Realme 16T : వారెవ్వా.. కొత్త రియల్‌మి 16T ఫోన్ వచ్చేస్తోంది.. కీలక స్పెసిఫికేషన్లు లీక్.. ధర ఎంత ఉండొచ్చంటే?

Realme 16T Launch

• రియల్‌మి 15Tకి అప్‌గ్రేడ్‌గా రియల్‌మి 16T ఫోన్
• లాంచ్‌కు ముందే కీలక స్పెషిఫికేషన్లు లీక్
• ఆండ్రాయిడ్ 16 ఆపరేటింగ్ సిస్టమ్‌పై రన్

Realme 16T : రియల్‌మి లవర్స్‌కు గుడ్ న్యూస్.. అతి త్వరలో రియల్‌మి 16T కొత్త ఫోన్ వచ్చేస్తోంది. రియల్‌మి 15T అప్‌గ్రేడ్ వెర్షన్‌గా త్వరలో మార్కెట్లో లాంచ్ కానుంది. అధికారిక లాంచ్‌కు ముందే రియల్‌మి 16T ఫోన్ గీక్‌బెంచ్ బెంచ్‌మార్కింగ్ వెబ్‌సైట్‌లో కనిపించింది. కీలక స్పెసిఫికేషన్లను వెల్లడించింది.

ఈ ఫోన్ మీడియాటెక్ డైమెన్సిటీ చిప్‌సెట్‌పై రన్ అవుతుంది. గత ఏడాదిలో వచ్చిన రియల్‌మి 15Tతో పోలిస్తే కొంచెం తక్కువ పవర్ అందిస్తుందని అంచనా. గీక్‌బెంచ్ లిస్టింగ్ ప్రకారం.. రియల్‌మి 16T ర్యామ్ ఆపరేటింగ్ సిస్టమ్‌ కూడా రివీల్ చేసింది. రియల్‌మి 16T ఫోన్ మొత్తం 3 కలర్ ఆప్షన్‌లలో వస్తుందని అంచనా.

రియల్‌మి 16T స్పెసిఫికేషన్లు లీక్ :
RMX5268 అనే మోడల్ నంబర్‌తో కొత్త రియల్‌మి ఫోన్ గీక్‌బెంచ్ వెబ్‌సైట్‌లో కనిపించింది. ఈ మోడల్ నంబర్ రియల్‌మి 16Tకి చెందినదిగా భావిస్తున్నారు. ఈ బెంచ్‌మార్క్ ప్లాట్‌ఫామ్ ప్రకారం.. ఈ రియల్‌మి ఫోన్ ఆండ్రాయిడ్ 16 ఆపరేటింగ్ సిస్టమ్‌పై రన్ అవుతుంది. ఇందులో మాలి-G57 ఎంసీ2 జీపీయూ ఉంటుంది. ఈ లిస్టింగ్‌లో 7.45GB ర్యామ్ కూడా ఉంది. అయితే బహుశా 8GBగా విక్రయించే అవకాశం ఉంది.

Read Also : Top Upcoming Cars : మేలో ఎలక్ట్రిక్ కార్ల జాతరే జాతర! కొత్త EVలు వచ్చేస్తున్నాయ్.. రేంజ్ చూసి షాక్ అవ్వాల్సిందే!

రియల్‌మి 16T సింగిల్-కోర్ టెస్టింగ్‌లో 784 పాయింట్లు, మల్టీ-కోర్ టెస్టింగ్‌లో 2,007 పాయింట్లు సాధించింది. లిస్టింగ్ ప్రకారం.. ఈ స్మార్ట్‌ఫోన్‌లో 2.40GHz క్లాక్ స్పీడ్‌తో 2 హై-పెర్ఫార్మెన్స్ కోర్లు, 2.00GHz క్లాక్ స్పీడ్‌తో 6 కోర్లు ఉన్న మీడియాటెక్ MT6835 చిప్‌సెట్ ఉంది. ఈ మోడల్ నంబర్ స్పెసిఫికేషన్లు మీడియాటెక్ డైమెన్సిటీ 6300 చిప్‌సెట్‌ అందిస్తాయి.

రియల్‌మి నుంచి రియల్‌మి 16T ఫోన్ రాబోతుంది. మీడియాటెక్ డైమెన్సిటీ 6300 చిప్‌సెట్‌తో లాంచ్ కానుంది. మీడియాటెక్ డైమెన్సిటీ 6400 మ్యాక్స్ SoCతో వస్తుంది. గతేడాది రియల్‌మి 15Tతో పోలిస్తే.. పర్ఫార్మెన్స్ పరంగా అద్భుతంగా ఉంటుంది.

డైమెన్సిటీ 6400 మ్యాక్స్ చిప్‌సెట్ 2GHz బేస్ ఫ్రీక్వెన్సీతో వస్తుంది. మెయిన్ సీపీయూ కోర్ 2.50GHz వద్ద క్లాక్ అవుతుంది. రియల్‌మి 16T, డైమెన్సిటీ 6400 టర్బో చిప్‌సెట్‌, రియల్‌మి 16 కన్నా లో రేంజ్ పొందే అవకాశం ఉంది.

3 కలర్ ఆప్షన్లలో :
గతంలో లీక్ డేటా ప్రకారం.. భారత మార్కెట్లో రియల్‌మి 16T ఫోన్ 6GB + 128GB, 8GB + 128GB, 8GB + 256GB ర్యామ్ స్టోరేజ్ వేరియంట్లలో లభ్యం కానుంది. అరోరా గ్రీన్, స్టార్‌లైట్ బ్లాక్, స్టార్‌లైట్ రెడ్ కలర్ ఆప్షన్లలో వస్తుందని పుకార్లు ఉన్నాయి. రియల్‌మి 15T గత ఏడాది సెప్టెంబర్‌లో రూ. 20,999 ప్రారంభ ధరతో లాంచ్ అయింది. ఇందులో 6.57-అంగుళాల అమోల్డ్ డిస్‌ప్లే 50MP ప్రైమరీ సెన్సార్‌తో డ్యూయల్ రియర్ కెమెరా సెటప్ ఉన్నాయి.

సెల్ఫీల కోసం ప్రస్తుత మోడల్‌లో 50MP ఫ్రంట్ కెమెరా ఉంది. రియల్‌మి 15Tలో 7,000mAh బ్యాటరీ ఉంది. 60W ఫాస్ట్ ఛార్జింగ్, 10W రివర్స్ ఛార్జింగ్‌కు సపోర్ట్ చేస్తుంది. దుమ్ము, వాటర్ రెసిస్టెన్స్ కోసం IP66, IP68, IP69 రేటింగ్‌ అందిస్తుంది.