CM KCR: 13 నుంచి 28 వరకు 54 నియోజక వర్గాల్లో కేసీఆర్ సభలు.. ఏరోజు ఏ నియోజకవర్గంలో పర్యటిస్తారంటే..

రెండో విడత నియోజకవర్గాల వారిగా కేసీఆర్ ఎన్నికల పర్యటన షెడ్యూల్ ఖరారైంది. 13వ తేదీ నుంచి 28వ తేదీ వరకు కేసీఆర్ నియోజకవర్గాల పర్యటన ఉంటుంది. 16 రోజులు 54 నియోజకవర్గాల్లో కేసీఆర్ ప్రజా ఆశీర్వాద సభల్లో పాల్గోనున్నారు.

CM KCR

CM KCR -Telangana Assembly Elections 2023: తెలంగాణ రాష్ట్రంలో ఎన్నికల హీట్ రోజురోజుకు పెరుగుతోంది. ప్రధాన పార్టీల నేతలు, పార్టీల అభ్యర్థుల ప్రచారాలతో పల్లె, పట్టణ ప్రాంతాలు మారుమోగుతున్నాయి. మూడోసారి అధికారమే లక్ష్యంగా బీఆర్ఎస్ అధినేత సీఎం కేసీఆర్ ప్రజల్లోకి వెళ్తున్నారు. జిల్లాల వారిగా ప్రజా ఆశీర్వాద సభలతో సభల్లో పాల్గొంటున్నారు. ప్రస్తుతం రెండో విడత ప్రజా ఆశీర్వాద సభల్లో పాల్గొంటున్న కేసీఆర్.. ఈనెల 13 నుంచి మూడో విడత ఎన్నికల ప్రచార సభల్లో పాల్గొంటారు. ఈ మేరకు రెండో విడత నియోజకవర్గాల వారిగా కేసీఆర్ ఎన్నికల పర్యటన షెడ్యూల్ ఖరారైంది. 13వ తేదీ నుంచి 28వ తేదీ వరకు కేసీఆర్ నియోజకవర్గాల పర్యటన ఉంటుంది. 16 రోజులు 54 నియోజకవర్గాల్లో కేసీఆర్ ప్రజా ఆశీర్వాద సభల్లో పాల్గోనున్నారు. 28న గజ్వేల్ నియోజకవర్గంలో జరిగే ప్రజా ఆశీర్వాద సభతో కేసీఆర్ నియోజకవర్గాల ఎన్నికల ప్రచారం ముగియనుంది.

Also Read : Yashaswini Reddy : పాలకుర్తి కాంగ్రెస్ అభ్యర్థి యశస్విని రెడ్డి పోటీపై అభ్యంతరాలు.. నిబంధనలకు విరుద్ధమని నోటీసులు

ఈరోజు (ఆదివారం) నుంచి 9వ తేదీ వరకు సీఎం కేసీఆర్ 12 నియోజకవర్గాల్లో ప్రజా ఆశీర్వాద సభల్లో పాల్గోనున్నారు. ఈనెల 25న హైదరాబాద్ లో భారీ బహిరంగ సభ నిర్వహణకు బీఆర్ఎస్ ఏర్పాట్లు చేస్తోంది. ఇదిలాఉంటే అక్టోబర్ 15 నుంచి తొలివిడత ప్రచారంలో భాగంగా ప్రారంభమైన కేసీఆర్ పర్యటనలు ఈనెల 3వ తేదీ నాటికి 30 నియోజకవర్గాల్లో పూర్తయ్యాయి. ఈనెల 28న గజ్వేల్ నియోజకవర్గంలో జరిగే ప్రజా ఆశీర్వాద సభతో మొత్తం 96 నియోజకవర్గాల్లో సీఎం కేసీఆర్ ఎన్నికల ప్రచార పూర్తవుతుందని పార్టీ వర్గాలు తెలిపాయి.

Also Read : AP Ministers : చంద్రబాబు రాష్ట్రాన్ని భ్రష్టు పట్టించారు.. అనేక సంక్షేమ కార్యక్రమాలు అమలు చేస్తున్న జగన్ : ఏపీ మంత్రులు

సీఎం కేసీఆర్‌ రెండో విడత ప్రచార షెడ్యూల్‌ ఇదే..
– 13న అశ్వారావుపేట, బూర్గంపాడు (భద్రాచలం, పినపాక నియోజకవర్గాలకు కలిపి), నర్సంపేట.
– 14న పాలకుర్తి, హాలియా (నాగార్జున సాగర్ నియోజకవర్గం), ఇబ్రహీంపట్నం.
– 15న బోధన్, నిజామాబాద్ అర్బన్, ఎల్లారెడ్డి, మెదక్.
– 16న అదిలాబాద్, బోథ్, నిజామాబాద్ రూరల్, నర్సాపూర్.
– 17న కరీంనగర్, చొప్పదండి, హుజూరాబాద్, పరకాల.
– 18న చేర్యాల (జనగామ).
– 19న అలంపూర్, కొల్లాపూర్, నాగర్ కర్నూల్, కల్వకుర్తి.
– 20న మానకొండూర్, స్టేషన్ ఘన్ పూర్, నకిరేకల్, నల్గొండ.
– 21న మధిర, వైరా, డోర్నకల్, సూర్యాపేట.
– 22న తాండూరు, కొడంగల్, మహబూబ్ నగర్, పరిగి.
– 23న మహేశ్వరం, వికారాబాద్, జహీరాబాద్, పటాన్ చెరు.
– 24న మంచిర్యాల, రామగుండం, ములుగు, భూపాలపల్లి.
– 25న హైదరాబాద్ (భారీ బహిరంగ సభ)
– 26న ఖానాపూర్, జగిత్యాల, వేములవాడ, దుబ్బాక.
– 27న షాద్ నగర్, చేవెళ్ల, అందోల్, సంగారెడ్డి.
– 28న వరంగల్ తూర్పు, వరంగల్ పశ్చిమ కలిపి ఒకచోట, గజ్వేల్.