉంది. ఈ టాబ్లెట్ భారతీయ వేరియంట్‌పై ఆండ్రాయిడ్ 12-ఆధారిత మ్యాజిక్ OS స్కిన్‌ను అందిస్తుంది. టాబ్లెట్ ఆక్టా-కోర్ MediaTek Helio G80 SoCతో పాటు 6GB వరకు RAM, 128GB ఇంటర్నల్ స్టోరేజీతో వస్తుంది. అయితే, కంపెనీ భారత్‌లో తక్కువ స్టోరేజ్ వేరియంట్‌లను లాంచ్ చేసే అవకాశం ఉంది. అమెజాన్‌లో 3GB + 32GB వేరియంట్ లిస్టు కాగా.. మరో 4GB + 64GB మోడల్ కూడా అందుబాటులో ఉండవచ్చు.
ఆప్టిక్స్ విషయానికి వస్తే.. హానర్ టాబ్లెట్‌లో 5MP బ్యాక్ కెమెరా, సెల్ఫీలకు 2MP ఫ్రంట్ కెమెరా ఉన్నాయి. టాబ్లెట్ 5,100mAh బ్యాటరీని ప్యాక్ చేస్తుంది. 3 గంటల్లో 0 నుంచి 100 శాతం వరకు ఛార్జ్ అవుతుంది. ఈ టాబ్లెట్ అల్యూమినియం బాడీ బరువు 460 గ్రాములు, సైజు 240.2mm x 159mm x 7.55mm. USB టైప్-C, WiFi 802.11 a/b/g/n/ac, బ్లూటూత్ v5.1 కనెక్టివిటీకి సపోర్టు ఇస్తుంది. 3.5mm ఆడియో జాక్‌తో వస్తుంది. ఈ టాబ్లెట్ హానర్ హిస్టన్ సౌండ్ ఎఫెక్ట్‌లతో కూడిన స్టీరియో స్పీకర్‌లను కూడా కలిగి ఉంది.
