Mercedes-Benz
Mercedes-Benz V-Class Luxury MPV : కొత్త కారు కొనేందుకు ప్లాన్ చేస్తున్నారా? మెర్సిడెస్-బెంజ్ ఇండియా దేశీయ మార్కెట్లో V-క్లాస్ లగ్జరీ MPVని తిరిగి ప్రవేశపెట్టింది. ఈ కారు ధరలు ధరలు రూ. 1.40 కోట్ల (ఎక్స్-షోరూమ్) నుంచి ప్రారంభమవుతాయి.
4 ఏళ్ల తర్వాత మార్కెట్లోకి రీ ఎంట్రీ ఇచ్చిన ఈ మోడల్, ప్రీమియం ప్యాసింజర్ వెహికల్ సెగ్మెంట్లో టయోటా వెల్ఫైర్, లెక్సస్ ఎల్ఎమ్లతో పోటీ పడనుంది. ముఖ్యంగా, V-క్లాస్ ఇప్పుడు భారత మార్కెట్లోనే తయారవుతుంది. మెర్సిడెస్-బెంజ్ పోర్ట్ఫోలియోను మరింతగా విస్తరిస్తోంది.
ఎక్స్ట్రనల్ డిజైన్, లుక్ :
2023లో ప్రపంచవ్యాప్తంగా మార్కెట్లోకి వచ్చిన కొత్త V-క్లాస్ ఇప్పుడు అనేక డిజైన్ అప్డేట్లతో భారత మార్కెట్లోకి మళ్లీ అడుగుపెట్టింది. ఈ బ్రాండ్ సిగ్నేచర్ గ్రిల్, పాత మోడళ్ల మాదిరిగా స్టైలింగ్ ఆప్షన్లతో వస్తుంది.
ఈ బ్రాండ్ సిగ్నేచర్ గ్రిల్, పాత మోడళ్లలో స్టైలింగ్ కూడా ఉంది. 3,200mm వీల్బేస్పై వస్తుంది. భారత మార్కెట్లో లాంగ్ 3,430mm వీల్బేస్ వెర్షన్లో మాత్రమే అందుబాటులో ఉంది. మిగత మోడళ్లలో కన్నా మెర్సిడెస్ కారు చాలా పొడవు ఉంటుంది.
AMG లైన్ స్టైలింగ్ చాలా స్టాండర్డ్. ఇందులో స్టార్-స్టడెడ్ గ్రిల్, స్పోర్టీ బంపర్, డీఆర్ఎల్ మల్టీ-బీమ్ ఎల్ఈడీ హెడ్లైట్లు ఉన్నాయి. ఎంపీవీ డ్యూయల్-టోన్ 18-అంగుళాల అల్లాయ్ వీల్స్పై నడుస్తుంది. అయితే, భారీ 19-అంగుళాల వీల్స్ అంతర్జాతీయ మార్కెట్లలో కూడా అందుబాటులో ఉన్నాయి.
ఇంటీరియర్, ఫీచర్లు :
వెనుక సీటులో ప్రయాణీకుల కోసం ఎంపీవీ క్యాబిన్ చాలా కంపర్ట్ ఉంటుంది. కొనుగోలుదారులు 4, 6 సీట్ల లేఅవుట్ల నుంచి ఎంచుకోవచ్చు. లాంజ్ సీట్లు పవర్ ద్వారా అడ్జెస్ట్ చేయొచ్చు. రిక్లైన్, మసాజ్, వెంటిలేషన్ అందిస్తాయి.
6 సీట్ల కాన్ఫిగరేషన్లో, 3వ వరుసలో వెంటిలేషన్ కూడా ఉంటుంది. ఇతర ఫీచర్లలో 3-జోన్ క్లైమేట్ కంట్రోల్, బర్మెస్టర్ ఆడియో సిస్టమ్, 64-కలర్ యాంబియంట్ లైటింగ్, రెండు 12.3-అంగుళాల డాష్బోర్డ్ స్క్రీన్లు, 2 ఇంటీరియర్ థీమ్లు ఉన్నాయి. సేఫ్టీ ఫీచర్లలో 7 ఎయిర్బ్యాగులు, 360-డిగ్రీ కెమెరా, లెవల్ 2 అడాస్ సూట్ ఉన్నాయి.
ఇంజిన్ ఆప్షన్లు :
మెర్సిడెస్-బెంజ్ రెండు వేరియంట్లలో వస్తుంది. V300 d డీజిల్, V300 పెట్రోల్ ఉన్నాయి. డీజిల్ వెర్షన్ 2-లీటర్, 4-సిలిండర్ టర్బోచార్జ్డ్ ఇంజిన్తో 237hpని ఉత్పత్తి చేస్తుంది. పెట్రోల్ వేరియంట్ 231hpని ఉత్పత్తి చేసే 2-లీటర్ ఇంజిన్ కూడా ఉంది. మైల్డ్-హైబ్రిడ్ అసిస్టెన్స్ ఉంది. ఈ రెండు ఇంజన్లు 9-స్పీడ్ టార్క్-కన్వర్టర్ ఆటోమేటిక్ ట్రాన్స్మిషన్తో రన్ అవుతాయి.
