Bank Holiday 2025
Bank Holiday 2025 : అసలే పండగ సీజన్.. అందులోనూ అక్టోబర్ నెలలో దసరా నుంచి రాబోయే దీపావళి వరకు అన్ని సెలవులే ఉన్నాయి. అక్టోబర్ నెల దసరా సెలవులతో ప్రారంభమైంది. పండుగల సీజన్ కావడంతో వచ్చే వారం దేశవ్యాప్తంగా బ్యాంకులు చాలా రోజులు మూతపడనున్నాయి.
రిజర్వ్ బ్యాంక్ ఆఫ్ ఇండియా (RBI) నిబంధనలు, ప్రాంతీయ పండుగల కారణంగా అక్టోబర్ 13 నుంచి అక్టోబర్ 19, 2025 మధ్య అనేక రాష్ట్రాల్లో బ్యాంకులు పనిచేయవు. వాస్తవానికి, అక్టోబర్ నెల నవరాత్రి, దుర్గా పూజ, కర్వా చౌత్, దీపావళి వంటి ప్రధాన పండుగల సమయంలో బ్యాంకులకు సెలవు ఉంటుంది.
ఇప్పుడు అక్టోబర్ 13 (సోమవారం) కూడా దేశవ్యాప్తంగా అన్ని ప్రభుత్వ, ప్రైవేట్ రంగ బ్యాంకులు మూతపడతాయా? లేదా అనేది చాలామందికి సందేహం ఉంటుంది. ముఖ్యంగా బ్యాంకు పనిమీద వెళ్లేవారు తప్పక తెలుసుకోవాల్సిన విషయం. వాస్తవానికి, సోమవారం దేశవ్యాప్తంగా అహోయ్ వ్రత పండుగ. అహోయ్ అష్టమి కారణంగా అక్టోబర్ 13 సోమవారం బ్యాంకులు మూసివేయబడతాయా? లేదో ఇప్పుడు వివరంగా తెలుసుకుందాం..
అక్టోబర్ 13న అహోయ్ వ్రతం.. నో హాలిడే :
అహోయ్ వ్రతం అక్టోబర్ 13 (సోమవారం) రోజున జరుగుతుంది. అహోయ్ అష్టమి రోజున బ్యాంకులు పనిచేస్తాయి. అధికారికంగా ఆర్బీఐ సోమవారం సెలవు ప్రకటించలేదు. రిజర్వ్ బ్యాంక్ ఆఫ్ ఇండియా (RBI) హాలీడే క్యాలెండర్ ప్రకారం.. అక్టోబర్ 13, 2025 బ్యాంకులకు సెలవు ఉండదు. ఇతర రాష్టాలతో పాటు తెలుగు రాష్ట్రాలైన ఆంధ్రప్రదేశ్, తెలంగాణలో కూడా సోమవారం బ్యాంకులు తెరిచే ఉంటాయి.
దేశవ్యాప్తంగా అన్ని ప్రభుత్వ, ప్రైవేట్ రంగ బ్యాంకులు తెరిచే ఉంటాయి. ఎలాంటి ఆందోళన చెందకుండా ఏదైనా బ్యాంకింగ్ పనిని చూసుకోవచ్చు. హిందూ మతంలో తల్లులు తమ పిల్లల దీర్ఘాయుష్షు కోసం అహోయ్ అష్టమి ఉపవాసం పాటిస్తారు. ఈ ఉపవాసం కార్తీక మాసంలోని కృష్ణ పక్ష, అష్టమి తిథి (8వ రోజు) రోజున పాటిస్తారు.
రాష్ట్రాల వారీగా బ్యాంకుల సెలవుల పూర్తి జాబితా ఇదిగో :
బ్యాంకు సెలవు దినాల్లో కూడా ఏటీఎం సర్వీసులు 24/7 పనిచేస్తాయి. బ్యాంకు సెలవు దినాల్లో ఏదైనా ఆన్‌లైన్ లావాదేవీలకు NEFT, IMPS, RTGS వంటి ఆన్‌లైన్ బ్యాంకింగ్ సేవలు అందుబాటులో ఉంటాయి.
