CM Revanth Reddy: సీఎం రేవంత్ రెడ్డికి అరుదైన గౌరవం.. ‘బెస్ట్ పబ్లిక్ సర్వెంట్’ అవార్డు ప్రదానం

Telangana cm revanth reddy receives best public servant aryadan muhammed award in kerala

CM Revanth Reddy: తెలంగాణ ముఖ్యమంత్రి ఎ. రేవంత్ రెడ్డికి కేరళ వేదికగా అరుదైన గౌరవం దక్కింది. కేరళలోని నిలంబూర్‌లో నిర్వహించిన ప్రత్యేక కార్యక్రమంలో అత్యంత ప్రతిష్టాత్మకమైన ‘ఆర్యదాన్ ముహమ్మద్ – 2026’ బెస్ట్ పబ్లిక్ సర్వెంట్ అవార్డును ఆయన ఘనంగా అందుకున్నారు. కేరళ కాంగ్రెస్ దిగ్గజ నేత, దివంగత ఆర్యదాన్ ముహమ్మద్ స్మారకార్థం ‘ఆర్యదాన్ ముహమ్మద్ ఫౌండేషన్’ ఏర్పాటు చేసిన ఈ పురస్కారాన్ని ఏఐసీసీ ముఖ్య నేతలు, ఫౌండేషన్ ప్రతినిధులు సీఎం రేవంత్‌కు అందజేశారు. ఈ సందర్భంగా రూ. లక్ష నగదు బహుమతితో పాటు ప్రత్యేక ప్రశంసాపత్రం, జ్ఞాపికను బహూకరించి ఆయనను సత్కరించారు.

Kanakadurga Free Darshan: విజయవాడ దుర్గమ్మ భక్తులకు బిగ్ గుడ్ న్యూస్.. దసరాకు ఉచిత దర్శనాలు.. ఆ విధానం పూర్తిగా రద్దు!

పాలనా దూరదృష్టికి దక్కిన గుర్తింపు – జ్యూరీ సభ్యుల ప్రశంసలు:

తెలంగాణ రాష్ట్రంలో రైతులు, వెనుకబడిన వర్గాలు, సామాన్య ప్రజల సంక్షేమం కోసం ముఖ్యమంత్రి రేవంత్ రెడ్డి(CM Revanth Reddy) చేపట్టిన వినూత్న పథకాలు, ఆయన కనబరుస్తున్న ప్రజానుకూల పాలనా వైఖరికి గుర్తింపుగా ఈ అవార్డును ఖరారు చేశారు. సీఎం రేవంత్ రెడ్డి కనబరుస్తున్న సమర్థవంతమైన నాయకత్వాన్ని, ప్రజాస్వామిక విలువల పట్ల ఉన్న నిబద్ధతను జ్యూరీ సభ్యులైన ఎంపీ బెన్నీ బెహనన్, కేరళ మంత్రి ఎ.పి. అనిల్‌కుమార్, ప్రముఖ మేధావి కల్పేట్టా నారాయణన్ ప్రత్యేకంగా కొనియాడారు.

కేరళలో ఘనంగా నిర్వహించిన వేడుక – దిగ్గజ నేతల హాజరు:

దివంగత ఆర్యదాన్ ముహమ్మద్ నాలుగో వర్ధంతిని పురస్కరించుకుని నిర్వహించిన ఈ అవార్డు ప్రదానోత్సవంలో ఏఐసీసీ ప్రధాన కార్యదర్శి కె.సి. వేణుగోపాల్ ముఖ్య అతిథిగా పాల్గొని స్మారక ఉపన్యాసం చేశారు. కేరళ రాజకీయాల్లో ఎనిమిది సార్లు ఎమ్మెల్యేగా, నాలుగు సార్లు మంత్రిగా సేవలందించి ప్రజల గుండెల్లో నిలిచిన ఆర్యదాన్ ముహమ్మద్ పేరిట నెలకొల్పిన తొలి ప్రతిష్టాత్మక పురస్కారాన్ని తెలంగాణ ముఖ్యమంత్రి స్వీకరించడం పట్ల పలువురు రాజకీయ ప్రముఖులు హర్షం వ్యక్తం చేశారు.