Infinix GT 30 Pro Sale
Infinix GT 30 Pro Sale : కొత్త ఇన్ఫినిక్స్ ఫోన్ కొంటున్నారా? లేటెస్ట్ గేమింగ్ స్మార్ట్‌ఫోన్ ఇన్ఫినిక్స్ GT 30 ప్రో 5G ఫోన్ స్పెషల్ సేల్ మొదలైంది. ఈ కొత్త మోడల్ గత ఏడాది మేలో లాంచ్ అయింది. ఇన్ఫినిక్స్ GT 20 ప్రో 5Gకి అప్‌గ్రేడ్ వెర్షన్.
అద్భుతమైన ఫీచర్లతో ఈ స్మార్ట్‌ఫోన్ బ్యాక్ సైడ్ కస్టమైజడ్ LED లైట్ ప్యానెల్‌లతో సైబర్ మెచా 2.0 డిజైన్, పవర్‌ఫుల్ మీడియాటెక్ డైమెన్సిటీ 8350 అల్టిమేట్ SoC, 45W వైర్డు, 30W వైర్‌లెస్ ఛార్జింగ్ సపోర్టుతో 5,500mAh బ్యాటరీని కలిగి ఉంది.
ఇన్ఫినిక్స్ GT 30 ప్రో 5G ధర, ఆఫర్లు :
భారత మార్కెట్లో ఇన్ఫినిక్స్ GT 30 ప్రో 5G ఫోన్ (8GB + 256GB) వేరియంట్ ధర రూ.24,999 నుంచి లభ్యమవుతుంది. 12GB + 256GB మోడల్ ధర రూ.26,999గా ఉంది. స్పెషల్ లాంచ్ డే ఆఫర్‌లో భాగంగా 8GB ర్యామ్ బేస్ మోడల్ ఫస్ట్ సేల్ రూ.22,999కే అందుబాటులో ఉంటుంది.
ఇందులో ICICI బ్యాంక్ కస్టమర్లకు రూ.2వేలు తగ్గింపు పొందవచ్చు. జూన్ 12 నుంచి ఈ స్మార్ట్‌ఫోన్‌ను ఫ్లిప్‌కార్ట్‌లో పొందవచ్చు. ఇన్ఫినిక్స్ GT 30 ప్రో 5G ఫోన్ బ్యాక్ సైడ్ వైట్ LED లైట్లు బ్లేడ్ వైట్, RGB LED యూనిట్లతో డార్క్ ఫ్లేర్ వంటి 2 కలర్ ఆప్షన్లలో వస్తుంది.
ఇన్ఫినిక్స్ GT 30ప్రో 5G స్పెసిఫికేషన్లు :
ఇన్ఫినిక్స్ GT 30 ప్రో 5G ఫోన్ అద్భుతమైన 6.78-అంగుళాల 1.5K (1,224×2,720 పిక్సెల్స్) అమోల్డ్ డిస్‌ప్లేను కలిగి ఉంది. 144Hz వరకు ఆకట్టుకునే రిఫ్రెష్ రేట్, 2,160Hz ఇన్‌స్టంట్ టచ్ శాంప్లింగ్ రేట్, 2,304Hz PWM డిమ్మింగ్ రేట్‌ను అందిస్తుంది.
4,500 నిట్స్ వరకు గరిష్ట ప్రకాశంతో డిస్‌ప్లే ఆల్వేస్-ఆన్ ఫీచర్‌కు కూడా సపోర్టు ఇస్తుంది. కార్నింగ్ గొరిల్లా గ్లాస్ 7i ద్వారా ప్రొటెక్షన్ అందిస్తుంది. 4nm ఆక్టా-కోర్ మీడియాటెక్ డైమన్షిటీ 8350 అల్టిమేట్ SoC ద్వారా ఆధారితంగా 12GB వరకు LPDDR5X ర్యామ్, 256GB UFS 4.0 స్టోరేజ్‌తో వస్తుంది.
ఈ ఇన్ఫినిక్స్ ఫోన్ XOS 15 యూజర్ ఇంటర్‌ఫేస్‌తో ఆండ్రాయిడ్ 15లో రన్ అవుతుంది. గూగుల్ సర్కిల్ టు సెర్చ్‌తో పాటు ఏఐ నోట్, ఫోలాక్స్, రైటింగ్ అసిస్టెంట్ వంటి ఇన్ఫినిక్స్ AI సూట్ టూల్స్, ఇతర ఫీచర్లు ఉన్నాయి.
గేమర్‌ల కోసం ఈ స్మార్ట్‌ఫోన్‌లో ఇన్ఫినిక్స్ XBoost గేమింగ్ ఇంజిన్, థర్మల్ కూలింగ్ కోసం ఏఐ-ఆధారిత VC కూలింగ్ సిస్టమ్, స్పీడ్ 520Hz రెస్పాన్స్ రేటుతో GT షోల్డర్ ట్రిగ్గర్‌లు ఉన్నాయి. BGMIలో 120fpsకి కూడా సపోర్టు ఇస్తుంది. ప్రత్యేకమైన e-స్పోర్ట్స్ మోడ్‌ను కూడా కలిగి ఉంది.
కెమెరా విషయానికి వస్తే.. :
కెమెరాల పరంగా ఇన్ఫినిక్స్ GT 30 ప్రో 5G ఫోన్ 108MP ప్రైమరీ సెన్సార్, 8MP అల్ట్రా-వైడ్ లెన్స్, అద్భుతమైన సెల్ఫీలు, వీడియో కాల్స్ కోసం 13MP ఫ్రంట్ కెమెరాతో వస్తుంది. అదనంగా, ఈ ఫోన్ హై-రెస్ ఆడియో సపోర్ట్‌తో డ్యూయల్ స్పీకర్‌ కలిగి ఉంది. 5,500mAh బ్యాటరీ 45W వైర్డు, 30W వైర్‌లెస్ ఛార్జింగ్ కలిగి ఉంది.
రివర్స్ ఛార్జింగ్ ఆప్షన్లలో 10W వైర్డు, 5W వైర్‌లెస్‌లో అందుబాటులో ఉన్నాయి. కనెక్టివిటీ ఫీచర్లలో 5G, Wi-Fi 6, బ్లూటూత్ 5.4, NFC, GPS, USB టైప్-C ఉన్నాయి. సేఫ్టీ విషయానికి వస్తే.. ఇన్-డిస్‌ప్లే ఫింగర్‌ప్రింట్ సెన్సార్‌తో వస్తుంది. 163.7×75.8×7.99mm కొలతలు, 188 గ్రాముల బరువు ఉంటుంది.
