Indian Railways: రైల్వే టికెట్ బుకింగ్స్‌లో కీలక మార్పులు.. దీపావళికి ముందే ప్రయాణికులకు గుడ్‌న్యూస్!

Indian Railways makes key changes to insurance terms

Indian Railways: రైలు ప్రయాణికుల భద్రతకు సంబంధించి ఇండియన్ రైల్వేస్ ఒక కీలకమైన నిర్ణయాన్ని అమల్లోకి తెస్తోంది. సాధారణంగా దీపావళి, పండుగల సమయంలో లక్షలాది మంది ప్రయాణికులు రైళ్లలో రాకపోకలు సాగిస్తుంటారు. ఇప్పటివరకు కేవలం ఐఆర్‌సీటీసీ (Indian Railways) వెబ్‌సైట్ లేదా యాప్ ద్వారా ఆన్‌లైన్‌లో టికెట్ బుక్ చేసుకునేవారికి మాత్రమే లభిస్తున్న ప్రయాణ బీమా సౌకర్యాన్ని, ఇకపై రైల్వే రిజర్వేషన్ కౌంటర్లలో నేరుగా ఆఫ్‌లైన్ టికెట్లు కొనుగోలు చేసే ప్రయాణికులకు కూడా వర్తింపజేయనున్నారు. అక్టోబర్ 27వ తేదీ నుంచి ఈ కొత్త నిబంధన దేశవ్యాప్తంగా అందుబాటులోకి రానుంది.

Telangana Rains: తెలంగాణలో మళ్లీ మారిన వాతావరణం.. రానున్న రెండు రోజులు వర్షాలు.. వాతావరణ శాఖ కీలక సూచనలు!

సుప్రీంకోర్టు సంచలన ఆదేశాలు.. 45 పైసలకే రూ. 10 లక్షల కవరేజీ:

జూన్ 2023లో జరిగిన ఒడిశా ఘోర రైలు ప్రమాదానికి సంబంధించిన విచారణ సందర్భంగా సుప్రీంకోర్టు ఇచ్చిన స్పష్టమైన ఆదేశాల మేరకే రైల్వే శాఖ ఈ నిర్ణయం తీసుకుంది. పేద, సాధారణ ప్రయాణికులు ఎక్కువగా కౌంటర్ టికెట్లపైనే ఆధారపడతారని గుర్తుచేసిన అత్యున్నత నాయస్థానం, అందరికీ బీమా వర్తింపజేయాలని స్పష్టం చేసింది. ఈ పథకం కింద ప్రయాణికులు కేవలం 45 పైసల అత్యల్ప ప్రీమియం చెల్లించి బీమా పొందవచ్చు. రైలు ప్రమాదాల్లో ప్రయాణికుడు దురదృష్టవశాత్తు మరణించినా లేదా శాశ్వత వైకల్యానికి గురైనా రూ. 10 లక్షల వరకు ఆర్థిక పరిహారం అందుతుంది, అలాగే గాయపడిన వారికి కూడా బీమా కవరేజీ లభిస్తుంది.

పాలసీ క్లెయిమ్ విధానం.. ప్రయాణికులు తప్పనిసరిగా చెక్ చేసుకోవాల్సిన అంశాలు:

ఆఫ్‌లైన్ టికెట్ బుకింగ్ సమయంలో టికెట్ ఛార్జీతో పాటు ఈ ప్రీమియం సొమ్మును కూడా కలిపి వసూలు చేస్తారు. టికెట్ బుక్ చేసిన వెంటనే ప్రయాణికుడి మొబైల్ నంబర్ లేదా ఈమెయిల్ ఐడీకి పాలసీకి సంబంధించిన వివరాలు, లింక్ మెసేజ్ రూపంలో అందుతాయి. ఏదైనా ప్రమాదం జరిగిన సమయంలో ఆ వివరాల ఆధారంగానే క్లెయిమ్ చేసుకోవాల్సి ఉంటుంది. కాబట్టి అక్టోబర్ 27 తర్వాత రిజర్వేషన్ కౌంటర్లలో టికెట్ తీసుకునేటప్పుడు మీ మొబైల్ నంబర్‌ను సరిగ్గా నమోదు చేయించడం, టికెట్‌పై బీమా వివరాలు ఉన్నాయో లేదో చెక్ చేసుకోవడం అత్యంత అవసరం.