woman teaching puppies to pray before a meal : ఈ భూమ్మీద మనుషులను పుట్టించిన దేవుడు సకల జీవరాశుల్ని కూడా పుట్టించాడు. అనా అన్ని జీవరాశులతో పాటు అన్ని వనరుల్ని ఇచ్చాడు. సృష్టి, స్థితి, లయ కారుకులైన భగవంతుడు జీవకోటిని ఎన్నో ఇచ్చిన దేవుడిని భోజనానికి ముందు తలచుకోవాలని..ప్రార్థించుకోవాలని పెద్దలు చెబుతుంటారు. కానీ మనం అది పాటిస్తున్నామా? అంటే కాస్త ఆలోచిస్తాం.
కానీ అలా మనకు ఆహారాన్ని పెట్టే భగవంతుడిని ప్రార్థించుకోవాలని ఓ మహిళ తన కుక్కలకు చక్కగా నేర్పుతోంది. ఆ కుక్కలు కూడా చాలా శ్రద్ధగా..భక్తిగా ఆమె చెప్పినట్లే వింటూ కళ్ల ముందు ప్లేటుల్లో ఆహారం ఉన్నా సరే ఏమాత్రం తినటానికి యత్నించకుండా చక్కగా తమ యజమానురాలు చెప్పినట్లే చేశాయి. పైగా యజమాని శ్లోకం చదువుతుంటే ఎంతో శ్రద్ధగా విన్నాయి. ఆమె శ్లోకం పాడటం పూర్తి అయ్యాక తినమని చెప్పాకనే అవి ఆహారాన్ని తిన్నాయి. దీనికి సంబంధించిన వీడియో ఒకటి సోషల్ మీడియాలో వైరల్ గా మారింది.
ఈ వీడియోలో ఓ మహిళ తన రెండు కుక్కలను చెరో పక్కన పెట్టుకుని వాటికి తినటానికి ఆహారం ప్లేట్లను వాటి ముందే పెట్టింది. ఆ తరువాత చక్కగా ఆమె ప్రార్థన మొదలు పెట్టింది. అలా ఆమె పాట పాడుతుంటూ ఆ కుక్కలు రెండూ ఆకలి వేస్తున్నాగానీ..అలా ప్రార్థన పూర్తి అయ్యేంత వరకూ తినటానికి యత్నించలేదు. ప్రార్థన పూర్తి అయ్యాక ఆమె తినమని చేతులతో చెప్పిన తరువాతనే అవి గబగబా వచ్చి తిన్నాయి. ఈ వీడియోను ఆమె స్నేహితురాలు వైశాలి మాధుర్ తన ట్విట్టర్ లో షేర్ చేశారు.
Sharing this heart-warming video of my friend teaching her pups to say their prayers before food. Me thinks both are good boys. ?@dog_rates pic.twitter.com/z5ANJDVwVn
— Vaishali Mathur (@mathur_vaishali) May 1, 2021
