Janasena MPTC Garapati Divya: కౌంటింగ్‌కు ముందే జనసేన అభ్యర్థి గుండెపోటుతో మృతి.. ఫలితాల్లో 352 ఓట్లతో ఘన విజయం.. తూర్పుగోదావరి జిల్లాలో తీవ్ర విషాదం!

Janasena mptc candidate garapati divya wins election after death in east godavari

Janasena MPTC Garapati Divya: తూర్పుగోదావరి జిల్లా పరిషత్‌ ఎన్నికల ఓట్ల లెక్కింపు వేళ అత్యంత తీవ్ర విషాదకర సంఘటన చోటుచేసుకుంది. ఫలితాల కోసం గ్రామస్థులంతా ఉత్కంఠగా ఎదురుచూస్తున్న తరుణంలో, పోటీలో నిలిచిన అభ్యర్థే ఈ లోకాన్ని విడిచివెళ్లడంతో ఆ ప్రాంతంలో విషాద ఛాయలు అలుముకున్నాయి. దేవరపల్లి మండలం ధుమంతునిగూడెం ఎంపీటీసీ (Ap ZPTC-MPTC Elections)స్థానంలో జనసేన పార్టీ తరఫున పోటీ చేసిన గారపాటి దివ్య (28) కౌంటింగ్ ప్రక్రియ ప్రారంభం కావడానికి కొద్దిసేపటి ముందే హఠాత్తుగా గుండెపోటుతో కన్నుమూశారు. తీరా ఓట్లు లెక్కించగా వైకాపా అభ్యర్థిపై ఆమె 352 ఓట్ల స్పష్టమైన మెజారిటీతో ఘన విజయాన్ని అందుకున్నారు.

Read Also – Kadapa ZPTC-MPTC Elections: కడప జిల్లాలో జనసేనకు ఝలక్.. సుబ్బమ్మకు 373 ఓట్ల మెజారిటీ.. ఎంపీటీసీ ఫలితాల్లో భారీ ట్విస్ట్

గెలుపు సంబరాల వేళ మిగిలిన శోకసంద్రం.. సెంటిమెంట్‌గా మారిన విజయం:

సుదీర్ఘ ప్రచారంలో చురుగ్గా పాల్గొని ఓటర్ల మనసు గెలుచుకున్న దివ్య.. తాను సాధించిన విజయాన్ని కళ్లారా చూసుకోకుండానే 28 ఏళ్ల పసి వయసులోనే దివికేగడం స్థానికులను తీవ్రంగా కలచివేస్తోంది. ఊరంతా విజయవంతమైన వేడుకలు జరుపుకోవాల్సిన సమయంలో, విజేతగా నిలిచిన అభ్యర్థి భౌతికంగా లేకపోవడంతో ఆనందం స్థానంలో తీవ్ర సెంటిమెంట్, ఆవేదన కొట్టొచ్చినట్లు కనిపిస్తోంది.

ఐదేళ్లు, 3 నెలల చిన్నారులకు తీరని లోటు.. కన్నీటి పర్యంతమవుతున్న ధుమంతునిగూడెం:

ప్రేమ వివాహం చేసుకున్న దివ్యకు ఐదేళ్లు, కేవలం మూడు నెలల వయసున్న ఇద్దరు చిన్న కుమారులు ఉన్నారు. తల్లి ప్రేమ్‌కు దూరమై ఆ పసిపాపలు అనాథలుగా మారడం కుటుంబ సభ్యులతో పాటు ధుమంతునిగూడెం గ్రామస్థులందరినీ కన్నీటి పర్యంతం చేస్తోంది. గెలిచిన అభ్యర్థి పేరును అధికారులు అధికారికంగా ప్రకటించినప్పటికీ, ఆ విజయాన్ని పంచుకోవడానికి దివ్య లేకపోవడం స్థానికంగా అందరి గుండెలను పిండేస్తోంది.