Chandrababu Naidu : డిప్యూటీ సీఎం పవన్ కల్యాణ్ ఇంటికి వెళ్లిన సీఎం చంద్రబాబు.. ఏపీలో తాజా పరిణామాలపై చర్చ

CM Chandrababu Naidu visits Pawan Kalyan residence in Hyderabad

Chandrababu Naidu : ఏపీ డిప్యూటీ సీఎం, జనసేన అధినేత పవన్ కల్యాణ్ ఇటీవల ముక్కుకు శస్త్రచికిత్స చేయించుకున్న విషయం తెలిసిందే. దీంతో ఆయన పది రోజలుగా హైదరాబాద్‌లోని తన నివాసంలో విశ్రాంతి తీసుకుంటున్నారు. తాజాగా.. పవన్ కల్యాణ్ ఇంటికి సీఎం చంద్రబాబు నాయుడు వెళ్లారు. సీఎం చంద్రబాబుకు పవన్ కల్యాణ్, ఆయన సతీమణి అనా కొణిదెల స్వాగతం పలికారు. అనంతరం పవన్ ఆరోగ్య పరిస్థితి గురించి చంద్రబాబు అడిగి తెలుసుకున్నారు. ఈ సందర్భంగా ఏపీలో తాజా రాజకీయ పరిస్థితులు, పాలనా పరమైన పలు కీలక నిర్ణయాలపై పవన్‌తో సీఎం చంద్రబాబు చర్చించారు.