Infinix Note 40 Series Racing Edition ( Image Source : Google )
Infinix Note 40 Series Launch : కొత్త ఫోన్ కొంటున్నారా? ప్రముఖ స్మార్ట్ఫోన్ దిగ్గజం ఇన్ఫినిక్స్ నుంచి ఇన్ఫినిక్స్ నోట్ 40 సిరీస్ రేసింగ్ ఎడిషన్ భారత మార్కెట్లో లాంచ్ అయింది. కంపెనీ ఏప్రిల్లో దేశంలో ఇన్ఫినిక్స్ నోట్ 40 ప్రో, నోట్ 40 ప్రో ప్లస్ ప్రారంభించింది.
కొత్త మోడల్లు బీఎండబ్ల్యూ డిజైన్వర్క్ల సహకారంతో రూపొందించిన ఎఫ్1-ప్రేరేపిత డిజైన్ను కలిగి ఉన్నాయి. ఈ హ్యాండ్సెట్లు 12జీబీ ర్యామ్తో మీడియాటెక్ డైమెన్సిటీ 7020 చిప్సెట్తో సహా ఒరిజినల్ మోడల్ల మాదిరిగానే అదే స్పెసిఫికేషన్లను కలిగి ఉంటాయి. 108ఎంపీ కెమెరాతో కూడా అమర్చారు. 100డబ్ల్యూ వైర్డు ఛార్జింగ్, 20డబ్ల్యూ వైర్లెస్ ఛార్జింగ్ కోసం సపోర్టు అందిస్తుంది.
Read Also : Apple iPhone 15 : ఆపిల్ ఐఫోన్ 15పై అదిరే డీల్.. ధర ఎంత తగ్గిందంటే? మరెన్నో బ్యాంకు ఆఫర్లు..!
ఇన్ఫినిక్స్ నోట్ 40 ప్రో, ప్రో ప్లస్ రేసింగ్ ఎడిషన్ ధర :
భారత మార్కెట్లో ఇన్ఫినిక్స్ నోట్ 40 ప్రో రేసింగ్ ఎడిషన్ ధర రూ. 15,999, ఇన్ఫినిక్స్ ఫోన్ సింగిల్ 8జీబీ+256జీబీ ర్యామ్, స్టోరేజ్ మోడల్లో అందుబాటులో ఉంది. అయితే, నోట్ 40 ప్రో ప్లస్ రేసింగ్ ఎడిషన్ ధర రూ. 18,999, 12జీబీ+256జీబీ కాన్ఫిగరేషన్లో విక్రయిస్తోంది. అయితే, ఈ ధరలు బ్యాంక్ డిస్కౌంట్లతో సహా ఉన్నాయని గమనించాలి. దీనిపై స్మార్ట్ఫోన్ తయారీదారు ఇంకా వెల్లడించలేదు. ఇన్ఫినిక్స్ నోట్ 40 ప్రో రేసింగ్ ఎడిషన్, నోట్ 40 ప్రో ప్లస్ రేసింగ్ ఎడిషన్ ఆగస్టు 26న ఫ్లిప్కార్ట్ ద్వారా కొనుగోలుకు అందుబాటులో ఉంటాయి.
ఇన్ఫినిక్స్ నోట్ 40 ప్రో, ప్రో ప్లస్ రేసింగ్ ఎడిషన్ స్పెసిఫికేషన్లు :
ఇన్ఫినిక్స్ నోట్ 40 ప్రో రేసింగ్ ఎడిషన్, నోట్ 40 ప్రో ప్లస్ రేసింగ్ ఎడిషన్ రెండూ కంపెనీ లాంచ్ చేసిన మోడల్ల మాదిరిగానే స్పెసిఫికేషన్లను కలిగి ఉన్నాయి. 120Hz రిఫ్రెష్ రేట్తో 6.78-అంగుళాల ఫుల్-హెచ్డీ+ (1,080×2,436 పిక్సెల్లు) కర్వడ్ ఎల్టీపీఎస్ అమోల్డ్ స్క్రీన్, గరిష్టంగా 1,300 నిట్స్ వరకు బ్రైట్నెస్ను కలిగి ఉన్నాయి. కంపెనీ 12జీబీ ఎల్పీడీడీఆర్4ఎక్స్ ర్యామ్, 256జీబీ యూఎఫ్ఎస్ 2.2 ఇన్బిల్ట్ స్టోరేజ్తో పాటు మీడియాటెక్ డైమెన్సిటీ 7200 ఎస్ఓసీతో హ్యాండ్సెట్లను కూడా అమర్చింది.
ఈ మోడల్లు అదే వీసీ కూలింగ్ టెక్నాలజీ 2.0ని 11 లేయర్ల హీట్ డిస్సిపేషన్ మెటీరియల్ని కలిగి ఉన్నాయి. ఈ హ్యాండ్సెట్లో మెరుగైన థర్మల్ మేనేజ్మెంట్ను అందిస్తున్నాయని పేర్కొన్నారు. మీరు స్టాండర్డ్ ఇన్ఫినిక్స్ నోట్ 40ప్రో, నోట్ 40 ప్రో ప్లస్లో ఉన్న అదే 108ఎంపీ కెమెరాతో 2ఎంపీ సెన్సార్లను పొందవచ్చు. సెల్ఫీలు, వీడియో కాల్లకు 32ఎంపీ ఫ్రంట్ ఫేసింగ్ కెమెరా ఉంది.
ఈ హ్యాండ్సెట్లు జేబీఎల్ ద్వారా ట్యూన్ చేసిన డ్యూయల్ స్పీకర్లతో అమర్చి ఉంటాయి. 5జీ, 4జీ ఎల్టీఈ, వై-ఫై, బ్లూటూత్, జీపీఎస్, ఎన్ఎఫ్సీ, యూఎస్బీ టైప్-సి పోర్ట్కు సపోర్టును అందిస్తారు. డస్ట్, స్ప్లాష్ రెసిస్టెన్స్ కోసం బిల్డ్ కోసం రెండు మోడళ్లకు ఐపీ53 రేటింగ్ ఉందని ఇన్ఫినిక్స్ చెబుతోంది.
ఇన్ఫినిక్స్ నోట్ 40 ప్రో రేసింగ్ ఎడిషన్ 45డబ్ల్యూ ఫాస్ట్ ఛార్జింగ్తో 5,000mAh బ్యాటరీని అందిస్తుంది. అయితే, నోట్ 40 ప్రో ప్లస్ రేసింగ్ ఎడిషన్ 100డబ్ల్యూ వైర్డ్ ఫాస్ట్ ఛార్జింగ్కు సపోర్టుతో 4,600mAh బ్యాటరీని కలిగి ఉంది. పవర్ మేనేజ్మెంట్ కోసం రెండు మోడల్లు ఒకే ఇంటర్నల్ చీతా ఎక్స్1 చిప్ను కలిగి ఉన్నాయి. రెండు మోడల్లు 20డబ్ల్యూ వైర్లెస్ ఛార్జింగ్కు సపోర్ట్ చేస్తాయి. అథెంటికేషన్ కోసం ఇన్-డిస్ప్లే ఫింగర్ప్రింట్ సెన్సార్ను కలిగి ఉంటాయి.
Read Also : iPhone 16 Series : ఆపిల్ ఐఫోన్ 16 సిరీస్ చూశారా? కొత్త డిజైన్ అదుర్స్.. అధికారిక ఫొటో లీక్.. ఫీచర్లు ఇవేనా?