WhatsApp allows users to update their status using the Web version
WhatsApp Status Update : వాట్సాప్ యూజర్లకు గుడ్ న్యూస్.. వాట్సాప్ ద్వారా లింక్ చేసిన డివైజ్‌ల ద్వారా వెబ్ వెర్షన్ నుంచి స్టేటస్ అప్‌డేట్‌లను పోస్ట్ చేసేందుకు యూజర్లను అనుమతిస్తుంది. వాట్సాప్ అత్యంత ప్రజాదరణ పొందిన మెసేజింగ్ ప్లాట్‌ఫారమ్‌లలో ఒకటి. అయితే, యూజర్లు ఒకరికొకరు కనెక్ట్ అవ్వడానికి యాప్ అనేక సరికొత్త ఫీచర్లను అందిస్తోంది. ఈ ఫీచర్లలో ఒకటి స్టేటస్ అప్‌డేట్‌లను షేర్ చేయడం.. ఈ ఫీచర్ ప్రైమరీ డివైజ్‌లకు మాత్రమే పరిమితం. ఎక్కువ కాలం పాటు లింక్ చేసిన డివైజ్‌లు లేదా వెబ్ వెర్షన్ కాదని గమనించాలి. అయితే, ఇప్పుడు, వినియోగదారులు వాట్సాప్ వెబ్ వెర్షన్‌తో పాటు లింక్ చేసిన డివైజ్‌ని ఉపయోగించి తమ స్టేటస్‌ను షేర్ చేసుకోవచ్చు.
గరిష్టంగా 4 డివైజ్‌ల్లో చాట్ యాక్సస్‌కు అనుమతి :
కొత్త అప్‌డేట్ ప్రకారం.. వాట్సాప్ ఒక కొత్త ఫీచర్‌ను ప్రవేశపెడుతోంది. యూజర్లు లింక్ చేసిన డివైజ్‌ల నుంచి కూడా స్టేటస్ అప్‌డేట్‌లను షేర్ చేయడానికి అనుమతిస్తుంది. ఈ ఫంక్షనాలిటీ, వెబ్ వెర్షన్ లింక్ చేసిన ‘కంపానియన్’ డివైజ్‌లలో అందుబాటులో ఉంటుంది. స్టేటస్ అప్‌డేట్ సజావుగా పోస్ట్ చేసేందుకు యూజర్లను అనుమతిస్తుంది. వాట్సాప్ వెబ్ ఆండ్రాయిడ్ కోసం వాట్సాప్ బీటా వెర్షన్‌లలో రిజిస్టర్ చేసుకున్న వారు ఇప్పటికే వారి రెండో డివైజ్‌లలో ఈ ఫీచర్‌ను పొందవచ్చు. వాట్సాప్ విభాగమైన కంపానియన్ మోడ్ ద్వారా వినియోగదారులు తమ ప్రాథమిక స్మార్ట్‌ఫోన్ ఆఫ్‌లైన్‌లో ఉన్నప్పటికీ, గరిష్టంగా నాలుగు అదనపు డివైజ్‌లలో వారి చాట్‌లను యాక్సెస్ చేసేందుకు అనుమతినిస్తుంది.
లేటెస్ట్ వాట్సాప్ వెబ్ బీటా వెర్షన్ 2.2353.59లో కొత్త సామర్థ్యాన్ని అందిస్తుంది. వాట్సాప్ వెబ్‌ని ఉపయోగించి కొత్త వెర్షన్‌ని విజయవంతంగా టెస్టింగ్ చేసింది. అయితే, ఈ ఫీచర్ వినియోగదారులందరికీ ఎప్పుడు అందుబాటులోకి వస్తుందనే దానిపై అధికారిక టైమ్‌లైన్ లేదు. అదనంగా, ఈ ఫంక్షనాలిటీ చివరికి ఐఓఎస్ కంపానియన్ డివైజ్‌లకు కూడా విస్తరిస్తుందని నివేదిక వెల్లడించింది.
WhatsApp update status Web version
ఈ కొత్త ఫీచర్‌కి యాక్సెస్ ఉన్న యూజర్లు ఇప్పుడు స్టేటస్ సెక్షన్‌లో తమ ప్రొఫైల్ ఫొటో పక్కన ఉన్న గ్రీన్ ఐకాన్‌పై క్లిక్ చేయవచ్చు. ఆ తర్వాత, ఫొటోలు & వీడియోలు లేదా టెక్స్ట్ ద్వారా స్టేటస్ అప్‌డేట్‌లను అప్‌లోడ్ చేసుకోవచ్చు. అందుకోసం డ్రాప్-డౌన్ మెను ఓపెన్ చేయాల్సి ఉంటుంది. మీ కాంటాక్టులు షేర్ చేయాలనుకునే స్టేటస్ ఎంచుకోవాల్సి ఉంటుంది. ఆ తర్వాత (Done) ఆప్షన్ ఎంచుకోండి. స్టేటస్ అప్‌డేట్‌లను షేర్ చేయడం ఇతర డివైజ్‌లకు కూడా విస్తరిస్తుందని (WABetaInfo) వెల్లడించింది.
బీటాలో నేరుగా లింక్ డివైజ్ నుంచే.. :
ఆండ్రాయిడ్ 2.24.1.4 అప్‌డేట్ చేసిన వాట్సాప్ బీటా యూజర్లు తమ లింక్ డివైజ్ నుంచి నేరుగా స్టేటస్ అప్‌డేట్ చేసుకోవచ్చు. ఇలా లింక్ చేసిన డివైజ్‌లు ప్రస్తుతం వినియోగదారులను కాంటాక్ట్‌లతో చాట్ చేసేందుకు వీలు కల్పిస్తాయి. వాట్సాప్ ఈ డివైజ్‌ల్లో యాక్సెస్ చేయగల ఫీచర్లను క్రమంగా విస్తరిస్తోంది. లేటెస్ట్ వాట్సాప్ వాయిస్ మెసేజ్‌ల కోసం వ్యూ వన్స్ అనే కొత్త ఫీచర్‌ను కూడా అందుబాటులోకి తెచ్చింది. ఈ ఫీచర్ యూజర్లు ఒకసారి విన్న తర్వాత అదృశ్యమయ్యే వాయిస్ మెసేజ్‌లను పంపేందుకు అనుమతిస్తుంది. ఈ కొత్త ఫీచర్ 2021లో ఫొటోలు, వీడియోల కోసం ప్రవేశపెట్టిన వ్యూ వన్స్ ఫీచర్‌ను పోలి ఉంటుంది.
