Samsung Galaxy A14 5G Reportedly Gets a New 4GB + 128GB Variant in India
Samsung Galaxy A14 5G : శాంసంగ్ గెలాక్సీ ఎ14 5జీ ఫోన్ గత ఏడాదిలో భారత మార్కెట్లో లాంచ్ అయింది. ఈ ఫోన్ ఆక్టా-కోర్ ఇంటర్నల్ చిప్‌సెట్‌తో ఆధారితమైనది. 5,000ఎంఎహెచ్ బ్యాటరీని అందిస్తుంది. మూడు ర్యామ్, స్టోరేజ్ కాన్ఫిగరేషన్లలో వస్తుంది. మొత్తం 3 కలర్ ఆప్షన్లలో వస్తుంది. ఈ స్మార్ట్‌ఫోన్ ఆండ్రాయిడ్ 13-ఆధారిత వన్ యూఐ 5తో షిప్ వస్తుంది. 13ఎంపీ ఫ్రంట్ కెమెరాను కలిగి ఉంది. నివేదిక ప్రకారం.. శాంసంగ్ ఇప్పుడు దేశంలో కొత్త హ్యాండ్‌సెట్ 4జీబీ ర్యామ్ + స్టోరేజీ 128జీబీ ఆప్షన్ అందిస్తుంది.
శాంసంగ్ గెలాక్సీ ఎ14 5జీ ఫోన్ ధర ఎంతంటే? :
ది టెక్ ఔట్ లుక్ నివేదిక ప్రకారం.. శాంసంగ్ గెలాక్సీ ఎ14 5జీ ఇప్పుడు భారతీయ మార్కెట్లో 4జీబీ+ 128జీబీ ఆప్షన్లలో అందుబాటులో ఉంది. ఈ హ్యాండ్‌సెట్ ఆఫ్‌లైన్ స్టోర్‌లలో కొనుగోలుకు అందుబాటులో ఉంటుంది. దీని ధర రూ. 15,499 ఉంటుంది. ఈ ఫోన్‌ను త్వరలో ఆన్‌లైన్ స్టోర్‌ల ద్వారా అందించాలని భావిస్తున్నట్లు నివేదిక పేర్కొంది.
మొదట ఫోన్ లాంచ్ అయినప్పుడు.. శాంసంగ్ గెలాక్సీ ఎ14 5జీ భారత మార్కెట్లో బేస్ 4జీబీ + 64జీబీ వేరియంట్ ధర రూ. 16,499, అయితే, 6జీబీ + 128బీబీ, 8జీబీ + 128జీబీ ఆప్షన్లు వరుసగా రూ. 18,999, రూ. 20,999కు అందిస్తుంది. ఈ ఫోన్ బ్లాక్, డార్క్ రెడ్, లైట్ గ్రీన్ కలర్ ఆప్షన్లలో అందిస్తుంది.
Samsung Galaxy A14 5G India
శాంసంగ్ గెలాక్సీ ఎ14 5జీ ఫోన్ 90హెచ్‌జెడ్ రిఫ్రెష్ రేట్‌తో 6.6-అంగుళాల పూర్తి-హెచ్‌డీ+ (1,080 x 2,408 పిక్సెల్‌లు) ఎల్‌సీడీ ప్యానెల్‌ను కలిగి ఉంది. మాలి-జీ68 ఎంపీ2 జీపీయూతో జత చేసిన ఇంటర్నల్ ఎక్సినోస్1330 ఎస్ఓసీ ద్వారా ఆధారితంగా పనిచేస్తుంది. గరిష్టంగా 8జీబీ వరకు ర్యామ్ 128జీబీ వరకు ఆన్‌బోర్డ్ స్టోరేజీని అందిస్తుంది. ఆండ్రాయిడ్ 13-ఆధారిత వన్ యూఐ 5తో పనిచేస్తుంది.
శాంసంగ్ గెలాక్సీ కెమెరా ఫీచర్లు ఇవే :
కెమెరా విభాగంలో శాంసంగ్ గెలాక్సీ ఎ14 5జీలో ట్రిపుల్ రియర్ కెమెరా యూనిట్ అందుబాటులో ఉంది. ఇందులో 50ఎంపీ ప్రైమరీ సెన్సార్, 2ఎంపీ డెప్త్ సెన్సార్, మరో 2ఎంపీ మాక్రో షూటర్ ఉన్నాయి. ముందు కెమెరా డిస్‌ప్లే ఇన్ఫినిటీ-వి నాచ్‌లో ఉంది. 13ఎంపీ సెన్సార్‌ను కలిగి ఉంది.
శాంసంగ్ గెలాక్సీ ఎ14 5జీలో 15 డబ్ల్యూ వైర్డ్ ఫాస్ట్ ఛార్జింగ్ సపోర్ట్‌తో 5,000ఎంఎహెచ్ బ్యాటరీని అందిస్తుంది. ఈ ఫోన్ 5జీ, 4జీ వోఎల్‌టీఈ, వై-ఫై, బ్లూటూత్ వి5.2, జీపీఎస్ యూఎస్‌బీ టైప్-సి కనెక్టివిటీని అందిస్తుంది. 3.5ఎమ్ఎమ్ ఆడియో జాక్‌ను కూడా కలిగి ఉంటుంది. భద్రత విషయానికి వస్తే.. ఈ ఫోన్‌లో సైడ్-మౌంటెడ్ ఫింగర్ ప్రింట్ సెన్సార్‌ను అమర్చారు.
