Realme X3 SuperZoom : ఒకప్పుడు ప్రీమియం ఫోన్.. ఇప్పుడు రూ.14 వేలకే! రియల్‌మి X3 సూపర్ జూమ్‌పై బంపర్ ఆఫర్

Realme X3 SuperZoom

• ఆక్టా-కోర్ క్వాల్‌కామ్ స్నాప్‌డ్రాగన్ 855+ చిప్‌సెట్‌
• 64MP ప్రైమరీ సెన్సార్‌, క్వాడ్ రియర్ కెమెరా సెటప్
• సెల్ఫీలు, వీడియో కాలింగ్ కోసం డ్యూయల్ ఫ్రంట్ కెమెరా సెటప్

Realme X3 SuperZoom : రియల్‌మి ఫ్యాన్స్ మీకోసమే.. రియల్‌మి X3 సూపర్ జూమ్‌ ఫోన్ భారీ డిస్కౌంట్‌తో లభిస్తోంది. అద్భుతమైన ఫీచర్లతో వచ్చిన ఈ ఫోన్ ప్రస్తుతం చాలా చీపెస్ట్ ధరకే లభిస్తోంది. ఫ్లిప్‌కార్ట్‌లో ఈ ఫోన్ 43శాతం డిస్కౌంట్‌తో లభిస్తోంది. రియల్‌మి ఎక్స్3 సూపర్ జూమ్‌లో 4200mAh బ్యాటరీ ఉంది. 64MP+8MP+8MP+2MP కెమెరా సెటప్‌ అందించింది. రియల్‌మి X3 సూపర్ జూమ్‌పై బెస్ట్ ఆఫర్లకు సంబంధించి పూర్తి వివరాలను ఇప్పుడు తెలుసుకుందాం..

ధర తగ్గింపు :
ఫ్లిప్‌కార్ట్‌లో భారీ తగ్గింపుతో రియల్‌మి X3 సూపర్ జూమ్ ఫోన్ లభిస్తోంది. కంపెనీ ఈ ఫోన్‌ను (Realme X3 SuperZoom) రూ. 31,999 ధరకు లాంచ్ చేసింది. అయితే, ప్రస్తుతం ఈ ఫోన్ రూ.18,231కే లభిస్తోంది. లాంచ్ నుంచి ఇదే చీపెస్ట్ ధర. ఈ ఫోన్‌పై అసలు ధర నుంచి రూ. 13,000 డైరెక్ట్ డిస్కౌంట్ పొందవచ్చు. కంపెనీ బ్యాంక్ ఆఫర్లను కూడా అందిస్తోంది.

బ్యాంక్ ఆఫర్లు, మరెన్నో డిస్కౌంట్లు :
రియల్‌మి X3 సూపర్ జూమ్ కొనుగోలుపై బ్యాంక్ ఆఫర్లతో సద్వినియోగం చేసుకోవచ్చు. మీరు ఫ్లిప్‌కార్ట్ యాక్సిస్ బ్యాంక్ కార్డుతో కొనుగోలు చేస్తే అదనంగా రూ. 912 తగ్గింపు పొందవచ్చు. ఈ ఫోన్‌ను రూ. 14,500 కన్నా కొంచెం భారీ తగ్గింపుతో సొంతం చేసుకోవచ్చు. తద్వారా ఈ రియల్‌మి ధర రూ. 17,319కి తగ్గుతుంది.

Read Also : ITR Filing : టాక్స్ పేయర్లకు బిగ్ అలర్ట్.. ITRలో ఈ 5 పొరపాట్లు చేస్తే ఇంటికే ఐటీ నోటీసులు! 

స్పెసిఫికేషన్లు, ఫీచర్లు :
రియల్‌మి X3 సూపర్‌జూమ్‌లో 120Hz రిఫ్రెష్ రేట్, కార్నింగ్ గొరిల్లా గ్లాస్ 5 ప్రొటెక్షన్‌తో 6.6-అంగుళాల ఫుల్-HD+ (1,080×2,400 పిక్సెల్స్) ఎల్‌సీడీ డిస్‌ప్లే ఉంది. ఈ ఫోన్ ఆక్టా-కోర్ క్వాల్‌కామ్ స్నాప్‌డ్రాగన్ 855+ చిప్‌సెట్‌తో రన్ అవుతుంది. అడ్రినో 640 జీపీయూ, రియల్‌మి X3 సూపర్‌జూమ్‌లో 12GB వరకు LPDDR4x ర్యామ్ ఉంది.

ఈ ఫోన్‌లో క్వాడ్ రియర్ కెమెరా సెటప్ ఉంది. ఇందులో 64MP ప్రైమరీ సెన్సార్ ఉంది. పెరిస్కోప్ లెన్స్‌తో 8MP సెన్సార్ ఉంది. 5x ఆప్టికల్ జూమ్, 60x డిజిటల్ జూమ్, ఆప్టికల్ ఇమేజ్ స్టెబిలైజేషన్ (OIS) వంటి ఫీచర్లు ఉన్నాయి.

ఇతర కెమెరాలలో ఎఫ్/2.3 అపర్చర్‌తో 8MP అల్ట్రా-వైడ్ లెన్స్, ఎఫ్/2.4 అపర్చర్‌తో 2MP మాక్రో లెన్స్ ఉన్నాయి. సెల్ఫీలు, వీడియో కాలింగ్ కోసం డ్యూయల్ ఫ్రంట్ కెమెరా సెటప్ ఉంది. ఇందులో ఎఫ్/2.5 అపర్చర్‌తో 32MP కెమెరా, ఎఫ్/2.2 అపర్చర్‌తో 8MP సెకండరీ కెమెరా ఉన్నాయి.

రియల్‌మి X3 సూపర్‌జూమ్‌లో 30W డార్ట్ ఛార్జ్‌కు సపోర్ట్‌తో 4,200mAh బ్యాటరీ అమర్చారు. కనెక్టివిటీ ఆప్షన్‌లలో 4జీ, Wi-Fi 802.11ac, బ్లూటూత్ 5.0, GPS/ A-GPS, యూఎస్‌బీ టైప్-సి పోర్ట్ ఉన్నాయి. రియల్‌మి X3 సూపర్‌జూమ్‌లోని పవర్ బటన్‌లోనే ఫింగర్‌ప్రింట్ సెన్సార్ కూడా ఉంది.