Vande Bharat Sleeper Trains: ఏపీ ప్రజలకు గుడ్ న్యూస్.. అందుబాటులోకి వందే భారత్ స్లీపర్.. టికెట్ ధరలు, టైమింగ్ డీటెయిల్స్ ఇవే!

Vande Bharat sleeper trains become available to Andhra Pradesh people.

Vande Bharat Sleeper Trains: ఆంధ్రప్రదేశ్ మీదుగా ప్రయాణించే రైల్వే ప్రయాణికులకు భారతీయ రైల్వే భారీ తీపి కబురు అందించింది. ప్రసిద్ధ బెంగళూరు-ముంబై మార్గంలో దేశంలోనే అత్యంత ఆధునికమైన సెమీ హైస్పీడ్ వందే భారత్ స్లీపర్(Vande Bharat Sleeper Trains) రైలును త్వరలోనే ప్రారంభించేందుకు రంగం సిద్ధమైంది. దక్షిణాదిలో తొలి వందే భారత్ స్లీపర్‌గా రూపుదిద్దుకుంటున్న ఈ రైలు సర్వీసు వల్ల ఆంధ్రప్రదేశ్ ప్రజలకు సైతం వేగవంతమైన, సౌకర్యవంతమైన రవాణా సదుపాయం అందుబాటులోకి రానుంది.

Harish Rao: ప్రభుత్వం నిద్రమత్తులో ఉందా? 25 శాతం పెరిగిన నిత్యావసరాల ధరలు.. హరీష్ రావు తీవ్ర ఆగ్రహం

ప్రయాణ సమయం ఆరు గంటలు ఆదా:

ప్రస్తుతం బెంగళూరు నుండి ముంబై మధ్య దాదాపు 1,137 కిలోమీటర్ల దూరం ప్రయాణించడానికి సాధారణ రైళ్లలో 22 నుండి 24 గంటల సమయం పడుతోంది. అయితే ఈ కొత్త వందే భారత్ స్లీపర్ ట్రైన్ అందుబాటులోకి వస్తే కేవలం 15 నుంచి 16 గంటల్లోనే గమ్యస్థానానికి చేరుకోవచ్చు. ఏపీలోని అనంతపురం, గుంతకల్ రైల్వే స్టేషన్లలో ఈ రైలుకు స్టాప్‌లు కేటాయించారు. ఇది రాయలసీమ ప్రాంత ప్రజలకు ఎంతో ప్రయోజనకరంగా మారనుంది.

అత్యాధునిక కోచ్‌లు, వసతులు:

ఈ రైలు సర్వమ్ విశ్వేశ్వరయ్య టెర్మినల్ నుంచి రాత్రి 7:50 గంటలకు బయలుదేరి మరుసటి రోజు ఉదయం 11:55 గంటలకు ముంబై చేరుకుంటుంది. బిఈఎంఎల్, ఐసిఎఫ్ సంయుక్తంగా తయారుచేసిన ఈ 16 కోచ్‌ల రైలులో 11 థర్డ్ ఏసీ, 4 సెకండ్ ఏసీ కోచ్‌లు ఉన్నాయి. టికెట్ ధరలోనే ప్రయాణికులకు అల్పాహారం, భోజన వసతి కల్పించనున్నారు.