Cyclone Aqwan Effect On Telangana: తెలంగాణపై ‘అక్వాన్‌’ తుపాను ఎఫెక్ట్.. మూడు రోజుల పాటు భారీ వర్షాలు.. ఈ జిల్లాలకు ఐఎండీ కీలక హెచ్చరిక!

బంగాళాఖాతంలో బలపడుతున్న ‘అక్వాన్‌(Cyclone Aqwan Effect On Telangana)’ తుపాను ప్రభావంతో మూడు రోజుల పాటు తెలంగాణలో భారీగా వర్షాలు పడే అవకాశం ఉందని వాతావరణ శాఖ హెచ్చరించింది.

Cyclone aqwan effect on telangana heavy rains for three days

Cyclone Aqwan Effect On Telangana: బంగాళాఖాతంలో కేంద్రీకృతమైన తీవ్ర వాయుగుండం ‘అక్వాన్‌’ తుపానుగా బలపడుతుండటంతో తెలంగాణపైనా దీని ప్రభావం గట్టిగా పడనుంది. ఇప్పటికే చలి తీవ్రతతో వణుకుతున్న రాష్ట్ర ప్రజలకు, ఈ తుపాను రూపంలో మరో అకాల వాతావరణ మార్పు ఎదురుకానుంది. ఉత్తర వాయవ్య దిశగా కదులుతున్న ఈ తుపాను ఈ నెల 20వ తేదీన ఆంధ్రప్రదేశ్ తీరాన్ని దాటే సమయంలో గంటకు 120 నుంచి 145 కిలోమీటర్ల వేగంతో ప్రచండ గాలులు వీచే అవకాశం ఉందని, దీని ప్రభావంతో నవంబర్ 20 నుంచి 22 వరకు మూడు రోజుల పాటు తెలంగాణవ్యాప్తంగా విస్తారంగా వర్షాలు కురుస్తాయని భారత వాతావరణ శాఖ (Cyclone Aqwan Effect On Telangana) తాజా బులెటిన్‌లో వెల్లడించింది.

Telangana Inter Board: ఇంటర్ విలీనమైనా సిలబస్ మారదు.. ప్రస్తుత స్టూడెంట్లకు పాత సిలబసే.. తెలంగాణ ఇంటర్ బోర్డు కీలక ప్రకటన!

తూర్పు తెలంగాణ జిల్లాలకు భారీ వర్ష సూచన.. రైతులు అప్రమత్తం:

వాతావరణ శాఖ అంచనాల ప్రకారం నవంబర్ 20న రాష్ట్రంలోని పలు ప్రాంతాల్లో భారీ నుంచి అతి భారీ వర్షాలు, 21న కొన్ని చోట్ల భారీ వర్షాలు కురిసే అవకాశం ఉంది. ముఖ్యంగా తూర్పు తెలంగాణ జిల్లాలైన ఖమ్మం, భద్రాద్రి కొత్తగూడెం, మహబూబాబాద్, సూర్యాపేట, నల్గొండ, ములుగు, జయశంకర్ భూపాలపల్లి, వరంగల్, హన్మకొండ జిల్లాలపై వర్ష ప్రభావం ఎక్కువగా ఉండనుంది. ఆయా జిల్లాల్లో ఉరుములు, మెరుపులు, బలమైన ఈదురుగాలులతో కూడిన వానలు పడే సూచనలు ఉన్నందున ప్రజలు, ధాన్యం కొనుగోలు కేంద్రాల వద్ద ఉన్న రైతులు తగిన జాగ్రత్తలు తీసుకోవాలని అధికారులు సూచించారు.

హైదరాబాద్ నగరంలోనూ మేఘావృత వాతావరణం.. తేలికపాటి నుంచి మోస్తరు జల్లులు:

తుపాను ప్రభావం కారణంగా నవంబర్ 21, 22 తేదీల్లో హైదరాబాద్ నగరంతో పాటు పరిసర జిల్లాల్లోనూ వాతావరణం పూర్తిగా మారిపోనుంది. నగరంలో ఆకాశం మేఘావృతమై ఉండటంతో పాటు ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని ఐఎండీ పేర్కొంది. రాష్ట్రంలోని మిగిలిన జిల్లాల్లోనూ అక్కడక్కడ జల్లులు పడే సూచనలు ఉండటంతో చలి తీవ్రత మరింత పెరిగే అవకాశం ఉంది.