TDP Candidates Third list : టీడీపీ మూడో జాబితా విడుదలైంది. 11 అసెంబ్లీ, 13 పార్లమెంట్ నియోజకవర్గాలకు అభ్యర్థులను పార్టీ అధిష్టానం శుక్రవారం ప్రకటించింది. బీజేపీ, టీడీపీ, జనసేన పార్టీల పొత్తులో భాగంగా టీడీపీ 144 అసెంబ్లీ, 17 పార్లమెంట్ నియోజకవర్గాల్లో పోటీ చేస్తున్న విషయం తెలిసిందే. దీంతో టీడీపీ అధినేత, మాజీ సీఎం చంద్రబాబు నాయుడు రెండు విడతల్లో 128 అసెంబ్లీ నియోజకవర్గాల్లో అభ్యర్థులను ప్రకటించారు. తాజాగా మరో 11 నియోజకవర్గాలకు అభ్యర్థులను ప్రకటించారు. దీంతో మూడు విడతల్లో 139 నియోజకవర్గాలకు అభ్యర్థులను ప్రకటించినట్లయింది. మరో ఐదు అసెంబ్లీ నియోజకవర్గాలకు అభ్యర్థులను ప్రకటించాల్సి ఉంది. మరోవైపు టీడీపీ పోటీ చేయనున్న 17 పార్లమెంట్ నియోజకవర్గాల్లో తాజాగా 13 నియోజకవర్గాలకు టీడీపీ అధిష్టానం అభ్యర్థులను ప్రకటించింది. మరో నాలుగు నియోజకవర్గాల్లో అభ్యర్థుల పేర్లను ప్రకటించాల్సి ఉంది.
Also Read : Tdp Bjp Seats Issue : గెలిచేవి మీకు, ఓడేవి మాకా? చంద్రబాబుపై బీజేపీ సీనియర్లు సీరియస్