Whatsapp iPhone Chats : ఐఫోన్ యూజర్లకు పండగే.. వాట్సాప్లో చాట్లకు కొత్త లుక్.. యానిమేటెడ్ వాల్పేపర్లు, అదిరే థీమ్లు!
Whatsapp iPhone Chats : ఐఫోన్లో వాట్సాప్ చాట్లను మరింత స్టైలిష్గా మార్చేందుకు కొత్త థీమ్లు, యానిమేటెడ్ వాల్పేపర్లు రానున్నాయి. ఈ ఫీచర్లు ప్రస్తుతం బీటా టెస్టింగ్ లో ఉన్నట్టు తెలుస్తోంది.
- Sreehari A
- Published on- August 13, 2026 / 06:38 PM IST
Whatsapp iPhone Chats
- వాట్సాప్ ఐఫోన్ యూజర్లకు గుడ్ న్యూస్
- ఇక చాట్ బాక్సులో యానిమేటెడ్ వాల్ పేపర్లు
- కొత్త థీమ్స్, చాట్ లుక్ మరింత స్టైలిష్గా మారనుంది
Whatsapp iPhone Chats : ఐఫోన్ వాట్సాప్ యూజర్లకు గుడ్ న్యూస్.. ఇకపై ఐఫోన్ వాట్సాప్లో యానిమేటెడ్ వాల్ పేపర్లు రానున్నాయి. వాట్సాప్లో ఎక్కువగా చాటింగ్ చేసేవారికి అద్భుతంగా ఉంటుంది. ఐఫోన్ యూజర్లకు త్వరలో అదిరిపోయే కస్టమైజేషన్ ఆప్షన్లు అందుబాటులోకి వస్తాయి.
ప్రస్తుతం సాధారణ బ్యాక్గ్రౌండ్లు, లిమిటెడ్ థీమ్లకే పరిమితమైన చాట్ లుక్ను మరింత ఆసక్తికరంగా మార్చేందుకు వాట్సాప్ సరికొత్త ఫీచర్లను టెస్టింగ్ చేస్తోంది. చాట్ లుక్ మారిపోవడంతో పాటు చాట్ సమయంలో బ్యాక్ గ్రౌండ్ థీమ్ యానిమేటెడ్ వాల్ పేపర్లతో కనిపించనుంది.
3 రకాల కొత్త థీమ్లు :
iOS బీటా వెర్షన్ 26.31.10.74లో కొత్త థీమ్ కస్టమైజేషన్పై వాట్సాప్ పనిచేస్తున్నట్లు సమాచారం. ఇందులో (Featured, Doodle, Minimal) అనే 3 సెక్షన్లు ఉండనున్నట్లు తెలుస్తోంది. ప్రతి సెక్షన్లో విభిన్న రంగులు, డిజైన్లు, వాల్పేపర్లు అందించనుంది.
ఎంచుకున్న థీమ్కు సరిపోయేలా మెసేజ్ బబుల్ కలర్లను కూడా వాట్సాప్ ఆటోమేటిక్గా సెట్ చేయనుంది. తద్వారా చాట్ మొత్తం ఒకే స్టైల్లో కనిపిస్తుంది. ఫ్యామిలీ, ఫ్రెండ్స్, ఆఫీసు వర్క్ సంబంధిత చాటింగ్ కోసం వేర్వేరు లుక్లను ఎంచుకునే అవకాశం కూడా ఉండనుంది.
యానిమేటెడ్ వాల్పేపర్లు :
ఇకపై స్టేబుల్ బ్యాక్గ్రౌండ్లతో పనిలేదు.. యానిమేటెడ్ ఎలిమెంట్స్తో వాల్పేపర్లు రాబోతున్నాయి. మీరు చాట్ చేసే సమయంలో బ్యాక్ గ్రౌండ్లో వాల్ పేపర్లు మూవ్ అవుతుంటాయి. తద్వారా చాట్ స్క్రీన్కు మరింత డైనమిక్ లుక్ ఇవ్వనున్నాయి.
అయితే, ఈ కొత్త ఫీచర్లు ప్రస్తుతం డెవలప్, టెస్టింగ్ స్టేజీలోనే ఉన్నాయి. రెగ్యులర్ ఐఫోన్ యూజర్లకు ఎప్పుడు అందుబాటులోకి వస్తాయనే దానిపై క్లారిటీ లేదు. ఆండ్రాయిడ్ యూజర్ల కోసం కూడా కూడా ఇలాంటి థీమ్ కస్టమైజేషన్ ఫీచర్ డెవలప్ చేస్తున్నట్టు సమాచారం.