Bank Holiday Holi 2026 : హోలీ రోజున బ్యాంకులో పని ఉందా..? మార్చి 4న బ్యాంకులకు సెలవులు, మీ ప్రాంతంలో చెక్ చేయండి!

Bank Holiday on Holi 2026

• మార్చి 3, 4 తేదీల్లో హోలీ పండగ జరుపుకుంటారు
• ఆర్బీఐ రాష్ట్రాల వారీగా సెలవుల జాబితాను ప్రకటించింది
• ఈ రాష్ట్రాల్లో మార్చి 4వ బ్యాంకులు మూతపడతాయి

Bank Holiday on Holi 2026 : మీకు హోలీ పండగ రోజున బ్యాంకులో పని ఉందా? అయితే ఈ వార్త మీకోసమే. మార్చి 4న (బుధవారం) దేశవ్యాప్తంగా హోలీ పండుగ జరుపుకుంటారు. దేశంలోని అనేక రాష్ట్రాల్లో మార్చి 3న కూడా హోలీ జరుపుకుంటారు. అలాగే, హోలీ రోజున మంగళవారం, స్టాక్ మార్కెట్ మూతపడింది.

మార్చి 4న స్టాక్ మార్కెట్‌లో ట్రేడింగ్ ఉంటుంది. కానీ, చాలామందికి హోలీ రెండో రోజున బ్యాంకులు తెరిచి ఉంటాయా లేదా మూతపడతాయా? తెలియకపోవచ్చు. ఆర్బీఐ హాలిడే లిస్టు ప్రకారం మార్చిలో హోలీ సందర్భంగా దేశంలోని అనేక ప్రాంతాల్లో బ్యాంకులు వేర్వేరు రోజులలో మూతపడతాయి. ఏయే తేదీల్లో బ్యాంకులకు సెలవులు ఉన్నాయో వివరంగా తెలుసుకుందాం.

ఆర్బీఐ బ్యాంకు సెలవులు ఇవే :
ఆర్బీఐ రాష్ట్ర సెలవుల షెడ్యూల్ ప్రకారం.. మార్చి 3, 4 తేదీలు వివిధ రాష్ట్రాల్లో బ్యాంకులకు సెలవులు. ఈ ఏడాదిలో హోలీ తేదీ విషయంలో కొంత గందరగోళం నెలకొంది. ఎందుకంటే కొన్ని రాష్ట్రాలు మార్చి 3న పండుగను జరుపుకుంటాయి. మరికొన్ని రాష్ట్రాలు మార్చి 4న హోలీని జరుపుకుంటాయి. అందుకే వివిధ రాష్ట్రాల్లో రెండు రోజులూ హోలీ రోజున బ్యాంకులు పనిచేయవు.

ఈ రాష్ట్రాల్లో మార్చి 3న బ్యాంకులు మూసివేత :
మార్చి 3, మంగళవారం రోజున 16 నగరాలు, ప్రాంతాలలో బ్యాంకులు మూతపడతాయి. ఇందులో బేలాపూర్, భోపాల్, డెహ్రాడూన్, గౌహతి, హైదరాబాద్, జైపూర్, కాన్పూర్, కోల్‌కతా, లక్నో, ముంబై, నాగ్‌పూర్, పనాజీ, పాట్నా, రాంచీ, తిరువనంతపురం, విజయవాడ ఉన్నాయి.

Read Also : Apple iPhone 17e : అత్యంత చౌకైన ఆపిల్ ఐఫోన్ 17e వచ్చేసిందోచ్, ఫీచర్లు చూస్తే ఫిదానే, ధర మీ బడ్జెట్‌లోనే!

మార్చి 4న ఈ రాష్ట్రాల్లో బ్యాంకులు పనిచేయవు :

మార్చి 4వ తేదీ బుధవారం రోజున 18 ప్రాంతాలు బ్యాంకులకు సెలవు దినంగా ప్రకటించాయి. ఇందులో అగర్తల, అహ్మదాబాద్, ఐజ్వాల్, భువనేశ్వర్, చండీగఢ్, డెహ్రాడూన్, గ్యాంగ్‌టక్, ఇంఫాల్, ఇటానగర్, జమ్మూ, కాన్పూర్, లక్నో, న్యూఢిల్లీ, పాట్నా, రాయ్‌పూర్, రాంచీ, షిల్లాంగ్, సిమ్లా ఉన్నాయి.

ఈ ఏడాదిలో హోలిక దహన్ మార్చి 3న జరుగుతుంది. శుభ సమయం సాయంత్రం 6:22 నుంచి రాత్రి 8:50 వరకు ఉంటుంది. రంగుల హోలీ మరుసటి రోజు, మార్చి 4న జరుపుకుంటారు. ప్రతి సంవత్సరం హిందూ క్యాలెండర్ ప్రకారం హోలీ తేదీని నిర్ణయిస్తారు. హోలీ పండగ తేదీలు ఒక ప్రాంతం నుంచి మరో ప్రాంతానికి కొద్దిగా మారుతుంటాయి.

హోలీ రెండో రోజును వివిధ రాష్ట్రాల్లో వేర్వేరు పేర్లతో జరుపుకుంటారు. ఉత్తర భారత్‌లో ధూలందీ అని పిలుస్తారు. ఇక్కడ ప్రజలు ఒకరికొకరు రంగులు పూసుకుని జరుపుకుంటారు. మణిపూర్‌లో, యావోసాంగ్ రెండో రోజుగా పిలుస్తారు. ఈ రోజున పిల్లలు, యువత రంగులతో ఆడుకుంటారు. సాంస్కృతిక కార్యక్రమాలు జరుగుతాయి.

సాధారణంగా బ్యాంకులు నేషనల్, లోకల్ హాలిడే రోజుల్లో అలాగే ప్రతి నెల రెండో, నాల్గవ శనివారాలలో అన్ని ఆదివారాలలో మూతపడతాయి. అయితే, బ్యాంకు శాఖలు పనిచేయనప్పటికీ డిజిటల్ బ్యాంకింగ్ సర్వీసులు అందుబాటులో ఉంటాయి. వినియోగదారులు నెట్ బ్యాంకింగ్, మొబైల్ బ్యాంకింగ్, UPI ద్వారా డబ్బును ట్రాన్స్ ఫర్ చేయవచ్చు. ఏటీఎంల నుంచి క్యాష్ విత్‌డ్రా చేసుకోవచ్చు.

ఆంధ్రప్రదేశ్ :
మార్చి 3 : హోలీ (రెండవ రోజు)
మార్చి 19 : ఉగాది / తెలుగు నూతన సంవత్సరం
మార్చి 20 : ఈద్ అల్-ఫితర్ (జుమాత్ అల్-విదా)
మార్చి 27 : శ్రీరామ నవమి

తెలంగాణ :
మార్చి 3 : హోలీ
మార్చి 19 : ఉగాది
మార్చి 27 : శ్రీరామ నవమి

ఒడిశా
మార్చి 4 – హోలీ
మార్చి 21 – రంజాన్ ఈద్
మార్చి 27 – శ్రీరామ నవమి

మణిపూర్
మార్చి 4 : హోలీ / యావోసాంగ్
మార్చి 19 : సాజిబు నోంగ్‌పాన్‌బా
మార్చి 21 : రంజాన్ ఈద్