Gold and Silver Rates
Gold and Silver Rates : దేశంలో బంగారం, వెండి ధరలు ఆకాశమే హద్దుగా దూసుకెళ్తున్నాయి. వెండి ఆల్‌టైం రికార్డులను నమోదు చేయగా.. బంగారం ధరకూడా సరికొత్త రికార్డులను నమోదు చేస్తోంది.
బలహీనపడుతున్న రూపాయి కారణంగా దేశంలో బంగారం, వెండి ధరలు పెరుగుదలకు కారణమవుతున్నాయి. దీనికితోడు ప్రధాన ఆర్థిక వ్యవస్థల్లో ద్రవ్య సడలింపు.. దేశాల మధ్య రాజకీయ ఉద్రిక్తతల నేపథ్యంలో విలువైన బంగారంపై ఇన్వెస్టర్లు పెట్టుబడులు పెడుతున్నారు. ఈ క్రమంలో గోల్డ్ రేటు అమాంతం పెరుగుతోంది. వెండి ధరసైతం భారీగా పెరుగుతోంది.
సోమవారం ఉదయం నమోదైన వివరాల ప్రకారం.. 10గ్రాముల 24క్యారట్ల బంగారంపై 920 పెరగ్గా.. 22 క్యారట్ల బంగారంపై రూ. 850 పెరుగుదల చోటు చేసుకుంది. అంతర్జాతీయ మార్కెట్లోనూ గోల్డ్ రేటు పెరిగింది. ఔన్సు గోల్డ్ పై 57డాలర్లు పెరింది. దీంతో ప్రస్తుతం ఔన్సు గోల్డ్ 3,817 డాలర్ల వద్ద ట్రేడవుతోంది.
మరోవైపు.. వెండి ధర సైతం ఆకాశమే హద్దుగా దూసుకెళ్తోంది. ఇవాళ కిలో వెండిపై రూ. వెయ్యి పెరగ్గా.. ఆల్ టైం రికార్డును నమోదు చేసింది.
తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర భారీగా పెరిగింది.
♦ హైదరాబాద్, విజయవాడ, విశాఖపట్నంలో.. 10గ్రాముల 22క్యారట్ల పసిడి ధర రూ.1,06,700 కాగా.. 24 క్యారట్ల ధర రూ.1,16,400కు చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.1,06,850 కాగా.. 24 క్యారట్ల ధర రూ. 1,16,550కు చేరింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల పసిడి ధర రూ.1,06,700 కాగా.. 24క్యారెట్ల ధర రూ.1,16,400కు చేరింది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర భారీగా పెరిగింది. దీంతో ఆయా నగరాల్లో కిలో వెండి ధర రూ.1,60,000 వద్దకు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,50,000 వద్ద కొనసాగుతుంది.
♦ చెన్నైలో కిలో వెండి ధర రూ. 1,60,000కు చేరింది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
