Nude Videos : శ్రీకాకుళం జిల్లాలో దారుణం జరిగింది. ప్రేమ పేరుతో యువతికి దగ్గరైన ఓ యువకుడు.. ఆమెను లోబర్చుకుని నగ్న చిత్రాలు తీసి ఆమె ఆత్మహత్యకు కారణమయ్యాడు.
రేగిడి ఆమదాలవలస మండలం కొత్తచెలికానివలసలో ఈ ఘోరం జరిగింది. కొత్తచెలికానివలస గ్రామానికి చెందిన రాకోటి రామారావుకి నలుగురు పిల్లలు. ఓ కూతురు బీటెక్ చదువుతోంది. ఆ యువతికి రంగరాయపురానికి చెందిన డబ్బాడ హరీష్ అనే యువకుడితో స్నేహం ఏర్పడింది. ఈ స్నేహం.. ప్రేమగా మారింది. పెళ్లి చేసుకుంటానని హరీష్ ఆ యువతిని నమ్మించాడు. మాయమాటలు చెప్పి శారీరకంగా అనుభవించాడు.
Obesity medicine : ఊబకాయం తగ్గించే ఇంజెక్షన్..ఎగబడుతున్న జనాలు..
ఇద్దరూ ఏకాంతంగా గడిపిన సమయంలో యువతి నగ్న వీడియోలు, ఫొటోలు హరీష్ తీసుకున్నాడు. ఆ తర్వాత అతడి అసలు రూపం బయటపడింది. వాటిని అడ్డం పెట్టుకుని యువతిని వేధించాడు. ఓ రోజు మద్యం మత్తులో ఆ వీడియోలను, ఫొటోలను యువతి సోదరుడికి, గ్రామస్తులకు పంపించాడు. తన ప్రియుడు చేసిన అవమానాన్ని భరించలేక యువతి ఆత్మహత్యకు పాల్పడింది. ఇంట్లో ఎవరూ లేని సమయంలో ఉరేసుకుని చనిపోయింది.
Ladyfinger : రక్త సరఫరా మెరుగు పరిచి…శ్వాసకోశ సమస్యల్ని దూరం చేసే బెండకాయ
యువతి బలవన్మరణంతో కుటుంబ సభ్యులు తీవ్ర విషాదంలో ముగినిపోయారు. సమాచారం అందుకుని రంగంలోకి దిగిన పోలీసులు విచారణ చేపట్టారు. కాగా, ప్రేమ పేరుతో దారుణానికి ఒడిగట్టిన నిందితుడిని కఠినంగా శిక్షించాలని కుటుంబసభ్యులు, గ్రామస్తులు పోలీసులను డిమాండ్ చేశారు.
