TG Police Recruitment: తెలంగాణ పోలీస్ అభ్యర్థులకు శుభవార్త.. వయోపరిమితి మరో 3 ఏళ్లు పెంపు.. కీలక ఉత్తర్వులు జారీ!

Telangana Police Constable age limit increased by five years

• వయోపరిమితి మరో మూడేళ్లు పెంపు
• మొత్తం పదేళ్ల సడలింపు లభించింది
• సెప్టెంబర్ 16 వరకు గడువు

TG Police Recruitment: తెలంగాణలోని నిరుద్యోగ యువతకు రాష్ట్ర ప్రభుత్వం, తెలంగాణ రాష్ట్ర స్థాయి పోలీస్ రిక్రూట్‌మెంట్(TG Police Recruitment) బోర్డ్ శుభవార్త అందించాయి. పోలీస్, ఫైర్, జైళ్లు, స్పెషల్ ప్రొటెక్షన్ ఫోర్స్ విభాగాల్లోని కానిస్టేబుల్ పోస్టులకు గరిష్ట వయోపరిమితిని మరో 3 సంవత్సరాలు పెంచుతూ కీలక నిర్ణయం తీసుకున్నాయి. గతంలో ఇచ్చిన 7 ఏళ్ల సడలింపుకు అదనంగా ఈ పెంపును కలపడంతో, అభ్యర్థులకు మొత్తంగా 10 సంవత్సరాల వయోసడలింపు లభించినట్లయింది.

Bombay High Court: జైలులో 21 కిలోల బరువు తగ్గిన ఖైదీ.. బొంబాయి హైకోర్టు సంచలన తీర్పు

37 ఏళ్లకు పెరిగిన పరిమితి.. దరఖాస్తు గడువు సెప్టెంబర్ 16 వరకు పొడిగింపు:

ప్రభుత్వ తాజా నిర్ణయంతో ఓపెన్ కేటగిరీ అభ్యర్థుల గరిష్ట వయోపరిమితి 32 ఏళ్లకు, ఎస్సీ, ఎస్టీ, బీసీ అభ్యర్థుల వయోపరిమితి 37 ఏళ్లకు చేరింది. ఎస్సై, కానిస్టేబుల్ పోస్టుల మధ్య వయోపరిమితి వ్యత్యాసాన్ని సరిచేయాలన్న అభ్యర్థుల విజ్ఞప్తుల మేరకు ప్రభుత్వం ఈ ఉపశమనం కలిగించింది. అంతేకాకుండా, అభ్యర్థుల సౌకర్యార్థం ఆన్‌లైన్ దరఖాస్తుల ముగింపు గడువును సెప్టెంబర్ 16వ తేదీ సాయంత్రం 5 గంటల వరకు TSLPRB పొడిగించింది.

వేలాది మందికి కొత్త అవకాశం.. వెంటనే దరఖాస్తు చేసుకోవాలని అధికారుల సూచన:

వయోపరిమితి పెంపు, గడువు పొడిగింపుతో రాష్ట్రవ్యాప్తంగా కొత్తగా వేలాది మంది నిరుద్యోగ యువతకు పోలీస్ కొలువు సాధించే అవకాశం లభించింది. దరఖాస్తు సమయంలో సాంకేతిక ఇబ్బందులు రాకుండా ఉండేందుకు ముగింపు తేదీ కంటే ముందే ప్రక్రయ పూర్తి చేయాలని అధికారులు కోరారు. అర్హులైన అభ్యర్థులు పెంచిన నిబంధనలను పరిశీలించి అధికారిక వెబ్‌సైట్ ద్వారా సెప్టెంబర్ 16లోగా తమ దరఖాస్తులను సమర్పించాలని సూచించారు.