RK Roja
తిరుమల తిరుపతి శ్రీవారి లడ్డూ వివాదంపై మాజీ మంత్రి రోజా స్పందిస్తూ ముఖ్యమంత్రి చంద్రబాబు నాయుడిపై మండిపడ్డారు. జగన్ అధికారంలో ఉన్నప్పుడు మోదీ, సీజేఐలు, చంద్రబాబు సైతం కుటుంబాలతో తిరుపతి వెళ్లారని, మరి లడ్డూ రుచిలో తేడా ఉంటే ఆ రోజే ఫిర్యాదు ఎందుకు చేయలేదని నిలదీశారు.
చంద్రబాబు నాయుడు చేస్తున్న ఆరోపణలు సరికాదని, టీటీడీ ఈవో శ్యామల రావు బాధ్యతలు తీసుకున్న వెంటనే స్వచ్ఛమైన నెయ్యిని వాడుతున్నట్లు తెలిపారని అన్నారని గుర్తుచేశారు. వెజిటబుల్ ఆయిల్ మిక్స్ చేశారని, అందుకే నెయ్యిని వెనక్కు పంపామని జులై 23న ఈవో ప్రకటన చేశారని అన్నారు.
రెండు నెలల తర్వాత సీఎం చంద్రబాబు నాయుడు కొత్త ప్రకటన చేయడం వెనుక ఆంతర్యం ఏంటని నిలదీశారు. టీడీపీ కార్యాలయంలో ప్రెస్ మీట్ పెట్టి నింద వేశారని అన్నారు. మళ్లీ శ్యామలరావుపై ఒత్తిడి తెచ్చి ప్రెస్ మీట్ పెట్టించారని, గత ప్రభుత్వంలో బయటపడిన అంశం కాబట్టి బాధ్యులు ఎవరని నిలదీశారు.
కూటమి ప్రభుత్వం ఏర్పడిన 100 రోజుల్లో ఏపీలో జరిగిన అఘాయిత్యాలను కప్పిపుచ్చుకునేందుకే ఇలాంటి డైవర్షన్ పాలిటిక్స్ చేస్తున్నారని చెప్పారు. ఏపీలో దాడులు పెరిగిపోయాయని, రాజకీయ లబ్ధి కోసం చంద్రబాబు నాయుడు వెంకటేశ్వర స్వామిని కూడా వదలడం లేదని అన్నారు. మాజీ ముఖ్యమంత్రి జగన్మోహన్ రెడ్డి జంతువుల కొవ్వును నెయ్యిలో కలిపించినట్లు చంద్రబాబు అసత్య ప్రచారం చేస్తున్నారని చెప్పారు.
సాక్షాత్తు శ్రీవారిని పావుగా వాడుకుంటూ కుట్ర: భూమన కరుణాకర్‌ రెడ్డి సంచలన కామెంట్స్
