Samsung Galaxy A Series : శాంసంగ్ తీసుకోవాలంటే ఇదే బెస్ట్ టైమ్.. A57, A37పై బంపర్ ఆఫర్.. ఇలాంటి డీల్ మళ్లీ రాదు!

Samsung Galaxy A Series

శాంసంగ్ గెలాక్సీ A57 5జీ, 8GB + 256GB మోడల్ ధర రూ. 56,999
శాంసంగ్ గెలాక్సీ A37 5జీ, 8GB + 128GB మోడల్ ధర రూ. 41,999
బ్యాంకు డిస్కౌంట్లు, నో-కాస్ట్ ఈఎంఐ ఆఫర్లతో మరెన్నో బెనిఫిట్స్

Samsung Galaxy A Series : శాంసంగ్ లవర్స్‌కు గుడ్ న్యూస్.. కొత్త శాంసంగ్ గెలాక్సీ A37 5జీ, శాంసంగ్ గెలాక్సీ A57 5జీ ఫోన్లపై ఫస్ట్ సేల్ మొదలైంది. భారత మార్కెట్లో ఈ రెండు ఫోన్లు ఇటీవలే లాంచ్ అయ్యాయి. లేటెస్ట్ శాంసంగ్ గెలాక్సీ ఎ సీరీస్ లైనప్‌లో గెలాక్సీ A36 5జీ, శాంసంగ్ గెలాక్సీ A56 5జీ ఫోన్ల తర్వాత మార్కెట్లో అందుబాటులో ఉన్నాయి.

కొత్త శాంసంగ్ ఫోన్లలో 120Hz రిఫ్రెష్ రేట్‌తో 6.7-అంగుళాల ఫుల్ HD+ సూపర్ (Samsung Galaxy A Series) అమోల్డ్ ప్లస్ డిస్‌ప్లే ఉన్నాయి. ఎక్సినోస్ చిప్‌సెట్‌ ద్వారా రన్ అవుతాయి. ఈ ఫోన్‌లు వన్ యూఐ 8.5తో పాటు 6 జనరేషన్ ఆండ్రాయిడ్ అప్‌గ్రేడ్‌ ఆప్షన్లు అందిస్తాయి.

శాంసంగ్ గెలాక్సీ A57 5జీ, గెలాక్సీ A37 5జీ ధర ఎంతంటే? :
భారత మార్కెట్లో శాంసంగ్ గెలాక్సీ A57 5జీ ఫోన్ 8GB ర్యామ్, 256GB ఆన్‌బోర్డ్ స్టోరేజ్‌తో బేస్ మోడల్‌ ధర రూ. 56,999 నుంచి ప్రారంభమవుతుంది. 12GB ర్యామ్ వేరియంట్‌లో కూడా లభిస్తోంది. ధర రూ. 62,499కు అందుబాటులో ఉంది. ఈ హ్యాండ్‌సెట్ ఆసమ్ నేవీ, ఆసమ్ ఐసీబ్లూ, ఆసమ్ లైలాక్ కలర్ ఆప్షన్లలో అందుబాటులో ఉంది.

Read Also : Royal Enfield Flying Flea C6 : సూపర్ బైక్ బ్రో.. కొత్త రాయల్ ఎన్‌ఫీల్డ్ ఫస్ట్ ఎలక్ట్రిక్ బైక్.. సింగిల్ ఛార్జ్‌తో 154కి.మీ రేంజ్.. ధర జస్ట్..!

మరోవైపు, శాంసంగ్ గెలాక్సీ A37 5జీ ఫోన్ 8GB+128GB ర్యామ్ స్టోరేజ్ కాన్ఫిగరేషన్ (Samsung Galaxy A Series) ధర రూ. 41,999 నుంచి ప్రారంభమవుతుంది. ఆసక్తిగల యూజర్లు 8GB + 256GB, 12GB + 256GB వేరియంట్లు కూడా వరుసగా రూ. 47,499, రూ. 52,499 ధరకు కొనుగోలు చేయవచ్చు.

ఆసమ్ లావెండర్, ఆసమ్ చార్‌కోల్, ఆసమ్ గ్రేగ్రీన్ షేడ్స్‌లో లాంచ్ అయింది. ఈ రెండు హ్యాండ్‌సెట్‌లు శాంసంగ్ ఇండియా వెబ్‌సైట్, ఇతర ఆన్‌లైన్ ప్లాట్‌ఫారమ్‌లు, శాంసంగ్ ఎక్స్‌క్లూజివ్ స్టోర్‌లలో దేశవ్యాప్తంగా ఉన్న రిటైల్ స్టోర్‌ల ద్వారా కొనేసుకోవచ్చు.

శాంసంగ్ గెలాక్సీ A57 5జీ, గెలాక్సీ A37 5జీ ఆఫర్లు :
శాంసంగ్ రూ. 36,999 నుంచి ప్రారంభమయ్యే ధరలపై రూ. 5వేలు అప్‌గ్రేడ్ బోనస్‌ అందిస్తోంది. ఎంపిక చేసిన బ్యాంక్ యూపీఐ లావాదేవీలపై రూ. 3వేలు క్యాష్‌బ్యాక్ కూడా అందుబాటులో ఉంది. శాంసంగ్ గెలాక్సీ A57, శాంసంగ్ గెలాక్సీ A37 5G పూర్తి ధరను ఒకేసారి చెల్లించకూడదనుకుంటే 24 నెలల నో-కాస్ట్ ఈఎంఐ ఆఫర్‌ పొందవచ్చు.

ఈ టెక్ దిగ్గజం ఈఎంఐ లావాదేవీలను ఎంచుకునే వారికి కూడా రూ. 3వేలు అప్‌గ్రేడ్ బోనస్‌ అందిస్తోంది. శాంసంగ్ గెలాక్సీ A57, శాంసంగ్ గెలాక్సీ A37 5G ఫోన్లు ట్రిపుల్ జీరో స్కీమ్ ద్వారా అందుబాటులో ఉన్నాయి. ఈ స్కీమ్‌లో డౌన్ పేమెంట్ వడ్డీ ఉండవు. శాంసంగ్ (Samsung.com) వెబ్‌సైట్‌లో, శాంసంగ్ స్పెషల్ పార్టనర్ స్టోర్లలో ఇతర ఆన్‌లైన్ ప్లాట్‌ఫారమ్‌లలో లభిస్తాయి.