October 2026 Facelift : అక్టోబర్‌లో 5 కొత్త కార్లు రాబోతున్నాయి.. హోండా నుంచి టయోటా వరకు లేటెస్ట్ మోడల్స్ ఇవే!

October 2026 Facelift Lineup

• కారు కొనేవారికి గుడ్ న్యూస్.. అక్టోబర్‌లో 5 కొత్త ఫేస్‌లిఫ్ట్ కార్లు
• అదిరిపోయే ఫీచర్లతో కొత్త కార్లు రాబోతున్నాయి
• హోండా ఎలివేట్ నుంచి టయోటా గ్లాంజా వరకు

October 2026 Facelift Lineup : భారత ఆటోమొబైల్ మార్కెట్‌లో అక్టోబర్ 2026 సందడిగా మారనుంది. ప్రముఖ కార్ల తయారీ సంస్థలు తమ ప్రస్తుత మోడళ్లకు ఫేస్‌లిఫ్ట్ వెర్షన్లను తీసుకొచ్చేందుకు రెడీ అవుతున్నాయి. మెర్సిడెస్-మేబ్యాక్, హోండా, స్కోడా, టయోటా, వోక్స్‌వ్యాగన్ నుంచి మొత్తం 5 కొత్త అప్‌డేటెడ్ కార్లు ఈ నెలలో మార్కెట్‌లోకి వచ్చే అవకాశం ఉంది. కొత్త డిజైన్, అదనపు ఫీచర్లు, టెక్నాలజీ అప్‌గ్రేడ్‌లతో రానున్నాయి. పూర్తి వివరాలివే..

మెర్సిడెస్-మేబ్యాక్ ఎస్-క్లాస్ :
ఈ లగ్జరీ సెడాన్‌ అక్టోబర్ 5న లాంచ్ అయ్యే అవకాశం ఉంది. ఈ కారులో కొత్త గ్రిల్, హెడ్‌ల్యాంప్‌లు, స్టార్ ఆకారపు డీఆర్ఎల్ వంటి మార్పులు ఉండవచ్చు. క్యాబిన్‌లో ప్రీమియం ఫీచర్లు ఉండనున్నాయి.

హోండా ఎలివేట్ :
అక్టోబర్ 6న రానున్న ఎలివేట్ ఫేస్‌లిఫ్ట్‌లో రీడిజైన్ చేసిన గ్రిల్, కొత్త ఎల్ఈడీ లైటింగ్, బంపర్లు, అల్లాయ్ వీల్స్ వంటి మార్పులు ఉండొచ్చు. 360-డిగ్రీ కెమెరా, వెంటిలేటెడ్ సీట్లు, 10.25-అంగుళాల టచ్‌స్క్రీన్ వంటి ఫీచర్లు చేరే అవకాశం ఉంది.

Read Also : Flipkart Big Billion Days : ఆపిల్ లవర్స్‌కు గుడ్ న్యూస్.. ఐఫోన్ 17, ఐఫోన్ 15 ధరలు భారీగా తగ్గింపు.. ఫ్లిప్‌కార్ట్ సేల్ ఆఫర్లు ఇవే!

స్కోడా స్లావియా :
అక్టోబర్ 6న స్లావియా ఫేస్‌లిఫ్ట్ కూడా మార్కెట్లోకి వచ్చే అవకాశం ఉంది. ఇందులో 1.0 టీఎస్ఐ ఇంజిన్‌కు కొత్త 8-స్పీడ్ ఆటోమేటిక్ గేర్‌బాక్స్ మెయిన్ ఆకర్షణగా నిలవొచ్చు.  క్యాబిన్ లోపల, 10.1-అంగుళాల టచ్‌స్క్రీన్, 360-డిగ్రీ కెమెరా ఉండొచ్చు.

టయోటా గ్లాంజా :
అక్టోబర్ 14న  ఫేస్‌లిఫ్ట్ గ్లాంజా రావచ్చని అంచనా. కొత్త స్టైలింగ్, లైటింగ్, అల్లాయ్ వీల్స్‌తో పాటు క్యాబిన్‌లో అదనపు ఫీచర్లు ఉండొచ్చు. 1.2-లీటర్ పెట్రోల్ ఇంజిన్‌, సుమారుగా 82.9 hp పవర్ మరియు 112.4 Nm టార్క్‌ను ఉత్పత్తి చేస్తుంది.  5-స్పీడ్ మాన్యువల్, 5-స్పీడ్ AMT అందుబాటులో ఉంటాయి.

వోక్స్‌వ్యాగన్ వర్టస్ :
అక్టోబర్ చివరిలో దాదాపు 25న ఈ కారు లాంచ్ కానుంది. కొత్త వర్టస్‌లో డిజైన్, టెక్నాలజీ అప్‌డేట్‌లు, 360-డిగ్రీ కెమెరా వంటి ఫీచర్లు రావచ్చు. 1.0-లీటర్ TSI ఇంజిన్‌తో కొత్త 8-స్పీడ్ ఆటోమేటిక్ గేర్‌బాక్స్‌ ఉంటుంది. అయితే, ఇవన్నీ కేవలం అంచనాలు మాత్రమే.. కంపెనీ అధికారిక ప్రకటన తర్వాతే ఫైనల్ స్పెసిఫికేషన్లపై క్లారిటీ రానుంది.