Vi InstaData Feature : మీ డేటా అయిపోతోందా? Vi కొత్త ‘ఇన్‌స్టాడేటా’తో ఇన్‌స్టంట్ 1GB డేటా.. ఎలా పొందాలంటే?

InstaData Feature

InstaData Feature : వోడాఫోన్ ఐడియా యూజర్లకు గుడ్ న్యూస్.. విఐ ఇన్‌స్టాడేటా అనే కొత్త ఫీచర్ వచ్చేసింది. ఎంపిక చేసిన ప్రీపెయిడ్ యూజర్లకు మాత్రమే అందుబాటులో ఉంటుంది. రోజువారీ డేటా లిమిట్ అయిపోయే ముందు అదనంగా 1GB మొబైల్ డేటాను పొందవచ్చు.

ఈ ఫీచర్ కోసం ప్రీపెయిడ్ బ్యాలెన్స్ నుంచి ఎలాంటి అదనపు పేమెంట్ చేయాల్సిన పనిలేదు. వినియోగదారులు తమ యాక్టివ్ అన్ లిమిటెడ్ రోజువారీ డేటా ప్యాక్ మిగిలిన వ్యాలిడిటీ నుంచి రెండు రోజులు తగ్గించుకోవాలి.

మీ ప్రస్తుత డేటా పూర్తి కాగానే ఇంటర్నెట్ ద్వారా పేమెంట్లు, గూగుల్ మ్యాప్స్, వీడియో కాల్స్‌లో పాల్గొనడం, ముఖ్యమైన మెసేజ్ పంపడం వంటి అత్యవసర కార్యకలాపాల కోసం ఇన్‌స్టంట్ డేటా అవసరమైతే విఐ ఇన్‌స్టాడేటా అసిస్టెంట్‌గా ఉంటుంది. అయినప్పటికీ, ఈ ఫీచర్‌ను ఎనేబుల్ చేసే ముందు కలిగే బెనిఫిట్స్ గురించి తెలుసుకుందాం..

ఇలా చేస్తేనే విఐ ఇన్‌స్టాడేటా :
విఐ ఇన్‌స్టాడేటా తీసుకునే ముందు ఇది తప్పక తెలుసుకోండి. విఐ ఇన్‌స్టాడేటా అర్హత గల ప్రీపెయిడ్ కస్టమర్ల రోజువారీ డేటా అయిపోగానే వారికి అదనంగా 1GB డేటాను అందిస్తుంది. ప్రీపెయిడ్ బ్యాలెన్స్ నుంచి ఎలాంటి తగ్గింపు ఉండదు. వినియోగదారులు యాక్టివ్ అన్‌లిమిటెడ్ రోజువారీ డేటా ప్యాక్‌లో మిగిలిన వ్యాలిడిటీ నుంచి 2 రోజులకు మార్చుకోవచ్చు.

అదనపు 1GB, యాక్టివేట్ అయిన రోజు రాత్రి 11:59 గంటల వరకు మాత్రమే అందుబాటులో ఉంటుంది. ఆ తర్వాత వాడని డేటా గడువు ముగుస్తుంది. ప్రస్తుత ప్రీపెయిడ్ ప్లాన్, ఇతర బెనిఫిట్స్ యధావిధిగా ఉంటాయి. కానీ, ప్రతి యాక్టివేషన్ తర్వాత ప్లాన్ వ్యాలిడిటీ రెండు రోజులు తగ్గుతుంది.

Read Also : Ather EL Electric Scooter : వారెవ్వా.. ఏథర్ ఫస్ట్ EL ఎలక్ట్రిక్ స్కూటర్ వస్తోంది.. ఫీచర్లు మాత్రం కేక.. ధర ఎంత ఉండొచ్చంటే?

వినియోగదారులు విఐ ఇన్‌స్టాడేటాను రోజుకు ఒక్కసారి మాత్రమే వాడగలరు. విడిగా డేటా రీఛార్జ్ చేయకుండా ఇన్‌స్టంట్ ఇంటర్నెట్ యాక్సెస్ అవసరమయ్యే యూజర్ల కోసం ఈ సర్వీసు ఎమర్జెన్సీ డేటా ఎంపికగా పొందవచ్చు.

అర్హతలివే :
వోడాఫోన్ ఐడియా ఇన్‌స్టాడేటా కేవలం ఎంపిక చేసిన ప్రీపెయిడ్ కస్టమర్లకు మాత్రమే అందుబాటులో ఉంటుంది. వినియోగదారులకు కనీసం 5 రోజుల వ్యాలిడిటీ మిగిలిన యాక్టివ్, అర్హతతో అన్‌లిమిటెడ్ రోజువారీ డేటా ప్యాక్ తప్పనిసరిగా ఉండాలి.

ఈ ఆప్షన్ అందుబాటులోకి వచ్చేముందు రోజువారీ డేటా బ్యాలెన్స్ కూడా 10MB కన్నా తక్కువగా ఉండాలి. ఈ ఫీచర్ అన్‌లిమిటెడ్ వాయిస్-ఓన్లీ ప్లాన్‌లు లేదా వోడాఫోన్ ఐడియా నాన్‌స్టాప్ హీరో ప్లాన్‌లపై అందుబాటులో ఉండదు.

అర్హత టెలికాం సర్కిల్, రీఛార్జ్ హిస్టరీ, ప్యాక్ టైప్, ఇతర ఇంటర్నల్ కండిషన్‌పై కూడా ఆధారపడి ఉండొచ్చు. ఫలితంగా, ఒకే రకమైన ప్లాన్‌లలో ఇద్దరు యూజర్లకు ఒకే సమయంలో ఈ ఆప్షన్ ఉండకపోవచ్చు. ఈ సర్వీసు జమ్మూకాశ్మీర్ మినహా భారత్ అంతటా అందుబాటులో ఉంది.

విఐ ఇన్‌స్టాడేటా ఎలా పొందాలి? :
అర్హులైన కస్టమర్‌లు *111# USSD కోడ్ ద్వారా లేదా వోడాఫోన్ ఐడియా ద్వారా ఈ సర్వీసును యాక్టివేట్ చేసుకోవచ్చు. కస్టమర్ అంగీకారంతో మాత్రమే ఈ బెనిఫిట్ యాక్టివేట్ అవుతుంది. ఒకసారి కన్ఫార్మ్ చేశాక ప్రస్తుత ప్యాక్ వ్యాలిడిటీ నుంచి 2 రోజులు తగ్గుతుంది. అర్ధరాత్రి వరకు 1జీబీ ఎమర్జెన్సీ డేటా వెంటనే క్రెడిట్ అవుతుంది.