TDP Office Attack Case : మంగళగిరి టీడీపీ కార్యాలయంపై దాడి కేసులో పోలీసులు సంచలన నిర్ణయం..

TDP Office Attack Case

TDP Office Attack Case : వైసీపీ అధికారంలో ఉన్న సమయంలో 2021 అక్టోబర్ 19న మంగళగిరిలోని టీడీపీ కేంద్ర కార్యాలయంపై దాడి జరిగిన విషయం తెలిసిందే. ఈ దాడి కేసుకు సంబంధించి పలువురిపై కేసు నమోదైంది. ఏపీలో కూటమి ప్రభుత్వం అధికారంలోకి వచ్చిన తరువాత పలువురిపై కేసులు నమోదు చేయడంతోపాటు.. ఈ కేసుకు సంబంధించిన విచారణను పోలీసు అధికారులు వేగవంతం చేశారు. అయితే, తాజాగా ఏపీ పోలీసులు ఈ కేసుకు సంబంధించి సంచలన నిర్ణయం తీసుకున్నారు.

Also Read: Fenugreek Rs 50 Fine : మెంతికూర తీసుకొచ్చాడని విద్యార్థికి రూ.50 జరిమానా.. స్కూల్ యాజమాన్యంకు బిగ్ షాకిచ్చిన విద్యాశాఖ

టీడీపీ కేంద్ర కార్యాలయంపై దాడి కేసులో ఉన్న వారందరిపైనా రౌడీషీట్ తెరవాలని నిర్ణయించారు. వైసీపీ ఎమ్మెల్సీ రఘురాం, దేవినేని అవినాశ్ సహా 51మందిపై రౌడీషీట్ తెరవాలని విజయవాడ సీపీ రాజశేఖరబాబు ఆదేశాలు జారీ చేశారు. రెండు రోజుల క్రితం విజయవాడలోని శాప్ కార్యాలయంపై దాడి కేసులో విజయవాడ పరిధిలోని మూడు పోలీస్ స్టేషన్ లలో పలువురిపై కేసులు నమోదయ్యాయి. అయితే, శాప్ కార్యాలయంపై దాడి కేసులోని పలువురు టీడీపీ కేంద్ర కార్యాలయంపై దాడి కేసులో నిందితులుగా ఉండటంతో వీరిపై రౌడీషీట్ తెరవాలని ఆదేశాలు ఇచ్చినట్లు తెలిసింది.