Cyclone Aquan: బంగాళాఖాతంలో మరో తీవ్ర అల్పపీడనం.. ఏపీకి మళ్లీ తుఫాను ముప్పు? ‘అక్వాన్’ పేరుతో అలర్ట్ జారీ చేసిన ఐఎమ్‌డీ!

Bay of bengal new low pressure may turn into cyclone aqua imd alert ap

Cyclone Aquan: బంగాళాఖాతంలో వరుసగా ఏర్పడుతున్న తుఫానుల సిరీస్‌లో మరో తీవ్ర తుఫాన్ రూపుదిద్దుకునే సూచనలు కనిపిస్తున్నాయని భారత వాతావరణ శాఖ (ఐఎమ్‌డీ) హెచ్చరించింది. అక్టోబర్ చివరి వారంలో ఏపీని తాకిన ‘అర్నాబ్’, నవంబర్ ప్రారంభంలో ప్రభావం చూపిన ‘మురసు’ తుఫానుల తర్వాత ఇప్పుడు తాజాగా ‘అక్వాన్(Cyclone Aquan)’ పేరుతో మూడో తుఫాన్ ఏర్పడే సంకేతాలు ఉన్నట్లు వెల్లడించింది. నవంబర్ 13వ తేదీ నాటికి దక్షిణ అండమాన్ సముద్రం, ఆగ్నేయ బంగాళాఖాతంలో నూతన అల్పపీడనం ఏర్పడుతుందని, అయితే ఇది పూర్తిస్థాయి తుఫానుగా మారుతుందా లేదా అనే అంశంపై నవంబర్ 15 నాటికి స్పష్టత వస్తుందని అధికారులు తెలిపారు. ఒకవేళ తుఫాను తీవ్రరూపం దాల్చితే ఇరాన్ ప్రతిపాదించిన ‘అక్వాన్’ అనే పేరును ఖరారు చేయనున్నారు.

Hanuman Chalisa In UK Parliament: బ్రిటన్ పార్లమెంట్‌లో ఆధ్యాత్మిక ఘట్టం.. హౌస్ ఆఫ్ లార్డ్స్‌లో తొలిసారిగా హనుమాన్ చాలీసా పఠనం

మూడు మార్గాల్లో తుఫాను గమనం.. నిపుణుల సమగ్ర విశ్లేషణ:

సముద్రంలో ఏర్పడే అల్పపీడనం వాయుగుండంగా మారి తుఫానుగా తీవ్రత సంతరించుకోవడానికి సముద్ర ఉపరితల ఉష్ణోగ్రతలు, వాతావరణ పరిస్థితులు అనుకూలించాల్సి ఉంటుంది. ఈ తుఫాను వ్యవస్థ ముందుకు వెళ్లేందుకు వాతావరణ నిపుణులు మూడు ప్రధాన మార్గాలను అంచనా వేస్తున్నారు. మొదటి అవకాశంగా ఇది మరింత బలంగా మారి తమిళనాడు, దక్షిణ కోస్తాంధ్ర దిశగా పయనించడం; రెండో అవకాశంగా పశ్చిమ బంగాళాఖాతానికి చేరుకున్నాక సముద్రంలోనే దిశను మార్చుకోవడం; మూడో అవకాశంగా బంగాళాఖాతంలోనే బలపడుతున్న సమయంలో మలుపు తిరిగి మయన్మార్ తీరం వైపు పయనించడం జరుగుతుందని వివరించారు.

వరుస తుఫానులతో తీరప్రాంతాల్లో అలర్ట్.. నిఘా పెంచిన అధికారులు:

ఇప్పటికే అక్టోబర్, నవంబర్ మాసాల్లో వరుస తుఫానులు తీరప్రాంతాలపై ప్రభావం చూపడంతో, రాబోయే ఈ నూతన అల్పపీడనంపై ఆంధ్రప్రదేశ్, తమిళనాడు రాష్ట్రాల యంత్రాంగం తీవ్ర నిఘా ఉంచింది. వాతావరణ శాఖ ఇచ్చే సూచనల ఆధారంగా ముందస్తు సహాయక చర్యలను సిద్ధం చేస్తున్నారు. అల్పపీడనం తీవ్రత పెరిగితే మత్స్యకారులు సముద్రంలోకి వేటకు వెళ్లకూడదని వాతావరణ అధికారులు హెచ్చరిస్తున్నారు.