Samsung Galaxy A56 5G Review
Samsung Galaxy A56 5G Review : కొత్త స్మార్ట్ఫోన్ కొంటున్నారా? ప్రీమియం ఫీచర్లతో కొత్త స్మార్ట్ఫోన్ కోసం చూస్తుంటే ఇది మీకోసమే.. గత మార్చిలో శాంసంగ్ గెలాక్సీ A56 5G స్మార్ట్ఫోన్ రిలీజ్ అయింది. ఈ మిడ్ రేంజ్ స్మార్ట్ఫోన్ మన్నికైన డిజైన్, 120Hz రిఫ్రెష్ రేట్‌తో సూపర్ అమోల్డ్ డిస్‌ప్లే, 6 ఏళ్ల అప్‌డేట్స్, లాంగ్ టైమ్ 5000mAh బ్యాటరీతో వస్తుంది. ఈ స్మార్ట్ఫోన్ అమెజాన్ లిమిటెడ్ డీల్‌లో రూ. 7వేల తగ్గింపుతో కొనుగోలు చేయవచ్చు. శాంసంగ్ గెలాక్సీ A56 5G స్మార్ట్ఫోన్ ఫీచర్లు, ధర వివరాలపై ఓసారి లుక్కేయండి.
శాంసంగ్ గెలాక్సీ A56 5G ధర ఎంతంటే? :
శాంసంగ్ గెలాక్సీ A56 5G స్మార్ట్ఫోన్ 8GB ర్యామ్ ప్లస్ 256GB స్టోరేజ్ వేరియంట్ ధర రూ. 48,999కు లాంచ్ అయింది. కానీ, అమెజాన్ లిమిటెడ్ టైమ్ డీల్‌లో 14శాతం ధర తగ్గింపు తర్వాత ఈ స్మార్ట్‌ఫోన్‌ను కేవలం రూ. 41,999కే కొనుగోలు చేయవచ్చు. తద్వారా రూ. 7వేలు ఆదా చేసుకోవచ్చు. మీరు HDFC బ్యాంక్ క్రెడిట్ కార్డ్‌తో రూ. 3,500 వరకు ఇన్‌స్టంట్ డిస్కౌంట్ పొందవచ్చు.
డిజైన్ :
శాంసంగ్ గెలాక్సీ A56 5జీ స్మార్ట్ఫోన్ 120Hz రిఫ్రెష్ రేట్‌తో 6.7-అంగుళాల ఫుల్ HD+ సూపర్ అమోల్డ్ డిస్‌ప్లే కలిగి ఉంది. 1900 నిట్స్ వరకు టాప్ బ్రైట్‌నెస్ అందిస్తుంది. ఈ ఫోన్ ఫ్రంట్ బ్యాక్ కార్నింగ్ గొరిల్లా గ్లాస్ విక్టస్ ప్లస్ ద్వారా ప్రొటెక్షన్ అందిస్తుంది.
అల్యూమినియం ఫ్రేమ్‌వర్క్ గత వెర్షన్‌తో పోలిస్తే ప్రీమియం ఎక్స్‌పీరియన్స్ కలిగి ఉంది. ఈ ఫోన్ డస్ట్, వాటర్ రెసిస్టెన్స్ కోసం IP67 రేటింగ్‌ కూడా పొందింది. ఈ స్మార్ట్‌ఫోన్‌ను అవ్‌సామ్ గ్రాఫైట్, అవ్‌సామ్ లైట్ గ్రే, అవ్‌సామ్ ఆలివ్, అవ్‌సామ్ పింక్ కలర్ ఆప్షన్లలో కొనుగోలు చేయవచ్చు.
శాంసంగ్ గెలాక్సీ A56 5G స్మార్ట్ఫోన్ బ్యాక్ సైడ్ ట్రిపుల్ కెమెరా సిస్టమ్‌ కలిగి ఉంది. స్టేబుల్ షాట్‌ల కోసం ఆప్టికల్ ఇమేజ్ స్టెబిలైజేషన్‌తో కూడిన 50MP ప్రైమరీ సెన్సార్, 120-డిగ్రీల ఫీల్డ్ ఆఫ్ వ్యూతో 12MP అల్ట్రా-వైడ్ లెన్స్ 5MP మాక్రో లెన్స్ ఉన్నాయి. అయితే, ఫ్రంట్ సైడ్ 4K వీడియోలను రికార్డ్ చేయగల 12MP సెల్ఫీ కెమెరా ఉంది. తక్కువ కాంతిలో క్లియర్ ఫొటోల కోసం ఫోన్ మెరుగైన నైట్ ఫొటోగ్రఫీని కూడా అందిస్తుంది.
డిస్‌ప్లే :
శాంసంగ్ గెలాక్సీ A56 5జీ స్మార్ట్ఫోన్ ఎక్సినోస్ 1580 చిప్‌సెట్‌ కలిగి ఉంది. రోజువారీ పనులకు అద్భుతంగా ఉంటుంది. ఈ శాంసంగ్ ఫోన్ 6GB, 8GB లేదా 12GB LPDDR5 ర్యామ్, 128GB లేదా 256GB UFS 3.1 స్టోరేజ్‌తో లభిస్తుంది. ఈ స్మార్ట్ఫోన్ 6 జనరేషన్ OS అప్‌గ్రేడ్‌లు, 6 ఏళ్ల సెక్యూరిటీ అప్‌డేట్స్ కూడా అందిస్తుంది. బాక్స్ వెలుపల వన్ యూఐ7తో ఆండ్రాయిడ్ 15తో వస్తుంది. ఈ స్మార్ట్‌ఫోన్‌లో సర్కిల్ టు సెర్చ్, ఆబ్జెక్ట్ ఎరేజర్, ఇన్‌స్టంట్ స్లో-మోషన్ బెస్ట్ ఫేస్ గెలాక్సీ ఏఐ ఫీచర్లు కూడా ఉన్నాయి.
బ్యాటరీ :
శాంసంగ్ గెలాక్సీ A56 5G స్మార్ట్ఫోన్ 5000mAh లాంగ్ బ్యాటరీ ప్యాక్‌తో వస్తుంది. ఒక్కసారి ఛార్జ్ చేసిన తర్వాత రోజంతా బ్యాటరీ బ్యాకప్‌ అందిస్తుంది. మీరు 45W ఫాస్ట్ ఛార్జింగ్ సపోర్ట్‌తో ఈ స్మార్ట్ఫోన్ త్వరగా ఛార్జ్ చేయవచ్చు.
