Xiaomi Phones : బిగ్ అలర్ట్.. ఇకపై ఈ షావోమీ ఫోన్లలో సాఫ్ట్‌వేర్ అప్‌డేట్స్ రావు.. మీ ఫోన్ ఉందేమో చెక్ చేసుకోండి..!
Xiaomi Phones : షావోమీ తన స్మార్ట్‌ఫోన్ మోడల్స్‌కు సాఫ్ట్‌వేర్ అప్‌డేట్స్ నిలిపివేయనుంది. యూజర్లు ఫోన్లకు సెక్యూరిటీ పరమైన రిస్క్ ఉండవచ్చు.
- Published By: 10TV Digital Team ,Published On : June 1, 2025 / 12:37 PM IST
Xiaomi Phones
Xiaomi Phones : షావోమీ ఫోన్ యూజర్లకు అలర్ట్.. ప్రపంచవ్యాప్తంగా Xiaomi, Redmi, POCO ఫోన్లకు సంబంధించి అప్‌డేట్స్ నిలిచిపోనున్నాయి. ఈ మేరకు కంపెనీ ఇటీవలే ఎండ్-ఆఫ్-లైఫ్ స్టేటస్‌లో ఫోన్ల అధికారిక జాబితాను ప్రకటించింది.
ఈ షావోమీ మోడల్ ఫోన్లలో ఇకపై సాఫ్ట్‌వేర్ అప్‌డేట్‌లు అందుకోలేవు. కొత్త ఆండ్రాయిడ్ వెర్షన్ అయినా సరే సెక్యూరిటీ అప్‌డేట్స్ కూడా రావు. ఇంతకీ షావోమీ అప్‌డేట్ నిలిపివేసే ఫోన్లు ఏంటి? ఏయే మోడల్స్ ఉన్నాయి.. ఫుల్ లిస్ట్ ఓసారి లుక్కేయండి.
- Xiaomi Mi 11 Ultra
- Xiaomi Mi 11X Pro
- Xiaomi Mi 11i
- Xiaomi Civi 1S
- Redmi K50 Pro
- Redmi K50
- Redmi K40 Pro+
- Redmi K40 Pro
- Redmi Note 11 Pro
- Redmi 10 (2022)
- POCO F4 GT
షావోమీ ఈ ఫోన్లలో ఆండ్రాయిడ్ అప్‌డేట్స్, హైపర్ఓఎస్ అప్‌డేట్‌లు, సెక్యూరిటీకి సంబంధించి నెలవారీ ప్యాచ్‌లకు కూడా నిలిపివేస్తోంది.
పోకో F4 GT ఫోన్ ఏప్రిల్ 2022లో ఆండ్రాయిడ్ 12తో లాంచ్ అయింది. ఆండ్రాయిడ్ 13, ఆండ్రాయిడ్ 14, హైపర్ఓఎస్ 2.0కి అప్‌గ్రేడ్ అయింది. అయితే, ఇప్పుడు ఎలాంటి కొత్త అప్‌డేట్స్ ఉండవు.
సాధారణంగా షావోమీ ఫ్లాగ్షిప్ రెండు లేదా మూడు ఏళ్ల మధ్య సాఫ్ట్‌వేర్ సపోర్టు అందిస్తుందని గమనించాలి. దాదాపు అన్ని ఆండ్రాయిడ్ బ్రాండ్‌లు సపోర్టు పొందుతాయి.
ముఖ్యంగా మిడ్ రేంజ్ కేటగిరీ ఫోన్లతో పాటు ఫ్లాగ్షిప్ ఫోన్లు ఒకటి లేదా రెండు నెలలు అదనంగా సాఫ్ట్‌వేర్ సపోర్టు పొందవచ్చు.
