Hero Super Splendor XTEC : హీరో సూపర్ బైక్ వచ్చేసింది.. లీటర్ కొట్టిస్తే.. 72కి.మీ మైలేజీ అందిస్తుంది.. ధర ఎంతో తెలుసా?
Hero Super Splendor XTEC : హీరో సూపర్ స్ప్లెండర్ XTEC 2.0 అప్డేటెడ్ వెర్షన్ రిలీజ్ అయింది. ఈ బైకు రూ. 86,500 (ఎక్స్-షోరూమ్) ప్రారంభ ధరతో అందుబాటులో ఉంది. ఫీచర్లు, మైలేజీ వివరాలివే..
- Sreehari A
- Published on- May 27, 2026 / 04:55 PM IST
Hero Super Splendor XTEC
- హీరో సూపర్ స్ప్లెండర్ ఎక్స్టీఈసీ బైక్ లాంచ్
- లీటర్ పెట్రోల్తో ఏకంగా 72కి.మీ ప్రయాణించగలదు
- రూ. 86,500 (ఎక్స్-షోరూమ్) ప్రారంభ ధరతో వస్తుంది
Hero Super Splendor XTEC : హీరో మోటోకార్ప్ భారత మార్కెట్లో సూపర్ స్ప్లెండర్ XTEC 2.0 అప్డేటెడ్ వెర్షన్ లాంచ్ చేసింది. ఈ బైకు రూ. 86,500 (ఎక్స్-షోరూమ్) ప్రారంభ ధరతో అందుబాటులో ఉంది. కొత్త ఎలక్ట్రానిక్ ఫీచర్లు, డిజైన్ మార్పులతో కంపెనీ రిలీజ్ చేసింది.
ఈ బైకులో 124.7cc, సింగిల్-సిలిండర్, ఎయిర్-కూల్డ్ ఇంజన్ ఉంది. 7,500rpm వద్ద 10hp పవర్, 6,000rpm వద్ద 10.6Nm టాప్ టార్క్ను జనరేట్ చేస్తుంది. లీటరుకు 72 కిలోమీటర్ల మైలేజీని ఇస్తుందని కంపెనీ పేర్కొంది. ఈ మెరుగైన ఇంధన (Hero Super Splendor XTEC) సామర్థ్యం కోసం ఇందులో ప్రోగ్రామ్డ్ ఫ్యూయల్ ఇంజెక్షన్ ఐడిల్ స్టాప్-స్టార్ట్ సిస్టమ్ వంటి ఫీచర్లు ఉన్నాయి.
ఈ పవర్ట్రెయిన్లో ఇంటిగ్రేటెడ్ స్టార్టర్ జనరేటర్ (ISG) కూడా ఉంది. అడ్వాన్స్డ్ ప్రోగ్రామ్డ్ ఫ్యూయల్ ఇంజెక్షన్ (APFI) కంపెనీ i3S (ఐడిల్ స్టాప్-స్టార్ట్ సిస్టమ్)తో ఇంజిన్ సౌండ్ స్టార్ట్ ట్రాఫిక్లో రీస్టార్ట్ అవుతుంది.
హీరో సూపర్ స్ప్లెండర్ బైక్ :
సేఫ్టీ, ఎలక్ట్రానిక్స్ పరంగా ఈ వేరియంట్ సూపర్ స్ప్లెండర్ లైనప్కు హజార్డ్ లైట్లను అందిస్తుంది. అద్భుతమైన బ్రేకింగ్ పర్ఫార్మెన్స్ కోసం ఇందులో ఫ్రంట్ డిస్క్ బ్రేక్, టెలిస్కోపిక్ ఫ్రంట్ సస్పెన్షన్, హ్యాండిల్బార్పై అమర్చిన ఇంజిన్ కిల్ స్విచ్ ఫుల్ డిజిటల్ ఇన్స్ట్రుమెంట్ ప్యానెల్ వంటి ఫీచర్లు ఉన్నాయి.
ఈ డిజిటల్ డిస్ప్లేలో బ్లూటూత్ కనెక్టివిటీ ఉంది. ఇన్కమింగ్ కాల్స్, SMS మెసేజ్, ఫోన్ బ్యాటరీ స్టేటస్ అలర్ట్స్ అందిస్తుంది. ఇతర ఫీచర్లలో రియల్-టైమ్ మైలేజ్ ఇండికేటర్, లో ఫ్యూయిల్ వార్నింగ్ లైట్, స్మార్ట్ఫోన్లను ఛార్జ్ చేసేందుకు సింగిల్ USB టైప్-C ఛార్జింగ్ పోర్ట్ ఉన్నాయి.
ఈ హీరో కొత్త బైక్ అదిరిపోయే డిజైన్తో ఆకట్టుకుంటోంది. ఇందులో డ్యూయల్-టోన్ బాడీ గ్రాఫిక్స్ ఆకర్షణీయమైన కలర్ థీమ్ ఉన్నాయి. ఎక్స్టెక్ 2.0 సిగ్నేచర్ బ్యాడ్జింగ్, ప్రీమియం 3డీ ఐకాన్, స్టైలిష్ స్టిచ్తో డ్యూయల్-టెక్చర్ సీటు, ఆకర్షణీయమైన రిమ్ టేపులు ఉన్నాయి. ఈ మోడల్ గ్లాసీ బ్లాక్, క్యాండీ బ్లేజింగ్ రెడ్, మ్యాట్ యాక్సిస్ గ్రే, మ్యాట్ నెక్సస్ బ్లూ మ్యాట్ చెస్ట్నట్ బ్రౌన్ 5 కలర్ ఆప్షన్లలో అందుబాటులో ఉంది.