Oppo K15 Launch : ఒప్పో కొత్త ఫోన్ కేక.. 8,000mAh బ్యాటరీతో కిర్రాక్ అంతే.. ధర ఎంతో తెలుసా?
Oppo K15 Launch : ఒప్పో కె15 ఫోన్ 8,000mAh బ్యాటరీ, డ్యూయల్ 50MP రియర్ కెమెరాలతో వచ్చేసింది. ఈ ఒప్పో ఫోన్ ధర, ఫీచర్ల వివరాలపై ఓసారి లుక్కేయండి..
- Sreehari A
- Published on- July 24, 2026 / 02:44 PM IST
Oppo K15 Launch
- ఒప్పో K15 ఫోన్ మీడియాటెక్ చిప్సెట్తో రన్ అవుతుంది
- 6.59-అంగుళాల అమోల్డ్ డిస్ప్లేతో వస్తుంది
- 80W వైర్డ్ ఫాస్ట్ ఛార్జింగ్కు సపోర్టు ఇస్తుంది
Oppo K15 Launch : ఒప్పో నుంచి సరికొత్త ఫోన్ వచ్చేసింది. టెక్ సంస్థ ఒప్పో K15 సిరీస్లో మూడవ ఫోన్ ఒప్పో K15 చైనాలో లాంచ్ అయింది. ఈ ఏడాది ప్రారంభంలో లాంచ్ అయిన ఒప్పో K15 ప్రో, ఒప్పో K15 ప్రో ప్లస్ తర్వాత ఇది మూడో మోడల్. ఈ కొత్త స్మార్ట్ఫోన్ ప్రస్తుతం దేశంలో కంపెనీ వెబ్సైట్ ద్వారా సింగిల్ ర్యామ్ స్టోరేజ్ కాన్ఫిగరేషన్లో అమ్మకానికి ఉంది. రెండు కలర్ ఆప్షన్లలో వస్తుంది.
ఒప్పో K15 ఆక్టా-కోర్ మీడియాటెక్ డైమెన్సిటీ 7000 సిరీస్ చిప్సెట్తో రన్ అవుతుంది. ఈ ఒప్పో ఫోన్ 8,000mAh బ్యాటరీతో (Oppo K15 Launch) పాటు 80W వైర్డ్ ఫాస్ట్ ఛార్జింగ్కు కూడా సపోర్టు ఇస్తుంది. ఇందులో డ్యూయల్ రియర్ కెమెరా యూనిట్ కూడా ఉంది.
ఒప్పో K15 ధర ఎంతంటే? :
12జీబీ ర్యామ్, 256జీబీ స్టోరేజ్తో సింగిల్ వేరియంట్ ఒప్పో K15 ధర CNY 2,299 (సుమారుగా రూ. 33వేలు)గా కంపెనీ నిర్ణయించింది. ఈ స్మార్ట్ఫోన్ దేశంలో ఒప్పో చైనా ఆన్లైన్ స్టోర్ ద్వారా అమ్మకానికి అందుబాటులో ఉంది. ఒప్పో K15 గేల్ గ్రే రాపిడ్ వైట్ కలర్ ఆప్షన్లలో కొనేసుకోవచ్చు.
ఒప్పో K15 స్పెసిఫికేషన్లు, ఫీచర్లు :
ఒప్పో K15 ఫోన్ అనేది డ్యూయల్-సిమ్ స్మార్ట్ఫోన్. ఆండ్రాయిడ్ 16 ఆధారిత ఒప్పో లేటెస్ట్ కలర్ఓఎస్ 16పై రన్ అవుతుంది. ఈ హ్యాండ్సెట్లో 6.59-అంగుళాల ఫుల్-హెచ్డీ+ (1,256 x 2,760 పిక్సెల్స్) అమోలెడ్ డిస్ప్లే ఉంది.
