iQOO Z11 Lite 5G : వావ్! అద్భుతమైన ఫోన్.. ఐక్యూ Z11 లైట్ 5G వచ్చేస్తోంది.. లాంచ్‌కు ముందే కీలక ఫీచర్లు లీక్!

iQOO Z11 Lite 5G

• ఈ స్మార్ట్‌ఫోన్‌లో మీడియాటెక్ డైమెన్సిటీ 6300 చిప్‌సెట్‌ ఆప్షన్
• ఆండ్రాయిడ్ 16 ఆధారిత ఆపరేటింగ్ సిస్టమ్‌ ఉండవచ్చు
• ఐక్యూ Z11 లైట్ 5జీలో భారీ బ్యాటరీ సామర్థ్యం ఉండవచ్చు

iQOO Z11 Lite 5G : ఐక్యూ నుంచి సరికొత్త 5జీ ఫోన్ రాబోతుంది. చైనాకు మేకర్ ఐక్యూ (iQOO) త్వరలో కొత్త స్మార్ట్‌ఫోన్‌ లాంచ్ చేయనుంది. కొన్ని లీక్‌లను పరిశీలిస్తే.. ఐక్యూ జెడ్11 లైట్ 5జీ (iQOO Z11 Lite 5G) స్పెసిఫికేషన్లను వెల్లడించాయి. ఈ స్మార్ట్‌ఫోన్ మీడియాటెక్ డైమెన్సిటీ 6300 ప్రాసెసర్‌తో వస్తుందని భావిస్తున్నారు. ఐక్యూ జెడ్10 లైట్ 5జీ (iQOO Z10 Lite 5G) అప్‌గ్రేడ్ వెర్షన్‌గా రాబోతుంది. పూర్తి వివరాలను ఓసారి పరిశీలిద్దాం..

I2510 మోడల్ నంబర్‌తో వివో స్మార్ట్‌ఫోన్ గీక్‌బెంచ్ బెంచ్‌మార్కింగ్ ప్లాట్‌ఫామ్‌లో లిస్ట్ అయింది. ఐక్యూ జెడ్11 లైట్ 5జీ పేరుతో రానుంది. గతంలో, ఈ స్మార్ట్‌ఫోన్ అదే మోడల్ నంబర్‌తో ఐఎంఈఐ, ఇండోనేషియా పోస్టల్ సర్టిఫికేషన్ ప్లాట్‌ఫామ్‌లలో కనిపించింది. గీక్‌బెంచ్‌లో ఐక్యూ జెడ్11 లైట్ 5జీ సింగిల్-కోర్ టెస్ట్ 549 పాయింట్లు, మల్టీ-కోర్ టెస్ట్‌లో 1,776 పాయింట్లు సాధించింది.

ఐక్యూ జెడ్11 లైట్ 5జీ స్పెషిఫికేషన్లు, ఫీచర్లు :
ఈ స్మార్ట్‌ఫోన్ 2.40 గిగాహెర్ట్జ్ క్లాక్ స్పీడ్‌తో ఆక్టా-కోర్ ప్రాసెసర్‌తో రన్ అవుతుంది. ఇందులో 2 పెర్ఫార్మెన్స్ కోర్లు, 2.00 గిగాహెర్ట్జ్ క్లాక్ స్పీడ్‌తో 6 ఎఫిషియెన్సీ కోర్లు ఉన్నాయి. మీడియాటెక్ డైమెన్సిటీ 6300 చిప్‌సెట్ కావచ్చు. ఆండ్రాయిడ్ 16 ఆధారిత ఆపరేటింగ్ సిస్టమ్‌పై రన్ చేయొచ్చు. ఐక్యూ ఈ స్మార్ట్‌ఫోన్ లాంచ్ తేదీని ఇంకా వెల్లడించలేదు.

ఐక్యూ Z11 లైట్ 5జీలో భారీ బ్యాటరీ ఉండవచ్చు. ఈ సిరీస్‌లో బేస్ మోడల్‌తో పాటు ఐక్యూ Z11x కూడా ఉన్నాయి. ఇటీవల భారత మార్కెట్లో లాంచ్ అయిన ఐక్యూ Z11x 5జీలో 6.76-అంగుళాల (1,080 x2,344 పిక్సెల్స్) ఎల్‌సీడీ స్క్రీన్ ఉంది.

120Hz వరకు రిఫ్రెష్ రేట్, 382ppi పిక్సెల్ డెన్సిటీ, 1,200 నిట్స్ టాప్ బ్రైట్‌నెస్ లెవల్స్ ఉన్నాయి. మీడియాటెక్ డైమెన్సిటీ 7400 టర్బో ప్రాసెసర్‌తో రన్ అవుతుంది. ఆండ్రాయిడ్ 16 ఆధారిత ఒరిజిన్ఓఎస్ 6పై రన్ అవుతుంది.

ఈ స్మార్ట్‌ఫోన్ 6GB ర్యామ్, 128GB స్టోరేజ్ వేరియంట్ ధర రూ. 18,999, 8GB + 128GB వేరియంట్ ధర రూ. 20,999, 8GB + 256GB వేరియంట్ ధర రూ. 22,999కు పొందవచ్చు. ఐక్యూ Z11 లైట్ 5జీ డ్యూయల్ రియర్ కెమెరా యూనిట్‌లో ఎఫ్/2.45 అపర్చర్‌తో 50MP ప్రైమరీ కెమెరా, 2MP బోకె కెమెరా ఉన్నాయి.

సెల్ఫీలు, వీడియో కాల్స్ కోసం 32MP ఫ్రంట్ కెమెరా ఉంది. ఐక్యూ Z11x 5జీలో 7,200mAh బ్యాటరీ ఉంది. 44W వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. సేఫ్టీ కోసం సైడ్-మౌంటెడ్ ఫింగర్‌ప్రింట్ స్కానర్ ఉంది.