120Hz వరకు రిఫ్రెష్ రేట్, 240Hz టచ్ శాంప్లింగ్ రేట్, 1,200 నిట్స్ వరకు పీక్ బ్రైట్నెస్, 1.07 బిలియన్ రంగులు, 100 శాతం DCI-P3 కలర్ గామట్, 460ppi పిక్సెల్ డెన్సిటీ 93.4 శాతం స్క్రీన్-టు-బాడీ రేషియోను అందిస్తుంది. ఈ ఫోన్ డస్ట్, వాటర్ రెసిస్టెన్స్ కోసం IP69 రేటింగ్తో వస్తుందని టెక్ సంస్థ పేర్కొంది.
ఒప్పో K15లో ఆక్టా-కోర్ మీడియాటెక్ డైమెన్సిటీ 7360 సూపర్ చిప్సెట్ ఉంది. 2.5GHz టాప్ క్లాక్ స్పీడ్ అందిస్తుంది. ఈ హ్యాండ్సెట్లో ఏఆర్ఎమ్ మాలి-G615 జీపీయూ, 12GB LPDDR4x, 256జీబీ యూఎఫ్ఎస్ 3.1 ఆన్బోర్డ్ స్టోరేజ్ టైడల్ ఇంజిన్ కూడా ఉన్నాయి. హీట్ మేనేజ్ కోసం ఈ స్మార్ట్ఫోన్లో యాక్టివ్ కూలింగ్ ఫ్యాన్ 4,950 చదరపు మిల్లీమీటర్ల హీట్ వేపర్ ఛాంబర్ కూలింగ్ సిస్టమ్ ఉన్నాయి.
కెమెరాల విషయానికొస్తే..
ఒప్పో K15లో డ్యూయల్ రియర్ కెమెరా యూనిట్ ఉంది. ఇందులో ఆటోఫోకస్, డ్యూయల్-యాక్సిస్ ఆప్టికల్ ఇమేజ్ స్టెబిలైజేషన్ 10x వరకు డిజిటల్ జూమ్తో 50MP (ఎఫ్/1.8) మెయిన్ కెమెరా, 143-డిగ్రీల ఫీల్డ్ ఆఫ్ వ్యూతో 50MP (ఎఫ్/2.2) అల్ట్రావైడ్ కెమెరా ఉన్నాయి. ఈ స్మార్ట్ఫోన్లో సెల్ఫీలు, వీడియో కాల్స్ కోసం ఆటోఫోకస్తో 50MP (ఎఫ్/2.0) ఫ్రంట్-ఫేసింగ్ కెమెరా కూడా ఉంది. ఈ హ్యాండ్సెట్ 4K/30fps వరకు వీడియోలను రికార్డ్ చేయొచ్చు.
ఒప్పో K15లో 8,000mAh బ్యాటరీ ఉంది. 80W వైర్డ్ ఫాస్ట్ ఛార్జింగ్కు సపోర్ట్ చేస్తుంది. కనెక్టివిటీ కోసం 5జీ, 4జీ ఎల్టీఈ, Wi-Fi 6, బ్లూటూత్ 5.4, సింగిల్ యూఎస్బీ టైప్-సి పోర్ట్, BeiDou, జీపీఎస్, GLONASS, Galileo, QZSS, NavICలకు కూడా సపోర్ట్ చేస్తుంది.
సెన్సార్ల లిస్టులో ప్రాక్సిమిటీ సెన్సార్, యాంబియంట్ లైట్ సెన్సార్, కలర్ టెంపరేచర్ సెన్సార్, ఇ-కంపాస్, యాక్సిలరోమీటర్, గైరోస్కోప్, సేఫ్టీ కోసం ఇన్-డిస్ప్లే ఆప్టికల్ ఫింగర్ప్రింట్ సెన్సార్, ఒక ఐఆర్ బ్లాస్టర్ ఉన్నాయి. ఈ ఫోన్ కొలతలు 158.3×75.13×8.31mm బరువు, సుమారు 206 గ్రాములు ఉంటుంది.